الموضوع: الحقونى مشكله فى الفرامل كانت هتموتنى

يا جماعه الكل عمال يخوفنى من موضوع الماستر الجديد مش عارف ليه بس انا ليا سؤال هو المستر الللى ركبته استيراد وشغال والدواسه عليت والعربيه بتفرمل بس هل ممكن تغير الماستر يفرق فى قوه الفرامل يعنى هل ليه دور فى قوه الفرمله واذا كان مابيسربش زيت وكويس اه تانى عيوبه يعنى ازاى اعرف ان كان الماستر الاستيراد ده كويس ولا لا وشكرا

انا عندي لما بدوس فرامل الدواسه بترجع ببطئ مش عارف بقى ده عيب ايه بس تقريباً والله اعلم ماستر عمومي برضه ...
انا هشترى طقم حشو من ابو 50 جنيه ده واخليه معايا احتياطي ..
ومستني رأي ممدوح في موضوع الحشو ده قبل ما اشتريه

المشاركة الأصلية كتبت بواسطة MMamdouh

لو التاكل فى جسم الماستر نفسة يبقى الحشو مش حيفرق كتير... عموما جرب... و ان اكنت افضل تغيير الماستر بالكامل

MMamdouh

فعلاً لو جسم المستر او البستم نفسه متاكل الحشو مش هيفيد كلام مظبوط 100100

المشاركة الأصلية كتبت بواسطة jojowork1

يا جماعه اى حاجه تحصل فى العربيه واى مكانيكي يعك تمشى لاكن الفرامل لا انا معايا دايو لانوس 1 موديل 2000 الفرامل عندى كانت كويسه جدا جدا لدرجه انى مكنتش مقتنع بموضوع تعديل الفرامل لانى مكنتش شايف فيها اي مشكله حتى على السرعات العاليه العربيه كانت بتكسح وتتسبت مكنها والحمدل الله الفرامل انقذتنى كذا مره لاكن دواسه الفرامل كانت واطى جدا قربت تعمل زى دواسه الدبرياج ورحت وريتها للمكانيكى قالى ديه عوزه ماستر المهم انى مشيت بيها شويه فجاه لقيت الفرامل لما تدوس عليها ترد معاك براحه جدا يعنى ممكن الدواسه ترجع لمكانها بعد الضغط عليه بى 7 او 8 ثوانى وبرده الفرامل مش وحشه ولاد الحلال قالولى ديه عاوز يتاخدلها هوا رحت للمكانيكى خدلى هوا وبعد ماطلعت من عنده بصيت لقيت العربيه بتكسح وتمتم التمام مشيت مشوا واحد وبفرمل ملاقيتش فرامل خالص فى العربيه يعنى كنت هضيع والعربيه وقفت ببركه دعاء الولدين المهم رحت سايست العربيه لاغايه المكانيك وكل ما انزل فى منزل استنى لغايه ما الشارع يفضى لان العربيه مش بتقف خالص لا يد ولا رجل المهم ربنا سترها ورحت للمكانيكى غيرلى الماستر واخد 250 جنيه وقالى ان لازم نركب ماستر استيراد لان الجديد بيجى بايظ ولما سئلت على الجديد الناس اللى بتبيعه حبايبى اكدو الكلام ده المهم ركبت المستر ومشيت والفرامل عليت شويه وبتكسح كويس المهم اتحطيت فى موقف وكنت ماشى على حوالى 60 وقدامى عربه وبستخدم الفرامل باقصى ما يمكن الفرامل كسحت تمام التمام بس العربيه ماشيه ولا كانك فرملت لدرجت انى وقفت قبل ما اخبط ب10 سم وده كان اخر ما يمكن ولما سئلت ولاد الحلال قالولى ان ممكن تكون عجله واحده او اتنين هما اللى بيكسحو والباقى مش بيفرمل ولما رحت للمكانيكى قالى لازم قدام هى اللى تكسح بس ولما يكون معاك حموله ورا تكسح يعنى لازم اركب ناس معايا ورا عشان اعرف افرمل ولا ايه افيدونى لانى مش لاقى حل
معلش انا طولت عليكم بس كان لازم احكى الحكايه بالتفصيل عشان احاول اوصل المشكله صح شكرا ليكم

حمد لله على سلامتك

انا كان عندى نفس المشكله والاستاذ محمد قالى على الماستر الايطالى وفعلاً جبته من ابو الحسن بس ماركبتهوش لان الميكانيكى قالى حناخد هوا وغيرنا التيل ولاقيت الفرامل بقت كويسه وقالى جرب لو لاقيت فى مشكله ابقى تعالا ونركب الماستر الجديد وانا بصراحه انشغلت ومرحتلهوش تانى لان الفرامل كانت الى حد ما احسن وبعد كده بعت العربيه فالماستر موجود بكرتونته ماركه ماتلى ايطالى وقالى عليه الاستاذ محمد وشكى فيه جداً فلو حضرتك محتاجه اسئل على سعره عند ابو الحسن وانا هدوهولك بسعر كويس