الموضوع: ايه اكتر شىء يعكنن عليك وانت سايق!!

وبتوع المنادييييييييييييييييييي ييييييييييييييييل

امبارح كنت باخد اليوتيرن من تحت كوبري ، واحد شاب يعنى عادي بيعدي الشارع بمنتهي البرود وبيعرج خفيف وماشي فى وسط الشارع هديت عادي مديتهوش كلاكس حتي وبعد ما عدي برضو ماشي فى وسط الطريق بينة وبين الرصيف اكتر من متر وقمة التناحة مش هاين علية يمشي جنب الرصيف وبرضو انا عادي ...

مجرد اني دخلت جنبة بوش العربية بيني وبينة نص متر علشان ابتدي الف لاقيت اللى راح واقف وباصصلي وقعد يزعق "جري اية يافندي ؟؟ فى اية يافندي ؟ رجلي ! رجلي !! وقعد يزعق زى الـ... ، مش هقولكم انا كنت حاسس بإية بس مسكت نفسي وفضلت باصصلة ومفتحتش بقي واتحركت بالعربية راح رازع على جنب العربية معرفش بإيدة ولا حدف بحاجة لأنى مبصتش أصلا وعمال يبرطم برضو جري اية يا افندي مالك يا افندي

انا كنت هنفجر طبعا وفضلت ماسك نفسي بالعافية لأن واحد زى دة مينفعش يترد علية اساسا

بس اللى مش قادر افهمة لية الناس كدة ؟ هوا كل واحد قرفان من دنيتة ولا طالعلة فسفوسة فى قفاة مضايقاة يقوم مطلع قرفة بقلة أدب على الناس ؟؟؟

زي ميكون علشان رجلة تاعباة دة بقى مبرر انة يمشي فى وسط الشارع ويوقف المرور ويعمل اللى هوا عايزة


وبرضو موقف تاني مع واحد معاق كان بيعدي الطريق من تحت كوبري علوي والطريق عريض جدا بس فى عربيات فى الحارة الشمال وانا داخل من اليمين والطريق مفتوح اصلا المشي بسرعة والبني أدم دة بيعدي الشارع من غير ما يبص اساسا وفجأة الاقى اللى طالعلي من ورا العامود بتاع الكوبري والأنيل انة مش باصص ودوست فرامل على الأخر طبعا وخدت يمين الطريق خالص وصريخ الكاوتش جايب اخر الشارع والبني أدم الــتيييييييييت دة والله العظيم مبصش حتي !! وفضل ماشي بكل برود والناس اللى واقفة عمالين يقولولى معليش وكان هاين عليا اشوطة بالعربية بعد ما وقفت بس مصبرنيش غير كلمة صاحبي اللى كان معايا قالي دة معاق ذهنيا كمان مش بدنيا بس

ربنا يصبرنا ويظبطلنا الضغط قادر يا كريم