الموضوع: الناس الى بتقول ان السير عكس عقوبة السجن الكلام دة غلط ودة الدليل

حضرتك مفيش عقوبة حبس والقنانون قدامك

مع كل الاحترام لصاحب الموضوع الكلام ده غير صحيح تماما والعقوبة الحبس وليس السجن عشان ده حاجة وده حاجة ثانيه، والقانون اللى قدامنا ده مكتوب بمعرفة واحد على ويب سايت بتاريخ 15/7/2008 في الغالب هو جتله النصوص ساعتها خطأ عشان القانون دة نشر في 9/6/2008 أو هو أخطأ في نقلها وده النص بتاع مادة السير عكس الاتجاة :
" مادة 76 مكررا :

مع عدم الإخلال بأية عقوبة أشد فى أى قانون آخر ، يعاقب بالحبس وبغرامة لا تقل عن ألف جنيه ولا تزيد على ثلاثة آلاف جنيه أو بإحدى هاتين العقوبتين كل من تعمد السير عكس الاتجاه فى الطريق العام داخل المدن أو خارجها ، فإذا نجم عن ذلك السير المعاكس أو مخالفة إشارات المرور الخاصة بتنظيم السير ، حدوث إصابة أو وفاة للغير تضاعف الغرامة المالية. "

نيجى لموضوع الحزام اللى هو كاتبه خطأ أيضا انه في حبس من شهر إلي ثلاثة شهور :
مادة 74 مكررا ( البنود 3 ، 4 ، 5 ، 6 ، 7 ، 8 ، 9، 10) :

" مع عدم الإخلال بأية عقوبة أشد فى أى قانون آخر ، يعاقب بغرامة لا تقل عن مائة جنيه ولا تزيد على ثلاثمائة جنيه كل من ارتكب فعلا من الأفعال الآتية :

3- عدم إستخدام قائد السيارة أو من يركب بجواره حزام الأمان أثناء سيرها فى الطريق ، وذلك وفقا للقواعد والشروط التى تحددها اللائحة التنفيذية لهذا القانون ، ويعاقب قائد السيارة بذات العقوبة إذا سمح بأن يركب أحد بجواره دون استخدام حزام الأمان .

4- عدم استخدام قائد الدراجة النارية غطاء الرأس الواقى .

5- إستخدام التليفون يدويا أثناء القيادة .

6- عدم تثبيت اللوحات المعدنية للمركبة فى المكان المقرر لها .

7- عدم تزويد المركبة بأجهزة الإطفاء الصالحة للاستعمال أو عدم جعلها فى متناول قائد السيارة والركاب .

8- عدم تزويد المركبة بالمثلث العاكس للضوء .

9- عدم تزويد المركبة بحقيبة الإسعافات الأولية .

10- عدم حمل مركبة النقل البطىء للوحة المعدنية المنصرفة لها أو استعمالها لوحة معدنية لغير المركبة المنصرفة لها أو تغيير بيانات أو لون اللوحة المعدنية .

وفى جميع الأحوال تضاعف عقوبة الغرامة المالية عند ارتكاب أى من الأفعال المشار إليها خلال ستة أشهر من تاريخ الحكم النهائى بالإدانة . "

استاذ نبيل يريت بعد ازنك تقراء التجربة بتاعتى وتفسرلى ان لو فى حبس عقوبة السير عكس لية انا لم اعاقب وبعدين حضرتك النص الى انا نقله دة موجود بنفس الصيغة على كل مواقع النت وليس مواقع واحد فى انتظر تفسير منك لتجربتى

ياباشا قام النائب العام بتغليظ العقوبة بالحبس الوجبى حتى يتم العرض على النيابة المشكلة فى الحبس ان النيابة بتقفل بليل وطبعا الناس دية بتتمسك بليل وعشان الناس مسكتتش خلو فى نيابة مسائية بس الاجرئات هى قلى رخمة عقبال ميتفع الغرامة قصة حدودتة بيحاول يعلمك متعملهاش تانى

شوف يا أستاذ اسلام أنا قرأت تجربتك وتفسيرى ليها ان الظابط اللى نزلك ده كان معدى بالصدفه وشافك داخل عكسى ووقفك عشان لو هو واقف فى لجنه في الحته دى اكيد هيكون معه دفتر مخالفات وهيسحب رخصتك ويتحفظ عليك مش يخدك لى أول اشارة ذى ما هوعمل وانت حظك كويس انهم في الاشارة سحبوا الرخصة ودوك وصل ومشيت ده غير انى معرفش انت عملت الموضوع ده امتى تحديدا بتاريخ كام اقصد ، عشان ان في اول ما تم تطبيق القانون الكلام ده شهر 8 2008 مكنتش تسمع ان في حد اتحبس كله كان غرامات لغايه لما السيد النائب العام من وقت قريب اعطى تعليماته للسادة وكلاء النيابة بتطبيق اقصى العقوبة للسير عكس الاتجاة وهيا الحبس ودلوقتى برضه الموضوع بتاع الحبس ده قل شوية عشان لازم يثبت التعمد و مع وجود اشارات ارضيه ولافتات تدل على ممنوع الدخول، وفى الأخر الامر تقديرى للنيابة يعنى في ايده يحبس وفي ايده يغرام فقط طبقا لنص مادة القانون طالما مكتوب "أو بإحدى هاتين العقوبتين"
المواقع بصراحة غير موثوق فيها ممكن تلقى الصيغة مختلفة من موقع للثانى وتتلخبط عمموما كان في موضوع مثبت هنا لكن في برضه جمل ومواد نقصه فيه هحاول قريب إن شاء الله ارفع صورة منه او اكتبه في نفس الموضوع المثبت تحياتى.