المشاركة الأصلية كتبت بواسطة saadelden
اول حاجه هرد عليها
ال 131 دفع خلفي
الحاجات الي تبص عليها ف العربيه و تكشف عليها كويس لانها مكلفه
الكارونه - الشاسيه - الماتور - الفتيس 5 غيارات لان ال 4 غيارات رخيص
دول اهم حاجه و لازم يكونو سلام و مفيهمش اي مشاكل و يكشف عليها ميكانيكي و سمكري ثقه
لان حاجات صغيره زي عمود التاكيهات عملتلي قلق من ساعه ما جبت العربيه
و الكارونه لو باظت بتتغير ب 2000 جنيه
الفتيس ال5 غيارات بيوفر بنزين و يريح العربيه ع السرعات
الفتيس ال 4 غيارات كويس لكن مش هيريحك مع السرعات فوق ال 80
طبعا البطاريه و الكاوتش من الحاجات المهمه
فرده الكاوتش لوحدها ممكن تبقى في حدود 250 جنيه
البطاريه 300 جنيه
حاول تدور علي موديلات فوق 1980
المواتير فيه 1300 واحد كامه - 1300 اتنين كامه ( مش متوفر اوي ) - ماتور 1400 في الموديلات الاخيره - ماتور 1600 واحد كامه ( ماتور حلو ف المشي و الجري و بيوفر بنزين ) - 1600 اتنين كامه ( ماتور جبار بس حوت بنزين ) - 2000 اتنين كامه و دا بتاع النسخه الاسبورت و صعب تلاقيه في مصر
انا بفضل ال 1300 اتنين كامه او 1600 واحد كامه
حاول تدور في اماكن بعيد عن السوق
شوف موقع
ContactCars هتلاقي العربيات المستعمله دور ع 131 و شوف الحاله و الي يناسبك
بلاش تشتري من التجار الي في السوق لان اغلب عربياتهم بتبقى منتهيه و هم ملزقنها عشان تتباع !!
اهم حاجه الكشف علي العربيه و لو مارضيش انك تكشف عليها يبقى العربيه فيها حاجه و سيبك منه
ربنا يعينك في مشوار التدوير دا
انا قعدت ادور شهر و شويه و ف الاخر ميكانيكي قريبنا هو الاي جابهالي و الحمد لله كل مشاكلها بسيطه
المفضلات