ماهي علاقة البوجيهات بالبنزين؟

**shadinasr** · 28-03-2009 09:18 PM

طب ياجماعه التتليته ده ممكن تحصل في سرعات العاليه وسلانسيه لأ

**samirayad** · 28-03-2009 09:47 PM

التتليته (معناها بوجيه فاصل شراره عن غرفة حريقه لسبب ما .....زى عيب بوجيه أو الكابل بتاعه ).......وموجوده فى كل أحوال عمل المحرك .....ولاتحس الا فى السلانسيه بوجود رجرجه ورعشه شديده للمكنه......ولكن لاتحس مع السرعات (على أساس التلاته التانين شايلين عملية الحريق )....ولكن يلاحظ أن عملية السحب والتسارع والقدره الخارجه بتكون أقل (لأن فيه غرفه مابتحرقش وبره نظام الحريق بسبب فقد أشارة البوجيه المشار اليه )

**eldeplomasy** · 29-03-2009 01:20 AM

يعني بيبقي صوت متغير ولا ايه

بيبقى فيه برجله ورجه فى المحرك وهو شغال وبتبان على السلانسيه أكتر وبتكون واضحه.......زى رعشه كده (كأن المحرك مش مربوط على قواعده )

طيب لو حد طول على الموتور المتلت يحصل حاجه؟؟؟

**samirayad** · 29-03-2009 08:08 AM

طيب لو حد طول على الموتور المتلت يحصل حاجه؟؟؟

بيبوظ أتزان المحرك....وممكن تبوظ سبايك الكرنك والبيل وممكن يحصل نوع من عدم الأستقامه لعمود الكرنك وبيل أو أكتر....على المدى البعيد (مع تكبير الدماغ)

**eldeplomasy** · 30-03-2009 10:17 PM

يعنى لو مثلا البوجيهات كان فيها عيب ومش بتشتعل كويس وبالتالي واحد من الاربعة قطع بسبب ان البنزين بيجي عليه وكنت مسافر وباقي على القاهرة كوالي 70 - 80 كيلو ومشيت عليها متلته بس بعد ما رجعت غيرت البوجيهات وبقت تمام هل ممكن يكون حصل حاجه في ال100 كيلو دول؟؟؟

**Lion_Heart** · 30-03-2009 11:02 PM

وهل ممكن اتغلب على الرعشة دى بأنى ابدل نوعيه البوجيهات و اخليها بدل شمعه واحدة تكون 3شمعات و بالتالى اداء افضل و البعد عن رعشات بداية الدوارة ؟؟!!

**ahmad5997** · 31-03-2009 12:17 PM

المشاركة الأصلية كتبت بواسطة eldeplomasy

يعنى لو مثلا البوجيهات كان فيها عيب ومش بتشتعل كويس وبالتالي واحد من الاربعة قطع بسبب ان البنزين بيجي عليه وكنت مسافر وباقي على القاهرة كوالي 70 - 80 كيلو ومشيت عليها متلته بس بعد ما رجعت غيرت البوجيهات وبقت تمام هل ممكن يكون حصل حاجه في ال100 كيلو دول؟؟؟

ان شاء الله خير ومايكونش في حاجة

**ahmad5997** · 31-03-2009 12:20 PM

المشاركة الأصلية كتبت بواسطة Lion_Heart

وهل ممكن اتغلب على الرعشة دى بأنى ابدل نوعيه البوجيهات و اخليها بدل شمعه واحدة تكون 3شمعات و بالتالى اداء افضل و البعد عن رعشات بداية الدوارة ؟؟!!

الشمعة الواحدة هو هو الاتنين هو هو التلاتة يعني لو البوجية بايظ مش هتفرق بقي هو شمعة واحدة ولا 3
وان كان البوجية ذو ال 3 شمعات بيعيش فترة اطول (مع العلم ان مهندسنا سمير بيك عياد مش بيحب البوجية اللي اكتر من شمعة واحدة وتفسيره ان الشرارة مش بتبقي مركزة زي الشمعة الواحدة)