الموضوع: اتمسكت الناهردى و انا ماشى عكس الاتجاه

المشاركة الأصلية كتبت بواسطة ezaby

حسام الحمد لله اوي انها جت على قد كده
بس قوللي فين تحديدا في الشيخ غراب عشان انا كل يوم بعدي فيه

بص يا باشا عند الجامع الائرى بص هقولك شارع وادى النيل اخرو مش بيطلعك على شارع قبل الشيخ غراب بشويه خش الحته دى عكسى بعديها بقى فى اتجاه رايح جى انا بقى مشيت فى الحته دى بقى عكسى وانا بمشى منها بقالى سنتين و محدش بيبقى هنااااااااك بس حظ الواحد بقى وحمد الله على كل شىء

المشاركة الأصلية كتبت بواسطة ahmad5997

اسف علي التكرار الغير مقصود بس احنا الاتنين قاعدين في نفس التوقيت بنرد علي بعض
ان شاء الله هجدد كمان 5 شهور
السؤال بقي
ساعة التجديد هيلبسوني الكلبشات في المرور لحد ما ادفع(زي اتفقنا انك لازم تلبس وتدفع) ولا هيدفعوني وخلاص
ولو عند حضرتك فكرة هي المخالفة بتظهر علي النت بعد اد ايه ياريت تقولي

لا وله يهمك
هو بص كان معانا واحد فى النيابه كان راكن عربيته عكس الاتجاه بتاع الشارع راكنها بس محصلوش حاجه و معرفش الا لما راح جدد الرخصه و لما جددها قالولو ادفع الغرامه الاول و بعد كدا يجددهالو بس هو دا الموضوع كلو و متقلقش ان شاء الله خير

المشاركة الأصلية كتبت بواسطة Islam Amer

حمد لله علي السلامه

الله يسلمك

المشاركة الأصلية كتبت بواسطة Michael_Lanos

الحمد لله انك طلعت فى نفس اليوم

الحمد الله اوووووووووووى انها جت على 5 دقايق فى الحجز

المشاركة الأصلية كتبت بواسطة powerofhelll

كفاره يا باشا
السجن للجدعان
انا مش جدع مش عايز اتبهدل انا بحسس علي الشوارع و انا داخل
ربنا يسترها معانا جميعا

السجن للجدعان ايه بس
دا فى بلاوى جوه
وربنا يسترها معانا كلنا

المشاركة الأصلية كتبت بواسطة human12

هو اكتر من الحراميه و المجرمين
مع اعتذارى بس ده استهتار بأرواح الناس لما تمشى عكسى - يعنى مشروع لقتل انسان

ربنا يكرمك والله بقيت اكتر من الحراميه و المجرمين ربنا يكرمك

حسبنا الله ونعم الوكيل البلد بقت بهدلة قوى
ربنا يوفق

أنا حصل معايا موقف عكس الأتجاه ده .
كنت طالع من شارع عند شارع عبد العزيز وماشي في اتجاه صحيح عادي ، وكنت عاوز اركن ومش لاقي مكان فكملت لآخر الشارع ولقيت ركنة على الشمال على ناصية الشارع المتقاطع مع الشارع اللي انا طالع منه ، المهم كسرت شمال ومحضن عشان اركن ، وهب لقيت واحد امين طلعلي من ورا عربية راكنة وقالي رخصك ، قلتله فيه يا عم انا بركن ، قالي رخصك ، طب ليه بس انا بركن عادي ، قالي بس رخصك وهنخليك تركن ، المهم اديتله رخصتي قاللي رخصة العربية قلتله مش معايا ، المهم راح مدي الرخصة لظابط وقاله عكس التجاه ، الظابط قاله فين رخصة العربية ؟ قاله مش معاه ، راح الظابط قايله احسن ، كل ده وانا لسه قاعد في العربية ، وشايف كوالين الظابط بتاع تمنيه تسعه واقفين وكله عمال يكلمه والظابط في منتهى الرخامه ، ولقيته بيقول للأمين يروح يجيب الونش والبوكس ، وطبعا كل ده وانا مش مستوعب اللي حصل وشايف بقه الصورة كامله ( حجز اربع ايام ، وغرامة 1000 جنيه وبهدله وعبط ) ورغم ان عمي رئيس محكمة استئناف وابنه رئيس نيابه ، بس عقبال ميجولي من الفيوم تكون الدنيا باظت ، المهم انا كل ده لسه منزلتش من العربية ، وفجأه جه في بالقي اني اسيبلهم الرخصة وامثل فيلم الهروب :) ، ونقلت بالعغربية سنه سنه وانا محضن كأني هركن وعيني في المرايه اللي جنبي ، وشايف الظابط واقف ملخوم مع الناس والأمين راح يجيب عدة الشغل ( الونش والبوكس ) وهب رحت طالع امريكاني ومحدش شافني كأني في فيلم اكشن آخر حاجه ، وبعد ما خلعت رحت متصل بعمي احسن يكون اللي حصل ده له توابع اسوأ ، قالي ولا اي حاجه احسن انك عملت كده ، قلتله طب وايه اللي هيحصل ، قالي مخالفة عادية لأن عكس السير شرط في ه التلبس وكده مفيش تلبس ( افتكرت ساعتها احمد زكي في فيلم ضد الحكومه لما رمى الحشيش من شباك القطار والظابط واقف :) ) ، وبعدها بأسبوع او عشر ايام رحت عملت بدل فاقد ب 60 جنيه ،
وشكراً على كده ، ومعلش لو كنت طولت عليكم .