اتمسكت الناهردى و انا ماشى عكس الاتجاه

**EZABY** · 01-04-2009 12:52 PM

حسام الحمد لله اوي انها جت على قد كده
بس قوللي فين تحديدا في الشيخ غراب عشان انا كل يوم بعدي فيه

**mohamedbook** · 01-04-2009 12:54 PM

انا مش راضي عن الي بيحصل في الاقسم والكلبشات والحبس والمعاملة الزفت بتاع الاقسم
بس فية حاجة

السير عكس الاتجاة
قد يتسبب في
موت شخص او مجموعة مش وخدة بالها
حدثة لا قدر الله

ودة مش اليل

كل وحد هيفكر الف مرة بعد التجربة الطين دية

**Chucky** · 01-04-2009 01:33 PM

المشاركة الأصلية كتبت بواسطة king_de_egypt

وربنا معانا و مع كل مظلوم

مع احترامى طبعا لحضرتك... بس حضرتك مكنتش مظلوم فى الموضوع ده انت بتقول انك كنت ماشى عكسى يعنى انت اللى كنت غلطان

المشاركة الأصلية كتبت بواسطة Hacker5

حسبى الله و نعم الوكيل
انا مش عارف ليه الناس ساكته على الموضوع دة دة لو كان فى بلد (محترمة) تانية كان حصل مصايب و الشعب مسكتش

معلش انا بس ليا تعليق على رد حضرتك الوضع ده مفهوش مشكلة... كل دولة ليها وسيلة عقاب

و انت اكيد لو ماشى صح مش هتوصل انك تتعاقب كده

انا بصراحة اول مرة شوفت قانون المرور قولت ان هو ده فعلا اللى مصر محتاجاه الفترة دى بس لو اتنفذ صح و اهو برضو مش بيتنفذ صح و الوسايط و المحسوبية بتدخل فيه

برة بقى فى قوانين زى دى و العن كمان بس الفرق بقى انها بتطبق على كل افراد الشعب و الحكومة مفيش واسطة ولا محسوبية

**roky** · 01-04-2009 04:01 PM

أنا من كام يوم كنت باخطف حتة مخالف تحت البيت عندي عشان الحارة التانية فيها ماسورة مجاري و مش راضيين يرصفوها ...
و بعد ما خلاص هارجع للحارة السليمة ... و و اقف مستني العربيات اللي المقابلة تعدي ... و أنا واقف ... لقيت عربية شرطة (سيدان من اللي لونهم أبيض دول) جاية علي ... و انا واقف ... تقريبا البنطلون أتبل ... و لحسن حظي عند الفتحة دي في واحد بتاع كاوتش فاتح ع الشمال و متعرفش تدخله غير لما تطلع الرصيف (و اللي ساكن في أكتوبر يعرف موضوع بتوع الكاوتش دول عشان تطلع له الرصيف الكوتش بتاعك يبوظ ) .. المهم فضلت واقف مكاني وماتعتعتش و قلت لو سألني هاقوله أنا طالع من عند بتاع الكوتش و مش عارف أعدي الحارة التانية ... مع أنها حجة خايبة قوي
المهم حسيت ان الراجل بيبصلي ... لكن سابوني و مشيو ... واضح أنهم كانو أتنين عساكر رايحين يجيبو عيش أو حاجة كده

و من النهاردة مش هامشي مخالف أبدا ... هالف لفة تعمل نص كيلو كده عشان اخرج من شارعنا بس مش مهم ... الف رأس الرجاء الصالح و لا أدخلش الكراكون ...
وعلي رأي لبلبة في فيلم الشيطانة التي أحبتني : اللي يدفع 100 جنيه عشان يبات في الشيراتون ، يدفع 200 جنيه ولا يباتش في الكراكون.
ربنا ما يوريكو أنا لي واحد صاحبي دخل الكراكون و حطالي حكاوي تشييييب.

أمشي عدل ... يحطار* عدوك فيك
______________________________________
* يحتار : بالـ "ت" مش بالـ "ط"

**Islam Amer** · 01-04-2009 04:29 PM

حمد لله علي السلامه

**ahmad5997** · 01-04-2009 04:49 PM

مادة ٧٦ مكرر :
مع عدم الإخلال بأیة عقوبة اشد في اى قانون أخر ، یعاقب بالحبس وبغرامة لأتقل عن إلف جنیة ولا تزید على ثلاثة ألاف جنیة أو بإحدى ھاتین
العقوبتین كل من تعمد السیر عكس الاتجاه في الطریق العام داخل المدن أو خارجھا ، فإذا نجم عن ذلك السیر المعاكس أو مخالفة إشارات المرور
بتنظیم السیر حدوث إصابة أو وفاة للغیر تضاعف الغرامة المالیة

