الموضوع: (( رابطة الاسطورة فيات 131 ))

المشاركة الأصلية كتبت بواسطة michohat

انا كان قصدى انى مش اخدت بالى ان اللمبه الدينامو مش منورة لما بنفتح الكونتاك من غير ما ندور المفروض فيه 3 لمبات بتنور لمبه فرامل اليد ولمبه الزيت ولمبه البطارية والمفروض لمبه الزيت والبطارية يطفوا اول ما ندور العربية
والله كنت لسه عامل للدينامو صيانه من شهر بس مش غيرت فيه حاجه الكهربائي فكه ونظفة وركبه تانى
فعلا من الدرس ده اتعلمت لازم اخد بالى من اشيك على العدادات والانوار قبل ما اطلع بالعربية وقبل ما ادور حتى
دماغى كلها جت فى البطارية انها باظت بس قولت تسكت مره واحده كده
واهيه جت بفايده غيرت الكتاوت بس مش مستريح للى الكهربائي ركبه لانى حاسس انه قديم عنده و ملصم الدينامو بيه علشان كده ان شاء الله هشتري كتاوت تانى بس محتار اشتري الغالى ولا الرخيص لانى كنت سئلت عليه من سنه كان فيه من بدايه 50 جنيه الى 200 جنيه

بالنسبة لاخبارى لا جديد و بدور على عروسة ادعى لي انى اتوفق فيها

[frame="9 10"]
عادى
المهم الشحن يكون كويس
وعلى العموم انا كنت بحط كتاوت خارجى نوع تركى بيتقال علية بلاطة
هوة عبارة عن قطعة حديد و مش باين اى حاجة منة و مجزع من فوق بريش صغيرة
كنت جايبة ب 25 جنية من سنة و كنت جيب زية من اكتر من سنتين
هوة كويس و مظبوط و سعرة ممتاز
انصحك بية بس لما يبوظ بتاع الكهربائ مدام شغال

[/frame]

المشاركة الأصلية كتبت بواسطة michohat

الكتاوت اللى عندى بيقولوا عليه داخلى لانه بيتركب له مكان بيركب فى جسم الدينامو نفسه فهل ده يفرق عن النوع اللى انت بتقول عليه

[frame="9 10"]
لا ان بتكلم على كتاوت خارج الدنمو
مش الداخلى
الداخلى فعلا بيكون غالى
بس المهم الشحن فى الاتنين يكون مظبوط وكمان علشان ميحرقش البطارية
[/frame]

المشاركة الأصلية كتبت بواسطة mirafory

السلام عليكم
اهلا بجميع اعضاء الرابطه
ازيك يا بشمهندس حسام استفسار صغير
انا فكيت عمة الهوا عشان اشوف الكربراتير ولا حظت الاتي
الكربراتير له فتحتين واحده فيها باب قلاب بس مش بيفتح ولا بيقفل والعربيه شغاله او مبطله
الفتحه التانيه مفيهاش اي حاجه ومنها للهوا على طول
الاستفسار؟؟؟
الكربراتير ده اسمه اتنين باب ؟؟وهل المفروض ان القلاب الي في الفتحه الاولى يفتح لما ادور العربيه بس؟؟
والفتحه التانيه مفتوحه باستمرار ليه؟؟؟
وطريقة تنظيفه بشرح مبسط منك انت,,,,,
والعمه مكسوره اغيرها بعمة ال31 ولا اعدلها واركب فلتر رياضي؟؟
اسف على الاطاله بس معرفشي حد غيرك خبير في 31
وشكرا يا باشمهندس

[frame="9 10"]
كربرتير اتنين باب دة نوع كان عندى فى العربية
واحد فية باب
ودة مسؤل عن العربية فى سرعات الموتور المنخفضة و المفروض انة بيكون معاة شفاط ميكانيكى بس فى الغالب بيكون بايظ و ملوش قطع غيار
التانى متخصص بسرعات الموتور العاليا
ودة نظام بيساعد فى توفير البنزين

[/frame]