الموضوع: ايه اكتر شىء يعكنن عليك وانت سايق!!

آسف يا جماعة عالتكرار.....

هو الواحد ممكن يحذف مشاركته إزاي؟

اكتر حاجه تنرفزني وانا ماشي وواخد يميني والاقي واحد جاي من ورايه وعاوز يعديني وشمالي فاااضي طبعا مبسيبوووش يعدي .. ولو عدي بسخن عليه .. طبعا فاهمين قصدي ..
تاني حاجه تغيظني جدا .. لما اكون ماشي في شارع ضلمه ومشغل الواطي وواحد جاي قصادي وبرضه مشغل نوووره ويعدي جنبي ويقولي النور يابااااشا ..
يعني انا نوري حرام وهو نوره حلااااااااال .. بتنرفز عليه جدا .. وياسلام لو قال نورك يا ـ ـ ــ ــ شتيمه
الله اعلم بقي بالي ممكن يجراله بس الحمد لله لسه ماحصلتش

1-غبااااااااااااء الاخرين
2- كلكسات عمال على بطال
3-واحده ست اكون انا ماشى وراها و تعامل الفرامل معامله الصراصير
4-واحد من الاتنين دول يمشو فى سكتى ( كارو - ميكروباص )
5-تريلا تاخد يمين فى شمال وهى المفروض تبقى يمين اصلا
6-امشى فى سكه سفر تبقى كلها ستريت ومره واحده هوب تلاقى مطب ولا نقره فى سكتك
7-تعدى على بنزينه ميبقاش فيها سنيكرز ( بعشقها )

المشاركة الأصلية كتبت بواسطة NoRmAl

ده اللى انا كنت بقوله
حضرتك يا استاذ توت شمتنا كلنا بدون قصد طبعا.
اقصد ان كلنا بنعمل ولو جزء من الى انت قولته وعارفين انه غلط
احب بس احيى الاستاذ venus-doom والاستاذ merosss على شجاعتهم على الاعتراف بالخطأ بس من المفروض اننا نبطله بس تقول مين انا عن نفسى بسمع لنفسى كل يوم وانا نازل عالسلم " مافيش غرز مافيش غرز مافيش غرز....."
واول ما شوف واحده... كأنى متبرمج
شكرا مجددا للاعضاء الى كانت عندهم شجاعه و مستنيين الاخرين يعترفوا بردوو

يا أستاذ نورمال .... أولا أهلا بك و صباح الخير
ثانيا حاشى لله إني أشتم حد من الباب للطاق كدا .
و ثالثا أنا بكن كل أحترام لكل الناس هنا في المنتدى و في كل مكان
و لكن اللي يقل أدبه عليك في الطريق و يسرق طريقك و يعرضك للخطر بعمل الغرزة و يخليك تفرمل و ساعات لازم تفرمل جامد علشان البيه محسبهاش كويس و المكان أصلا مش أد عربيته و لو مفرملتش جامد .... هايشيل وش عربيتك

تقدر تقولي وصف الناس دي أيه ؟؟؟
بغض النظر بقى أن حضرتك بتعمله أو لاءة و لكن أنا أُحيي فيك الشجاعة بالأعتراف بالخطأ .

أنا هاتكلم عن نفسي بما أن الموضوع قلب أعتراف بالأخطاء
أولا أنا عايز أبدي مُلاحظة مهمة جدا
أغلب الأخطاء بتم بسبب الأستعجال .... و السرعة الزائدة عن الطريق ....
و دي الناس المهمة قوي اللي وراها صفقات المليارات و بتعمل كدا يا عيني علشان تلحقها ...... لازم برضه الواحد يعذر الشعب المصري .... مينفعش يتأخروا على صفقاتهم

المهم ... نرجع لكلامي
أنا الحمد لله تعالى أخطائي في الطريق قليلة جدا حيث أني من رابع المستحيلات أن أفعل الأفعال التالية :
الغرز ......... الحمد لله لا أقوم بها بتاتا و أنتظر حتى أستطيع التخطي بأمان في حالة وجود عوائق في الحارة اليسرى مثل سيارات نقل أو سيارات بطيئة و لا أتخطاهم بغرزة أبدا .

