الموضوع: اوعى حد يمشى يمين نقل تقيل ليحصله اللى حصلى

بص يا حوبي
اولا انا بقتنع بحاجه واحده فى اى خبطه عربيه او لو العربيه اتخبطت من الشمال من ادام يبقى صاحب العربيه ماشى صح والى خبطه غلطان
وتانى حاجه عموما فى كل العربيات النقطه العمياء هى اليمين لانك هتركز فيها كل تركيزك وابعادك برضه مش هتطلع مظبوطه الا اذا كنت محترف او سواق قديم او راكب العربيه من زمن وعارف الابعاد
ومن النقطه الشمال هى الصراحه الرؤيه فيها صح وزي ما تكون عينك عليها زي المسطره

دى حاجه
الحاجه التانيه انا اتبخط برضه من عربيه مكروباص ودا محبتش اقوله لاى حد علشان انت عارف فيه ناس بتشوف الجنازه وما تصدق تلطم ودى قله فى المنتدى بس الخبطه كانت كالاتى
انا خارج من شارع فرعى لطريق رئيسى
وقبل ما اخرج قلبت نور واديت كلاكسين فى الهوا علشان اامن
المهم
خرجت وافاجئ بعد ما عدلت نفسى وماشى فى الحاره الشمال وفيه وسط وفيه يمين والمكروباص الى دخل في الرفرف الامامى لعربيتي كان طاير ومره واحده لقيت حاجه حمرا وكبيره وداخله فيا
1 - البيه كان دايس على سرعه 50 فى طريق المفروض ميمشيش فيه اكتر من 30
2- معاه حاره يميييييين فاااضيه موووت ويقدر يبرطع فيها كان ممكن يحود بالدركسيون شويه
3- بعد هبقى اقول عليها اخر كلامى
المهم
انا اصلا كنت رايح فرح والفرح دا كان معظم الى فيه امن دوله ومرور ومخدرات وكده
انا متكلمتش
هما قامو بالواجب صح
اخدو الرخص ومفاتيح العربيه
الناس كانت علينا امم
فرجه وببلاش وكل واحد عايز يعمل فيها شجيع السيما
طبعا مضربناش السواق
والكل عمال يقول خلاص خلاص سامحه واحنا متمسكين بحقنا
وصلنا لمرحله اننا جبنا سمكرى وااخدنا له العربيه وعملها فى ساعتين وقالى لولا ان صاجك بتاع اوبل والمانى كنت جبت واحد جديد
جينا نتكلم على الدهان وفانوس الغماز الى اتفرم
الكلام اتلم على كلام واحد بتاع دوكو قال مش هيكلف 100 جنيه
طبعا صدقت وامنت
جيت ابص بقى للدهان لقيت الدهان عايز معجون والمعجون عايز مش عارف ايه الموضوع خرم ل 170 جنيه + ان الفرن الى رحت ارش عنده عمل زي ما انت قولت كده ضرب اللون على الكمبيوتر وبعد كده عيل تعبان فى مخه عمل الالوان

نقطه رقم 3 ان طلع الواد السواق بيخبط عربيه كل يوم اربعاء من كل اسبوع والكلام دا على لسان خاله صاحب المكروباص