معني الكلام ده انه العقوبة بتبقي الغرامة (لاتقل عن 1000) والحبس او كلاهما
ولو لاحظنا هنلاقي ان كل اللي تعرضوا للموقف ده بيلبسوا الكلبشات وبيدفعوا
شوفتوا بقي حكومتنا بتحبنا ازاي
ما سمعناش من واحد يوحد ربنا انه دفع من غير ما يلبس الاساور الميري ولا سمعنا عن واحد اتحبس من غير ما يلبس انما كل اللي سمعنا عنه الكلبشات + الغرامة (يا بختنا )
وصحيح عايز اخد رأيكو في حاجة خاصة بنفس الموضوع
كنت علي الدائري يوم الجمعة اللي فاتيت ونزلت نزلة عكس
ولقيت فرد معلق علي دراعو 3 شرايط نط قدام العربية وقالي ماشي عكس تبقي غرامة
وجري علي المكتب اللي قاعد عليه وعمال يكتب في دفتر
المهم طلعت 10 جنية (اللي طلعت في ايدي) واديتهوملوا بصلي وقالي عكس اتجاه ب 10 جنيه
حسيت انه هيشتغلني (وحقه ما انا اللي مشيت عكس) عاندت وقولتله دي اللي معايا وانا تايه علي الدائري بقالي ساعتين (حبة شحاتة)
المهم سيبته واخد ال 10 جندي وركبت العربية ومشيت
وانا ماشي ببص عليه لقيته بيكمل كتابة في الدفتر
مش عارف بقي كده ابقي اتعملي غرامة ولا هو بيكتب اي كلام في حاجة ولا ايه موقفي دلوقتي
علي العلم الكلام ده كان الجمعة اللي فاتيت ودخلت علي خدمة المخالفات علي النت ما لقيتش المخالفة ( ياتري هي بتنزل علي النت بعد اد ايه)
اسف جدااااااااا علي الاطالة وشكرا

**ahmed_su** · 01-04-2009 04:50 PM

المشاركة الأصلية كتبت بواسطة roky

اللي يدفع 100 جنيه عشان يبات في الشيراتون ، يدفع 200 جنيه ولا يباتش في الكراكون.

صح الصح

**bishoy02010** · 01-04-2009 05:32 PM

المشاركة الأصلية كتبت بواسطة ahmad5997

مادة ٧٦ مكرر :
مع عدم الإخلال بأیة عقوبة اشد في اى قانون أخر ، یعاقب بالحبس وبغرامة لأتقل عن إلف جنیة ولا تزید على ثلاثة ألاف جنیة أو بإحدى ھاتین
العقوبتین كل من تعمد السیر عكس الاتجاه في الطریق العام داخل المدن أو خارجھا ، فإذا نجم عن ذلك السیر المعاكس أو مخالفة إشارات المرور
بتنظیم السیر حدوث إصابة أو وفاة للغیر تضاعف الغرامة المالیة

معني الكلام ده انه العقوبة بتبقي الغرامة (لاتقل عن 1000) والحبس او كلاهما
ولو لاحظنا هنلاقي ان كل اللي تعرضوا للموقف ده بيلبسوا الكلبشات وبيدفعوا
شوفتوا بقي حكومتنا بتحبنا ازاي
ما سمعناش من واحد يوحد ربنا انه دفع من غير ما يلبس الاساور الميري ولا سمعنا عن واحد اتحبس من غير ما يلبس انما كل اللي سمعنا عنه الكلبشات + الغرامة (يا بختنا )
وصحيح عايز اخد رأيكو في حاجة خاصة بنفس الموضوع
كنت علي الدائري يوم الجمعة اللي فاتيت ونزلت نزلة عكس
ولقيت فرد معلق علي دراعو 3 شرايط نط قدام العربية وقالي ماشي عكس تبقي غرامة
وجري علي المكتب اللي قاعد عليه وعمال يكتب في دفتر
المهم طلعت 10 جنية (اللي طلعت في ايدي) واديتهوملوا بصلي وقالي عكس اتجاه ب 10 جنيه
حسيت انه هيشتغلني (وحقه ما انا اللي مشيت عكس) عاندت وقولتله دي اللي معايا وانا تايه علي الدائري بقالي ساعتين (حبة شحاتة)
المهم سيبته واخد ال 10 جندي وركبت العربية ومشيت
وانا ماشي ببص عليه لقيته بيكمل كتابة في الدفتر
مش عارف بقي كده ابقي اتعملي غرامة ولا هو بيكتب اي كلام في حاجة ولا ايه موقفي دلوقتي
علي العلم الكلام ده كان الجمعة اللي فاتيت ودخلت علي خدمة المخالفات علي النت ما لقيتش المخالفة ( ياتري هي بتنزل علي النت بعد اد ايه)
اسف جدااااااااا علي الاطالة وشكرا

إيه الخدمة ديه ممكن تبعتلى اللينك بتاعها !!!