استعمال زيت الشنبر مضر ؟

**نور العمر** · 20-05-2009 09:37 PM

المشاركة الأصلية كتبت بواسطة samirayad

لأن ممكن يكون كاوتش الصباب بتاع المحرك هو اللى عاوز يتغير .......وتكونى محتاجه تعملى رويه للصبابات .....ويمكن تغيير صبابات ودلايل صبابات كمان ويكون ده السبب فى أنخفاض حالة الموتور ل60% .......وكده لا داعى حاليا من أستعمال زيت شنبر الى أن يتم تحديد سبب تعريق البوجيهات ( بسبب تفويت من شنابر المحرك ولا بسبب تلف كاوتش الصباب )

_

ده لو موجود يكلف كام بالمصنعية بالتقريب
كاوتش صباب ؟
يعني إيه روية صبابات ؟
تغيير صبابات ودلايل صبابات ؟؟؟ كام

هو في صوت فرقعة بيجي مع آخر الغيار بيظهر أكتر في أخر الاول والثاني

مفيش دخنة بيضا والحمد لله

الصوت خشن شوية ... ده ممكن يكون سببه نوع الزيت ( هو حط التعاون )

أنا إن شاء الله نويت أشتري بنفسي ويركب قدام عيني واحاسب مصنعية

اتعلمت خلاص

عاوزة اعمل كابس موتور في البنزينة وأقيس كفائته

صحبتي كانت عاملاه وهي بتشتريها من سنة وشهرين طلع 70 %
أنا اتفزلكت ومعملتش
حعمله عشان أشوف أحط زيت شنبر واللا لا

واللا تنصحوني بإيه

وكمان أنهي بنزينة في مدينة نصر

كالتكس واللا موبيل

**maka** · 20-05-2009 10:05 PM

المشاركة الأصلية كتبت بواسطة ehabbasha30

لية محدش رد عليا يا جماعة

لا لو الموتور سليم بلاش زيت شنبر لانه هيكون حمل زيادة على الموتور.

والموتور لوكفاءته عالية ينصح بزيت تخليقى او نص تخليقى

**samirayad** · 20-05-2009 10:12 PM

ده لو موجود يكلف كام بالمصنعية بالتقريب

كاوتش الصباب بس فى حد ذاته تكلفته مش كتير ( المهم تكون الصبابات كويسه هى والدلايل بتاعتها وقواعدها اللى فى رأس السلندر ) لأن التكلفه هتزيد مع تلف أى عنصر من دول

يعني إيه روية صبابات ؟

الروديه .....يعنى التطبيع فى لغة الهندسه ( وببساطه شديده .....هو جعل الصبابات مقفله كويس مع رأس السلندر وميبقاش فيه تفويت لغازات الأحتراق وهى فى الغرف الى منطقة التاكيهات ) وححول لحضرتك موضوع عن الروديه فى نهاية الرد الحالى....للأطلاع عليه بصوره تفصيليه [quote][تغيير صبابات ودلايل صبابات ؟؟؟ كام/quote] يعنى بالنسبه للمكنه عندك ( الصبابات والدلايل والكاوتش بتاع الصباب وقواعد الصبابات ) فى حدود 200 جنيه ....................على الأكثر ويمكن أأقل (على فكره ده تقريبى )

هو في صوت فرقعة بيجي مع آخر الغيار بيظهر أكتر في أخر الاول والثاني

أحتمال يكون سبب هذا فعلا تفويت من بين الصبابات ورأس السلندر مع تشبيع الغيار...............

مفيش دخنة بيضا والحمد لله

طيب كده الحمد لله ( الكربوراتير كده كويس ) وأكيد فيه دخنه زرقاء ......بسبب هروب زيت مثلا مع العادم.....بسبب تلف كاوتش الصباب مثلا

الصوت خشن شوية ... ده ممكن يكون سببه نوع الزيت ( هو حط التعاون )

هو ده المشكله .......والأفضل تجربى زيت لزوجته كويسه .........وممكن تقوليلى على نوع زيت التعاون اللى عندك ....وانا حأعرف لزوجته (لأننى واخد دوره زيت قريب تبع شركة التعاون وعندى جميع أنواع الزيوت بتاعتهم )..................

عاوزة اعمل كابس موتور في البنزينة وأقيس كفائته

فعلا هو ده الفاصل علشان حتعرفى منه التفويت بسبب الشنبر ولا الصبابات ( بس أهم شىء تسأليهم فى مركز الخدمه عن السبب فى أنخفاض كبس الموتور ).......وبرضه ححولك موضوع عن الكبس ....مع الموضوع بتاع الروديه علشان تقريه وتعرفى أزاى ممكن نعرف التفويت منين.......بالنسبه للأماكن حقيقى لا أعرف وأكيد الزملاء حيدلوكى ....لأننى ببساطه شديده غير مقيم بالقاهره

**samirayad** · 20-05-2009 10:21 PM

http://www.nilemotors.net/Nile/showthread.php?t=55746

http://www.nilemotors.net/Nile/showthread.php?t=65410

**نور العمر** · 21-05-2009 11:34 AM

ألف مليون شكر

**ESO_POP** · 22-05-2009 06:43 PM

طيب يا رجاله انا حطيت زيت شنبر ابرو اللى حاطين صورته هنا مع زيت مصر 50 احادى
وحاسس ان العربيه بتدخن زياده ده يبقى ايه يا جماعه؟؟؟؟

**samirayad** · 22-05-2009 09:14 PM

فى الغالب حتلاقيك زودت منسوب الزيت .......راجع المقاس كويس ......وخليك تحت علامة ال max .....يادوب

**ESO_POP** · 23-05-2009 01:54 AM

المقاس تحت علامه الماكس
وبرضه نفس الدخنه
حاسس انها دخنه فاتحه لونها مدى على ابيض او رمادى
تفتكروا ده ايه يا رجاله؟

**samirayad** · 23-05-2009 07:49 AM

يبقى راجع على الكربوراتير ....لأن ممكن لما تم حبك غرف الحريق كويس بزيت الشنبر ......زاد التفويت لبنزين نى من عند منطقة الصبابات ...............وأنا شاكك برضه أنك ممكن تكون محتاج روديه........بس شوف الكربوراتير الأول وراجع برضه على دورة الأشعال........يعنى علاج أظهر عيب تانى عندك ...........

**salahlanser** · 23-05-2009 06:24 PM

استاذ سبعاوى عندى سؤال انا مسافر شرم الشيخ بعربيتى الانسر 98 وكنت عاوز اعرف نوع الزيت اللى احطة للعربية وانا مسافر ويكمل معايا الاسبوع ولا اغيرة هناك؟ علما بانى انا بحط زيت شل وبغيرة عند 1500 كيلو متر. لان انا وجهة نظرى اى زيت لازم يتغير عند 1500:2000 كيلو متر بغض النظر عن نوعة