أكره الكلاكس جدا و لا أستخدمه إلا في تنبيه الحمير اللي قاعدة أمام عجلة القيادة الخاصة بالميكروباظ و الحمير اللي سايقة العربية و المرايات مقفولة و ماشي يحدف يمين و شمال . و ساعات الناس اللي بترمي نفسها أدام العربية علشان تعدي أو البهوات اللي عاملين فيها شجعان السيما و سايبين الرصيف و ماشيين في وسط الشارع !

أكره السرعة و الحمد لله ألتزم في 90 % من الأحيان بسرعة الطريق الرسمية المحددة من قبل هيئة المرور و لا أقوم بالتزويد عنها إلا في حالات الزنقة .. ( عربيتين يكونوا زانقين عليا أو نقل بيسابق و كلام من ده )

و الحمد لله .... لما بأركن ...بأركن محترم و ألصق العربية في الرصيف و مستعد أمشي على رجلي كيلومتر بس أركن العربية في مكان و أسيب مكان لغيري يركن فيه و مركنش أبدا زي الحمير اللي بتركن زي العميان و الناس اللي بتأخد كذا مكان في الركنة بتاعتها ..الحمد لله ... أني بفكر في غيري و ياريت الناس تفكر أن مش هي لوحدا بتستخدم الطريق .

و الكلام اللي أنا بقوله ده و الله العظيم أنا مش عامل فيها ملاك و لكن هي دي طباعي في السواقة
أحترم غيري و عمري ما أكسر على حد و و الله العظيم دايما لو واقفين في مكان و مزنوق .... أطلع أستئذن العربية اللي جانبي علشان أكسر عليه و أمشي حالي لو أنا مزنوق جامد . و لو معرفتش أستئذن .... أدي أشارة و أكسر واحدة واحدة و أعرف الناس أني مزنوق و عايز أطلع .

عموما لو حضرتك زعلت من كلامي ..... أنا آسف
بس عايزك تجرب تقعد في العربية من غير غرز
و شوف لما واحد غبي يعمل قدامك غرزة و قولي أيه أحساسك ؟؟

لو مبسوط ........ يبقى أتكل على الله و أعمل اللي أنت عايزه
لو الغرزة ضايقتك ....... أعرف أنها بتضايق غيرك و ياريت تبطل تعملها علشان كمان دي خطر جدا و بتعرض حياة الناس للخطر و حياتك أنت شخصيا
ربنا يستر طريقك و طريقنا و يهدي سواقين مصر و ناس مصر و يحببهم في النظام و الأهم ...يهدي المرور المصري و يخليه يشوف شغله في مراقبة الطريق و لهم في المحور خير مثال .
و السلام عليكم و رحمة الله وبركاته

أنا نسيت برضه أقول على حكاية الناس اللي بتعدي الشارع على مهلها خاااااالص قدام العربيات ولا كأنهم ماشيين في صالة بيتهم! حتى والعربيات ماشية بسرعة بيبقوا ماشيين يتمخطروا....زي ما يكونوا بيستمتعوا بإجبار الناس على إنها تهدّي عشان سيادتهم يعدوا...الظاهر الحكاية دي بترضي غرورهم وللا إيه مش عارف

انى اكون ماشى وشايفة وحدة فى الشارع سايقة وتترنح يمين وشمال ومسكة الدركسيون حضنة

وبتقول يالة نعمل حادثة يالة نعمل حادثة


بقوم سايب الشارع كلة ومحود من اي حتة لو الطريق اطول بس مش عايز اشوف المهزالة اللى هتحصل بعد شوية

وحاجة تانية لم الطريق يكون مقفول واللى وارية شايفة مقفول ومع ذلك بيدى كلكس مع نور

بتخنق وساعات بقولة العربية عطلت اطلع منى يا ؟؟؟؟

ولم بكون ركن وحد يركن جنبى صف تانى ويعشقة ويحبسنى جنبة

وممكن روح مشوارى او اجلة بسبب وحد معندوش دم او وحدة