الموضوع: (( رابطة الاسطورة فيات 131 ))

السلام عليكم
الاخ العزيز الباشمهندس حسام اشكرك جزيل الشكر علي التحيه الجميله والترحيب الحار
وبالنسبه للمقارنه بين فيات 131 ولانسر كريستاله
مميزات الكرستاله هي مميزات السيارات الحديثه عموما نعومة الموتور التكييف الباور ستيرنج وغيره وكذلك الثبات الممتاز علي الطريق وبالنسبه لل عيوب فاستهلاك البنزين اعلي شويه وده لانه بنزين 90 قطع الغيار بالطبع اغلي من ال131 وتكلفة الصيانه ومش اي حد بيشتغل فيها والعيب الجوهري انها متنفعش معاي انها منخفضة جدا علي الارض فلا تنفع علي الطرق لدينا
مميزات 131 قوه ومتانه وتحمل للسير في الطرق الغير مستويه وقطع الغيار ارخص بالطبع لأنها بتعيش وبنقوم بأغلب الصيانه بنفسنا
وعلي فكره بالنسبه للسفر انا بسافر بها مسافات كبيره والحمد لله مش بتخذلني ودي مقارنه بسيطه بين الاثنين
واشكر كل الاخوة في المنتدي الغالي

شكرا علي الافادة بخصوص المقارنه بين ١٣١ والـ١٣٢ انا اقطنعت بكلامكوا :b4_611: انا اظبط ١٣١ احسن وغير ان العربيه ٢كامه فعلا عربيه قويه بجد وسحبتها جمده

دلوقتي المفروض العربيه بيبقى راكبلها مروحتين
مروحه كهربا و مروحه ع الماتورر مش كدا؟

انا مركب حاليا المروحه الكهربا بتاعه الشاهين و كان عندي قبلها مروحه متركبه ع الكرنك و غيرتها اما عملت مشاكل
المهم انا عندي المروحه البلستك دي و عايز اركبها ع الماتور زي ما شوفت في كذا عربيه
بس المشكله اني لو ركبتها هتبقى المسافه بينها و بين المروحه التانيه كام ملي و الميكانيكي قالي تركب بس هتتكسر بسرعه

ف انا عايز اعرف دلوقتي الي عنده الماتور ال 1600 كامه واحده المروحه دي راكبه عنده ولا لا ؟

سم الله الرحمن الرحيم
الاخوه الاعزاء في المنتدي العامر والرابطه الجميله تحيه طيبه وبعد
ياتري اخباركم ايه مش شايف نشاط باين العربيه عجزت ولا انتم مشغولين نتمني ان تكونوا بخير
علي فكره من فتره كنت اشتريت طقم سوست (ليات) ايطالي خلفي مش متذكر السعر لتغيير الموجودين بالسياره
ولكن لم اجد الوقت المناسب لتركيبهم. ولأني لاحظت منذ فتره وجود بوش (خلخله) بسيطه في الدركسيون ذهبت امس للعفشجي
وطلعنا السوست القديمه وجدتهم اقصر من الجداد بحوالي 10 سم. العفشجي قالي اللي راكبين مش بتوعها اصلا.
وعلشان كده كان راكب -تصدقوا - 6 علايات تخان علشان العربية تبقي مرفوعه
المهم جبت علايتن فقط واقل تخانه من اللي كانوا. وركبهم فوق السوست المهم قلت له علي موضوع البوش ده كشف قدام
وقالي هات طقم _tie rod end مش فاكر الاسم_ بيركبوا في نهاية الاسكاترا والناحيه التانيه في العجل
والنوع تركي الاتنين ب 60 جنيه عموما انا صورتهم بس معرفتش ارفع الصور
والعفشجي اخد 50 جنيه وبعد كده رحت لمركز ضبط زوايا اخد 20 جنيه.
وبعد كده مشيت بالعربيه لقيت حاجه غريبه طبعا البوش راح بس الدركسيون بقي خفيف جدا كأن العربيه فيها باور
انا قبل كده ماشفتش الدركسون خفيف بالشكل ده لأني كنت اشتريت القطعتين دول استعمال الخارج.
ولما فكيناهم النهارده كانت واحده غالبا قافشه تتحرك بصعوبه والتانيه سايبه خالص فلما اتركبوا الجداد
وبدون اللعب في مسمار ضبط الاسكاترا نهائيا لقيت فرق كبير -بصراحه كنت اتعودت عل تقل الدركسيون اصلا- دلوقت اقل حركه في الدركسيون يتعمل نتيجه سريعه.
واخيرا نتمني ان تكونوا بخير وسلامي للباشمهندس حسام

المشاركة الأصلية كتبت بواسطة kareeemoo

سم الله الرحمن الرحيم
الاخوه الاعزاء في المنتدي العامر والرابطه الجميله تحيه طيبه وبعد
ياتري اخباركم ايه مش شايف نشاط باين العربيه عجزت ولا انتم مشغولين نتمني ان تكونوا بخير
علي فكره من فتره كنت اشتريت طقم سوست (ليات) ايطالي خلفي مش متذكر السعر لتغيير الموجودين بالسياره
ولكن لم اجد الوقت المناسب لتركيبهم. ولأني لاحظت منذ فتره وجود بوش (خلخله) بسيطه في الدركسيون ذهبت امس للعفشجي
وطلعنا السوست القديمه وجدتهم اقصر من الجداد بحوالي 10 سم. العفشجي قالي اللي راكبين مش بتوعها اصلا.
وعلشان كده كان راكب -تصدقوا - 6 علايات تخان علشان العربية تبقي مرفوعه
المهم جبت علايتن فقط واقل تخانه من اللي كانوا. وركبهم فوق السوست المهم قلت له علي موضوع البوش ده كشف قدام
وقالي هات طقم _tie rod end مش فاكر الاسم_ بيركبوا في نهاية الاسكاترا والناحيه التانيه في العجل
والنوع تركي الاتنين ب 60 جنيه عموما انا صورتهم بس معرفتش ارفع الصور
والعفشجي اخد 50 جنيه وبعد كده رحت لمركز ضبط زوايا اخد 20 جنيه.
وبعد كده مشيت بالعربيه لقيت حاجه غريبه طبعا البوش راح بس الدركسيون بقي خفيف جدا كأن العربيه فيها باور
انا قبل كده ماشفتش الدركسون خفيف بالشكل ده لأني كنت اشتريت القطعتين دول استعمال الخارج.
ولما فكيناهم النهارده كانت واحده غالبا قافشه تتحرك بصعوبه والتانيه سايبه خالص فلما اتركبوا الجداد
وبدون اللعب في مسمار ضبط الاسكاترا نهائيا لقيت فرق كبير -بصراحه كنت اتعودت عل تقل الدركسيون اصلا- دلوقت اقل حركه في الدركسيون يتعمل نتيجه سريعه.
واخيرا نتمني ان تكونوا بخير وسلامي للباشمهندس حسام

انا عندي بردو السوست الي ورا مش بتوعها بتوع بيجو 504 السوست دي تخينه و قصيره ف بتخلي العربيه تدب
عايز اعرف جبت السوست ايطالي منين و بكام ؟؟
و طقم الاصلاح بتاع الدركسيون بردو لانه تقيل جدا عندي

المشاركة الأصلية كتبت بواسطة essamenen

'طلب صغير
الى عنده سياره 131 1600 cc كنت عايز اعرف طول مقياس الزيت من اول البلستكه الى بتكون على وش الماتور الى طرف المقياس ( طولها بالسنتيمتر )علشان انا حاسس ان البلستكه دخلت لجوه شويه

هشوفهولك انهارده ان شاء الله