الموضوع: الكيك داون فى الاوتوماتيك !

أصل انا جربت الحركه بتاعت الأخ فهد ومنفعتش"من زمان كنت بشوفها وكنت عاوز أجرب فقط" ولكن يوم الأربعاء الماضى كان برنامج توب جير شغال وعمل حركه غريبه جدا وهى انه عشق العربيه على ال D وضغط زرار الـ Sport وضغط دواسه الوقود على الأخر وعندما وصلت السياره الى 4000 لفه/دقيقه راحت العربيه طالعه أمريكانى لوحدها إزاى ده حصل انا معرفش"كانت أول مره أشوفها"
قلت أسأل يمكن حد يقول على طريقه جديده زى دى
على فكره العربيه كانت لامبورجينى مارتشيالاغو 6.5 لتر

هههههههههههههههههههه

انت تقصد المورتشيلاجو لما كان بيوريك سرعتها فا جاب جولف و عمل DRAG ما بينهم ؟ انا اتعقدت لما شفتهم :) :) :) :)

شفت جيريمى اتنطر ازاى لورا لما طلعت :) :) :)

لو تقصد كدة فا دة نظام فى العربية اسمه launch control و دة نظام بيخليك تاخد اقوى طلعة من العربية علشان تجيب اقل زمن اكسيليريشن يعنى متضيعش الوقت فى Wheel spin ولا متديش باور كفاية فا العربية متعملش اقوى طلعة و طبعا مش موجود غير فى السوبر كار او العربيات السبور فقط

و طبعا دة معمول حسابة و طبعا طلعة المورتشيلاجو زى ما انت قلت 6500 سى سى فا لازم تفرك و هية طالعة دة اساسى :) حتى لو اوتوماتيك لأن الموتور قوى جدا

و بالنسبة لأن الحركة بتحمل على الفتيس فا الله اعلم بس حتى لو انت مش بتحمل كتيير دة مجرد ثانية و كمان انا معملتهاش غير مرتين للتجربة بس

على فكره يا جماعه انا قريت فى كتالوج العربيه بتاعى ان ممنوع ادوس بنزين و فرامل فى نفس الوقت منعا باتا مهما كانت الظروف .........

على فكره يا جماعه انا قريت فى كتالوج العربيه بتاعى ان ممنوع ادوس بنزين و فرامل فى نفس الوقت منعا باتا مهما كانت الظروف .........

اصل يا باشا انا فكرت فيها من وجهة نظر تانية

ان تخيل انك طالع مطلع جامد اوى اوى فا لما انت حتيجى علشان تطلع لو دست بنزين مش كفاية العربية مش حتطلع لكن لو دست جامد يبقى العربية حتطلع و هية هية تقريبا لأنك كدة بتبقى اكنك مفرمل العربية و الموضوع دة مجرد ثانية و هوة فعلا ممكن يكون لية اضرار الله اعلم انا عملتها مرتين فقط للتجربة

المشاركة الأصلية كتبت بواسطة Demirell

أعتقد إنك تقصد الـ overtake يا فهد مش الكيك داون...وده أعتقد مفيش حد في مصر ما بيعملوش

الـ overtaking هو اللي بيقصد بيه تخطي عربية تانية بسرعة أعلى من سرعتها...إنما الكيك داون زي ما أنت عارف طبعاً هو إنك تطلع بعربيتك زي الصاروخ من حالة الثبات :)

عموماً الأحسن إنك لو عندك زرار للـ overdrive في الفتيس تشغله لما تيجي تعمل الـ overtake وبعد كده تطفيه تاني

مع كامل الاحترام لحضرتك... كل اللي كتبته مش مضبوط.

1- الـ kick down معناها نزول الفتيس نقله (ساعات نقلتين) لما تدوس بنزين جامد. الـ over take يعني التجاوز.. و مش معناه من الثبات و لا حاجه.
2- الـ over drive ملوش علاقه بالتجاوز و مش بيزود سحب العربيه. ده وظيفته انه نقله زياده (زي الخامس في المانيوال) علشان تريح الموتور على السرعات العاليه.

لذا وجب التوضيح

المشاركة الأصلية كتبت بواسطة fahd_628

اصل يا باشا انا فكرت فيها من وجهة نظر تانية

ان تخيل انك طالع مطلع جامد اوى اوى فا لما انت حتيجى علشان تطلع لو دست بنزين مش كفاية العربية مش حتطلع لكن لو دست جامد يبقى العربية حتطلع و هية هية تقريبا لأنك كدة بتبقى اكنك مفرمل العربية و الموضوع دة مجرد ثانية و هوة فعلا ممكن يكون لية اضرار الله اعلم انا عملتها مرتين فقط للتجربة

صح انا فهمت وجهه نظرك ...
هى طبعا اكيد ليها اضرار ...
انا هحاول اجربها مره كده و اشوف هتعمل ايه ..؟؟
بس على فكره انا بفرك بالعربيه عادى بدون فرامل ....
برزع رجلى على البنزين بلاقيها فركت جااااامد بس لازم يكون فى تراب تحتها او ميه او طين ..
لو مفيش اى حاجه من دى بتفرك حاجه بسيطه كده بحسها فى الدركسيون.

طيب انا عندى استفسار :
الاوكتافيا مفروض ان فيها ASR و ده بيمنع تزحلق العربيه صح؟؟ و المفروض ان فيها حاجه كمان بتخلى العجل ميفركش (مكتوبه فى الكتالوج) ...
لو جيت بقى فى حته فيها رمل ولا حاجه او طين و دوست جاااامد بلاقيها فركت و لمبه ال ASR نورت .. لما تخلص فرك اللمبه تطفى .......
هو الجهاز ده فيها علشان يعرفنى انها بتفرك ولا ايه ؟؟؟
و النهارده كان والدى بيها و فى حته طين و عايز يدير بسرعه فداس جامد اعدت تفرك و متتحركش و اللمبه منوره .....

يا ترى ايه ده و ايه فايده ال ASR ؟؟

شوف كدة الفيديو دة !
http://video.google.com/videoplay?do...35225801672570

المشاركة الأصلية كتبت بواسطة fahd_628

شوف كدة الفيديو دة !
http://video.google.com/videoplay?do...35225801672570

متشكر جدا يا باشا ...
انا كده فهمت و الى حصل فى ال A5 فى الفيديو هو ده الى بيحصل بالظبط ....

معلش لو فيها رخامه استفسار تانى بما انك راجل خبره :
مش المفروض ان العربيه متريحش لورا و هى على ال D ؟؟؟ خصوصا ال A5 لان فيها لجهاز الى بيخليها متتحركش ورا او ادام على المرتفعات ؟؟؟
ده حتى الاسترا عندى مش بتريح خااالص و هى على D !!!
الاوكتافيا بقى و انا طالع جراج الاوبرا (طلعه جامده اوى) بلاقى العربيه بترجع ورا لما اشيل رجلى من على البنزين ....
و سبتها ترجع لحد ما نزلت لاخر الجراج ...
يا ترى ده ايه ؟؟؟

معلش انا عارف انى تقلت عليك بس اانا قولت انت الى هتفيدنى .....