ماهي علاقة البوجيهات بالبنزين؟

**ahmad5997** · 22-03-2009 02:04 PM

وبعد اذنك يا باشمهندس
مرة واحد معدي من جنب عربية فاتحة كبوتها لقيته بيقول العربية دي متلتة
انا لحد دلوقتي مش عارف هو عرف ازاي من بعيد انها متلتة
يعني بيبقي صوت متغير ولا ايه
وبعدين ايه راي حضرتك في حكاية اني افك البوجيهات واحطهم علي النار شوية عشان الرطوبة

**samirayad** · 22-03-2009 02:09 PM

يعني بيبقي صوت متغير ولا ايه

بيبقى فيه برجله ورجه فى المحرك وهو شغال وبتبان على السلانسيه أكتر وبتكون واضحه.......زى رعشه كده (كأن المحرك مش مربوط على قواعده )

وبعدين ايه راي حضرتك في حكاية اني افك البوجيهات واحطهم علي النار شوية عشان الرطوبة

هو فيه ناس بتعمل الموضوع ده بهدف التحميص وأزالة الرطوبه (عموما ممكن تجرب ......وأن منفعش أهو هما كده كده حيترموا لو كانوا عاملين مشاكل حريق حاليا )

**ahmad5997** · 22-03-2009 02:35 PM

اشكرك سمير باشا

**samirayad** · 22-03-2009 02:51 PM

المشاركة الأصلية كتبت بواسطة ahmad5997

اشكرك سمير باشا

الله يخليك ...يا أبو حميد

**shadinasr** · 27-03-2009 11:07 PM

طب انا كنت عايز اعرف ازاي افرق بين العربيه متلته وبين الموتور عايز يعلى يعني التتليته ده بتفضل موجوده حتى لو عليت الموتور

**samirayad** · 27-03-2009 11:50 PM

طب انا كنت عايز اعرف ازاي افرق بين العربيه متلته

فى الحاله دى بيكون الموتور بيرعش ويترجرج ومفيش أتزان على عمود الكرنك (كان الموتور محلول من على القواعد )

وبين الموتور عايز يعلى

بيتم اللجوء للف الأسبراتير فى أتجاه تزويد الشراره لضبط سرعة السلانسيه (علشان لما الكهرباء بتكون واطيه السرعه بتاعة السلانسيه بتطلع وتنزل ) لكن كل الأسطوانت بتحرق بس ضعيفه....والمحرك زى مايكون عاوز يبطل (ونفس الوضع فى ضبط مسمار الهواء للكربوراتير )

يعني التتليته ده بتفضل موجوده حتى لو عليت الموتور

تمام بتكون موجوده فى كل الأحوال (تحسها أوى فى السلانسيه ولاتحسها فى السرعات )

**shadinasr** · 28-03-2009 12:31 AM

الف شكر ياباش مهندس على ردك و جزاك الله كل خير

**samirayad** · 28-03-2009 07:05 AM

الله يخليك يا أخى........................

**ahmad5997** · 28-03-2009 09:51 AM

المشاركة الأصلية كتبت بواسطة samirayad

.... كل ماكانت الشراره الصادره عن البوجيهات ضعيفه ....الحريق بيكون مش كامل وبيبقى أسمه حريق غير كامل وفيه نسب بنزين نىء.....

بعد اذنك يا استاذنا
البنزين الغير كامل الاحتراق (الني) اعرفه ازاي ؟
يعني بيبقي ليه لون معين خارج من الشكمان او رائحة

**samirayad** · 28-03-2009 03:08 PM

بيكون عباره عن عادم أسود مبيض خارج من الشكمان.......وممكن تشم ريحة بنزين نىء كمان خارج من الشكمان.....................وطبعا بيعتمد على حالة وكفاءة الحريق.....................