الموضوع: لا تثق فى بائع المستعمل ولو كان دكتور جامعه

حسبنا الله و نعم الوكيل فى الناس دى

الحمد لله انك خلصت من العربيه دى

و ان شاء الله ربنا يوفقك و تركب عربيه محترمه و مدوخكش زى دى

المشاركة الأصلية كتبت بواسطة abdalla45

انت اخطات وتسرعت فى الشراء كان ممكن تستعين باى حد من الى بتثقه فيه ويكون صاحب خبره واعتقد الافضل يكون حد من اهلك عندو خبره فى العمليات دى غير الميكانيكى وبتاع البنزينه لانه ممكن يبيعك بعلبة سجاير انما تعمل غير كده يبقى زى منتا عملت اشتريت سمك فى ميه

سيدى الفاضل
ايه الخبره فى اللى قلته ؟؟؟
وايه اللى يخلى حد يبيع عربيه بموتور مسروق مثلا؟؟
لو حضرتك راجعت الموضوع هاتلاقى انى بتكلم عن انك ممكن تتخدع فى شكل البائع ولو لاحظت انا فعلت كل ما يمكن عمله ودى ما كانتش اول عربيه اشتريها !!!!
اشتريت سمك فى ميه ازاى؟؟
انا ما دفعتش قرش غير لما فحص ونقل العربيه بأسمه ولا لما حضرتك بتشترى عربيه بتاخدها تفككها وتأخد رأى قرايبك اصحاب الخبره؟؟؟؟
مش عيب انى اشترى عربيه وانا عارف انه ممكن تطلب معايا اى حاجه لانها مستعمله مش زيرو
واعرف واحد الموتور قفش منه وهو مروح بيها من السوق بالرغم من انه مهندس بمركز خدمه مشهور
هل ده معناه انه قليل الخبره؟؟؟
قله الضمير والشطاره والفهلوه وادعاء المعرفه هو ده اللى اشوفه غلط
ولا ايه؟؟؟

المشاركة الأصلية كتبت بواسطة mohamed_alex

حسبنا الله و نعم الوكيل فى الناس دى

الحمد لله انك خلصت من العربيه دى

و ان شاء الله ربنا يوفقك و تركب عربيه محترمه و مدوخكش زى دى

الموضوع ده قديم انا طرحته بس لما لاقيت موضوع مطروح عن احد الاخوه اشترى العربيه ولقى بصمه الموتور مختلفه فحبيت ااكد على اهميه مراجعه رقم الموتور مش لانه غالى او صعب حله بس لان ناس كتيير بتستسهل وما يثبتش الموتور على الرخصه وممكن يبيعها على كده والمشترى يطلع عينه عشان يثبته.
وانا الحمد لله ربنا عوضنى بأحسن منها ميه مره بفضل الله

المشاركة الأصلية كتبت بواسطة magyver

مااافيش حل غير انك تنزل تحت العربية بنفسك
وتتاكد منها

نزلت والله يا ماكجيفر يا خويا وراجعت على البنط والقوايم والسوك وتحت الكاوتش داير البيبان وفعلا لاقيت خبطه فى الشنطه بس ما تعيبش العربيه
بصراحه حاله العربيه كانت زى الفل والموتور قست الكبس بتاعه لاقيته 65% هاعمل ايه تانى؟؟؟؟؟؟؟!!!!!!!
اللى حصل ده لانى اتخدعت فى البائع ولو كنت عرفت او حسيت انه تاجر مكنتش اشتريت منه ولو ببلاش

على فكره برضه مره رحنا نتفرج على ريجاتا لاخويا بتاعه دكتور شيك ومحترم وساكن فى منطقه راقيه جدا جدا جدا.
العربيه كانت معلن عنها فى الوسيط ولما اتأكدنا انه مش سمسار ولا مكتب فى التليفون رحناله واتفقنا على السعر ولما روحنا نخلص كان فى واحده معاها ميكانيكى بيتفرجوا على العربيه ولما لاقيتنا معانا الفلوس اتهزت ووافقت على السعر اللى طلبه واللى اكتر مننا بحوالى 500 جنيه
ودفعتله كاش فى وقتها
بصراحه كنت قاعد فى عربيتى بغلى ومستنى عشان اهزقه واديله محاضره فى اداب التعامل وسلوكيات البيع بس محبتش اسخن اخويا عشان ما يتضايقش
قام جه بكل جليطه اعتذر وقال ايه عنده عربيه تانيه بتاعه واحد صاحبه ممكن يكلمهلنا بس مش عارف ملاكى ايه والتكييف عايز صيانه وراح بالفعل فرجهالنا ومعجبتناش قام حطها مكان الاولانيه وبقى يستقبل الناس على انها العربيه اللى فى الاعلان وطلع برضه تاجر!!!!!!!!!!!!
ايه رأيكوا؟؟؟