المشاركة الأصلية كتبت بواسطة saadelden
دي صوره العدادات عندي و هشرح عليها
اولا عندك 8 لمض بس و لمبتين برا العدادات واحده ع اليمين و واحده ع الشمال
انا هتكلم ع العدادات
من الشمال لليمين :
1- لمبه النور الواطي لونها اصفر و بتنور اول ماتفتح زرار النور و بتنور مع التابلوه
2- لمبه الاشارات لونها اخضر و بتنور مع الاشارات و الفلاشر
3- لمبه النور العالي لونها ازرق و بتنور مع العالي او لو بترعش نور
4- لمبه الفلاشر لونها احمر و بتنور معاها لمبه الاشارات اما بتشتغل
5- لمبه سخان الازاز الخلفي لونها احمر بردو و بتشتغل مع سخاز الازاز الخلفي بس 90% هتلاقيه مش شغال اصلا
6- لمبه البطاريه لونها احمر و بتنور في حاله اما تفتح الكنتكت او لو شحن الدينامو ضعيف
7- لمبه الزيت لونها احمر و بتنور اما تفتح الكنتكت او لو الزيت ناقص في الماتور
8- لمبه فرامل اليد لونها احمر و بتنور اما ترفع فرامل اليد بس اكيد مش شغاله لان المفروض يبقى فيه زرار تحت فرامل اليد اما بتنزلها بتدوس عليه و تطفي اللمبه لكن اكيد مش موجود عندك
____________________________________________
نيجي لجزء التابلوه
ممكن تجيب تابلوه جديد من غير العدادات و هتلاقيه في حدود 600 - 700 جنيه
لكن لو حاله التابلوه معقوله ممكن تكسيه جلد و بيبقى زي الجديد
زراير التاكيف اكيد مالهاش لازمه لان معتقدش ان عندك تكيف
لكن لو بتفكر تركب تكيف هيتوصل عليها و هاتشتغل بيها
المفروض هنا فيه لمبه و المفروض ان التابلوه بيتقفل بالمفتاح
.
طبعا طفايه السجاير مش موجوده ولا الولاعه
و عصايه الفتيس دي قديمه جدا
.
فتحات التكيف اما بتفك التابلوه بتتوصل و بتجيب هوا
لكن اكيد عندك مش متوصله ف مالهاش لازمه
لو هاتفك التابلوه ابقى حاول توصلها
نور الصالون بتجيبله مفتاح زي بتاع التلاجه ب جنيه او 2 جنيه الواحد و هتجيب طبعا للاربع ابواو و الكهربائي بيركبهم ف مفيش
بس دا علي اساس ان الاسلاك بتاعتها موجوده
لكن لو مش موجوده يبقى هايحتاج انه يعمله اسلاك من اول و جديد من عند علبه الفيوزات للابواب و يوصلهم باللمض
__________________________________________________ _
الماتور
من الصوره دي انت عندك جوان التاكيهات بايظ و بيسرب زيت علي وش الماتور و بينزل زيت علي البوجيهات
الجوان ب 8 جنيه و تركيبه مابياخدش 5 دقايق
انا بقترح عليك انك اول حاجه تعملها تروح بنزينه محترمه تغسل العربيه غسله محترمه و تشوف انت محتاج ايه و تعمله علي نضافه
شغلانه الكهربائي مش هتكلفك 100 جنيه و كام ساعه شغل
جوان وش السلندر اهم حاجه يكون الماتور نضيف و معليهوش زيت و بعدين تركبه
التابلوه شوف انت هتغيره ولا هتكسيه بس حسب حالته
لو مكسر و متبهدل ف اشتري واحد تاني احسن و انضف 100 مره
بالنسبه للعمره انا هعمل موضوع عن العمره الي عملتها و تفاصيلها و اسعار كل حاجه
بس لو دخلت في عمره كامله يفضل تجيب ماتور جديد احسن لانه بنفس التكلفه و هيبقى مضمون عن العمره
المفضلات