الموضوع: يا حلاوة التوكيل المحترم

انتم فاكرتوني باللي حصل معايا ومكنتش عايز اقوله لما اشتريت البيكانتو من محمد زكي وطبعا البيكانتو من غير كاسيت اخترت بايونيير وركبته عند كهربائي تبعه يوم ماروحت استلم العربية ولغاية ما روحت اطلع شهادة بيانات ورجعت اخذ العربية و استلمته ولما طلعت من المعرض ومشيت بيها لاحظت العدادات مابتتحركش رجعتله وقلت له العربيه جديدة وفيها مشكلة قالي حاجة بسيطة ممكن وانت مروح بيتك في التجمع الخامس خش المركز بتاعنا المهم نكد من اولها دخلت عليهم وقولتلهم لسه واخدها كدة قالولي 5 دقائق وتحولوا دول ل 5 ساعات زعقت هناك وقولت لهم عربة جديدة طالعة من التوكيل تخوش الصيانة 5 ساعات قاللولي جهاز جهز كشف الاعطال في ابو رواش ممكن بكرة تروح هناك قولتلهم لو السماء اتطربقت مش رايح وهاخرب بيتكم قاللولي طب معلش تعالى عندنا بكرة وهانبعت نجيبه تعالى الساعة 9 ص ماشي ....رحت تاني يوم في الميعاد لغاية الساعة 3 عصرا ومافيش حاجة اتصلت بمحمد زكي شخصيا قالي حاضر لا تقلق العربية بتاعتي اعتبرها خلصت روحت وانا متعكنن الساعة 5:30 جالي تليفون من كيا لو سمحت الخبير الكوري مستر شاهه منتظرك بالعربية رحت وقابلته وكان معاه فني كوري اهبل عمال يضحك زي الصيني اللي كان مع هنيدي في فول الصين العظيم في الطيارة:POINTI~2[2]:وعملوا كونسولتو على العربية وقلوا في الاخر CPU للعربية بايظ احنا اسفيين هانبعت نجيبه من دبي ولاقيت تليفون من كيا كورية بيكلمه وبيشده ولما لاقاني فاهم انجليش راح بعد عني المهم قال اسبوع و هاتيجي المهم بعد 5 ايام كلمتهم قالوا ماعندناش فكرة رحت مكلم محمد زكي قالي مافيش في دبي هايجيبوا من كوريا وتاني يوم محمد زكي كلمني و قال روح ابو رواش هما مستنينك قلتله مش هارخص العربية ومش عايزها قالي روح يا باشا ولو ماتحلتش خد فلوسك او عربية جديدة تانية المهم روحت وطبعا وانت داخل بتشيل الولاعة ووش الكاسيت وغيروا المراد وطلعوا جربوا معايه زي الفل وطلع مدير الصيانة م خالد و استاذ رامي جاد مدير عام كيا EITوسلسلة من الاسففففففاتتتتتتتت ومشيت وروحت مركب الولاعة ووش الكاسيت ورحت مشغله لاقيت العدادات سقطت شيلت الوش لاقيتها اشتغلت عرفت ان المشكلة من الكاسيت وفاتت عليه دي رغم اني مهندس كهرباء فكيت الكاسيت ويا ريتني ما فكيته لاقيت كنافة من الاسلاك ومافيش عزل ما بينهم روحت للفرع بتاع محمد زكي في المعادي وفرجته في 5 دقائق كان في كهربائي وخلصها وتم تعويضي باسسفففات كثيرة وطقم دواسات وشماسة وقلم مكتوب عليه M.ZAKI KIA وعمل تخفيض في مبلغ التاميين السنوي الشامل حوالي 250 جنيه

المشاركة الأصلية كتبت بواسطة shady05

المشكلة دية ملهاش الا حل واحد , صور العك اللى عملوة دة وارسلة فورا اكيا كوريا و هتشوف بنفسك اللى هيحصل , انا عندى سيراتو 2009 و عملة برضو 10000 يعنى زى عربيتك بظبط , بعد استلام العربية بشهرين لقيت الزواية مش مظبوطة , رحت امحمد زكى علشان قريب منى , بعد مامشيت من عندهم لقيت العربية زى ماهية ولا اكنى رحتلهم اصلا . سخنت اوى عليهم و رحت باعت اميل للشركة الأم فى نفس اليوم الساعة 12:30 ليلا . تانى يوم الساعة 9:15 لقيت م.خالد مدير عام الصيانة بيتصل بيا و الدنيا انقلبت , اعتزرلى كتير اوى و حددلى معاد عندة فى ابو رواش ولما رحت قابلنى وعرفنى بالخبير الكورى اللى فحص العربية و تم استعدال الزوايا ثم جرب معايا العربية بعد اما خلصت , بعدها م.خالد عمل واجب معايا جامد جدا خالانى ماشى وانا فعلا راضى تماما . فتوكل على الله وراسل الشركة الأم وإن شاء الله خير.

طيب ممكن حضرتك تدينا الأميل ده

Sorry to reply in English but it will be more easier to guide you, 1st go to Kia web site (http://www.kiamotors.com/) and click on contact us at the upper right side of the screen , then a menu will appear at the left of the screen , chose after service then fill your data and write about your problem.

والله يا جماعه متشكر ليكم بس انا زهقت من الكلام مع التوكيل والخط الساخن وعرض المشكله علي اللي رايح واللي جاي كرهوني في العربيه مرتين الله يسامحهم مره لما مش عارفين يصلحوني ومره لما نزلوا النيو سيراتو يالله كل واحد بياخد نصيبه المهم انا عاوز الايمال يا استاذ shady05
الله يخليك وانا هرسلهم واشوف ايه النتيجه

المشاركة الأصلية كتبت بواسطة faisal_may

والله يا جماعه متشكر ليكم بس انا زهقت من الكلام مع التوكيل والخط الساخن وعرض المشكله علي اللي رايح واللي جاي كرهوني في العربيه مرتين الله يسامحهم مره لما مش عارفين يصلحوني ومره لما نزلوا النيو سيراتو يالله كل واحد بياخد نصيبه المهم انا عاوز الايمال يا استاذ shady05
الله يخليك وانا هرسلهم واشوف ايه النتيجه

بص يا باشا , هو مفيش اميل لكن فية مكان على الموقع لتلقى الشكاوى ,
1- ادخل على موقع كيا (http://www.kiamotors.com/)
2- اختار contact us من القوائم الموجودة اعلى الشاشة على اليمين
3- سوف يظهر قائمة اخرى على شمال الشاشة اختار منها after service
4- سوف يظهر مكان لكتابة شكوتك
وربنا معاك إن شاء الله

you can call this mobil no 010 3437 456 and tell him

يا باشا انا كان عندي مشكله في العفشه و مستنتش الصيانه و كلمت 19542 و حكتلهماني عايز احل المشكله بسرعه لاقيتهم حجزولي ميعد في فرع ابو رواش و قالولي اسال عاي المهندس اشرف مدير الفرع و لما سالتعليه طلع و سمع كلامي و فو ض مهندس اسمه تامر و فعلا حلولي المشكله