لا تثق فى بائع المستعمل ولو كان دكتور جامعه

**human** · 14-03-2009 09:45 PM

ربتا يديك اللى احسن منها
الناس بقت سيئه جدا

و كل مدى السوء بيزيد

**nomercy22** · 14-03-2009 09:50 PM

علشان كده ما بحبش المستعمل

**أشرف فتحى** · 14-03-2009 09:52 PM

المشاركة الأصلية كتبت بواسطة moudy88

انا ليا عتاب على حضرتك ...المفروض انك قبل لما تشتري عربيه مستعمله تطابق رقم الماتور مع الرقم اللي في الرخصه ولو حضرتك مش عارف ممكن تخلي عامل البنزينه او اي ميكانيكي يشوفهالك ...وبعدين دائما لا تثق في اي حد بيبع مستعمل ودائما تاخد الكلام اللي بيقوله من ناحيه وتطلعه من الناحيه التانيه ...والواحد مش بيتعلم ببلاش

ماهى دى من التفاصيل اللى مقولتهاش
العربيه كانت رخصتها منتهيه وانا رفضت اخدها إلا برخصه ساريه وبإسم البائع مش توكيل
وقابلته قدام المرور بعد ما فحص وأخد نمر جديده ما ركبتش على عربيه قبل كده وانا اللى خرمتهم بإيدى وركبتهم يعنى العربيه خارجه من الفحص واترفع بصمه الموتور والشاسيه واتطابقم بالرخصه
ومع ذلك راجعت علي رقم الشاسيه لكن الموتور رقمه رخم قوى فى الاكسيل بس قلت خلاص ده لسه فاحص مرور!!!!!
كمان انا فحصت العربيه فى بنزينه وما انتبهش للموضوع ده

**أشرف فتحى** · 14-03-2009 09:54 PM

المشاركة الأصلية كتبت بواسطة human12

ربتا يديك اللى احسن منها
الناس بقت سيئه جدا

و كل مدى السوء بيزيد

اشكرك
بس برضه والله فى ناس كويسه ومحترمه
طب تصدق انى لما جيت ابيع العربيه صراحتى طفشت ثلاث ارباع المشترين

**أشرف فتحى** · 14-03-2009 09:55 PM

المشاركة الأصلية كتبت بواسطة nomercy22

علشان كده ما بحبش المستعمل

صوابعك مش زى بعضها

**أبو ياسين** · 14-03-2009 10:04 PM

المشاركة الأصلية كتبت بواسطة zobaaa

تصدق انا كنت بقول اشتري اوبل فيكترا مستعمله بعد ما قريت الكلام ده انا هشتري ماروتي زيرو

بالمنسبه الفيكترا كان قدامى فيكترا بيضاء 97 2000 سس من سنتين تقريبا و كان طالب 53 و ووصل ل 49 ده كان معرض فى مدينه نصر و الى جبلى العربيه كان ميكانيكى فى المعادى فطبعا كان فيها سمسره المهم العربيه كان شكلها تحفه و كانو مضبطينها تضبيطه مش ممكن كراسى و فرش و فاميه و موطينها و عتب و طقم صوت كانت حكايه
المهم اركب و جرب و افحص انا عجبتنى جدا و الميكانيكى قلى تمام التمام
قولت تمام افكر وارد عليكو انا قلت اخد فرصه لادب
لقيته تانى يوم بيكلمنى ان العربيه اتباعت لواحد هيدخلها فى لانوس 2000 زى الفل تعالى شفها بكام ب 37.5 بي انا استغربت رحت اتفرجت لقيت العربيه مضبوطه و تمام بس التكيف مش شغال و فى اصوات فى العفشه و البيه الميكانيكى عايز يقنعنى ان ده الموقع سعرها

و طبعا انا لا شفت صاحب الفيكترا و لا الانوس

و يعدى اسبوع اكتشف ان البيه شغال مع سمسره
و لابسو الفيكترا لبتاع الانوس ب 55 الف
و الانوس اشتروها منه ب 37 و بعوها ب 44

و اقابل الاخت فيكترا فى الشارع رحت موقف صحبها لانو طلع من المنطقه اتارى العربيه مغيره نص قدمانى كامل و هو محتاس بيها

و انا بعد كده اشتريت لانوس زيرو وريحت دماغى
مش بس كده يوم مرحت استلم الانوس الزيرو خت معايا سمكرى بص فيها منفوق لتحت و هى واقفه

و ادى يعم سمسره العربيات