لا تثق فى بائع المستعمل ولو كان دكتور جامعه

**sasam6** · 17-03-2009 07:49 PM

المفروض تكشف على العربية كلها قبل الشراء

**amirhamed** · 17-03-2009 08:53 PM

ربنا يكون في عونك

**hussienharbya** · 17-03-2009 11:36 PM

حلوه العربيات المشمومه دى

المشاركة الأصلية كتبت بواسطة abou_ruqi

يا جماعة الزيرو الزيــــــــــــــــرو

اشتروا على قد اللي معاكم او قسطوا على حسب القدرة
والقسط حيبقى اقل من مصاريف تصليح المستعمل
صدقوني كان عندي عربيتين مستعملين قبل ما اجيب الافيو
وكانوا ارخص قطع غيار في الدنيا (١٢٧ و ١٢٨)
مصاريف الصيانة كان اكتر من قسط الافيو اللي جبتها بعديهم

صدقوني الترام او المترو ارحم من ضياع الوقت والفلوس على العربيات المشمومة اللي في البلد

**goofy_in_love** · 18-03-2009 10:08 AM

انت بجد زعلتني بالكلام دا بس يلا قول الحمد لله و ربنا يعوض عليك و دا درس لبعدين و ربنا ينتفم منهم باذن الله

**أشرف فتحى** · 18-03-2009 02:25 PM

المشاركة الأصلية كتبت بواسطة goofy_in_love

انت بجد زعلتني بالكلام دا بس يلا قول الحمد لله و ربنا يعوض عليك و دا درس لبعدين و ربنا ينتفم منهم باذن الله

طبعا ده كان درس ومش بس فى موضوع شراء العربيات لأ ده انا بعتبره نقله فى طريقه التعامل مع اى بائع وده للأسف لاننا عندنا مفهوم ان البيع ميجيش غير عن طريق التعمييم (تلبيس العمه يعنى )
زى ما قال نجاح الموجى فى المتزوجين عن تعريف السياسه

**أشرف فتحى** · 18-03-2009 02:34 PM

على فكره انا مش زعلان ولا متضايق وحقى هاخده لان فى حساب وفى آخره كمان التكلفه والخساره مكانتش مبلغ كبير اللى كان فعلا يضايق الحوارات والافلام والتليفونات والاشتغالات وطبعا بما اننا فى مصر الإفتاءات.
انا قصدى من الموضوع الصدمه فى ان ناس مستواهم المادى كويس والمفروض انهم متعلمين وفى مراكز كويسه يشتغلوا سماسره وكومسيونجيه عربيات يعنى يخدعونا بمظهرهم المحترم واللى بيخالف افعالهم تماما.

على فكره انا شوفت السمسار ده وانا مروح من كام يوم والشيطان لعب فى دماغى اخده بجنب العربيه اكومه على الارض بس فوقت بسرعه وما عملتش غير انى قولت حسبى الله ونعم الوكيل انا واللى معايا فى العربيه وافتكر ده افيدلى والحمد لله من قبل ومن بعد

**abou_ruqi** · 18-03-2009 03:02 PM

المشاركة الأصلية كتبت بواسطة أشرف فتحى

على فكره انا مش زعلان ولا متضايق وحقى هاخده لان فى حساب وفى آخره كمان التكلفه والخساره مكانتش مبلغ كبير اللى كان فعلا يضايق الحوارات والافلام والتليفونات والاشتغالات وطبعا بما اننا فى مصر الإفتاءات.
انا قصدى من الموضوع الصدمه فى ان ناس مستواهم المادى كويس والمفروض انهم متعلمين وفى مراكز كويسه يشتغلوا سماسره وكومسيونجيه عربيات يعنى يخدعونا بمظهرهم المحترم واللى بيخالف افعالهم تماما.

على فكره انا شوفت السمسار ده وانا مروح من كام يوم والشيطان لعب فى دماغى اخده بجنب العربيه اكومه على الارض بس فوقت بسرعه وما عملتش غير انى قولت حسبى الله ونعم الوكيل انا واللى معايا فى العربيه وافتكر ده افيدلى والحمد لله من قبل ومن بعد

خير ما فعلت

**ihabdahi** · 19-03-2009 12:32 AM

طب يا جماعة بعد الرعب اللى ان عشت فية وأنا بأقرأ الموضوع دةووضعت نفسى مكان الأخ اللى اتنصب علية عندما انوى اشترى عربية مستعملة كيف اكشف عليها فى التوكيل هل احجز قبلها وهل التوكيل يشترط موديل معين فمثلا سيارة موديل 98كيا أوهيونداى سوف يوافقواعلى الكشف عليها وما هوسعر الكشف مثلا والآشياء التى سيتم الكشف عليها أرجو التوضيح من أصحاب اخبرة لللآفادة

**helo1** · 04-04-2009 02:07 AM

يا جماعة اى حد يشترى عربية مستعملة مهما كان نوعها او مودلها حديثة او قديمة لازم يكشف عليها فى التوكيل ... العملية كلها 100 - 150جنية وحيريح باله لان الناس دلوقتى معندهاش ضمير .. لا تقول لى دكتور فى الجامعة ... ولا كناس فى الشارع المهم حيكسب كام ... وربنا يعوض عليك :K_crying[1]: