تقييم السيمبول؟

**elmohandes1** · 29-08-2009 12:56 AM

المشاركة الأصلية كتبت بواسطة dr_smart

لو حضرتك اقتنعت بيها يبقى توكل على الله

انا بدور على عربيه اوتوماتيك في رينج 80 - 100

وعجبني كيا ريو ( وهينزل منها شكل جديد قريب )

النيو اكسنت كويسه بس سمعت ان عفشتها مش حلوه

لو زودت شويه يبقى عندك نيسان صني واوبترا وماتريكس والنترا

واللي بفكر فيه حاليا الصيني ... الfrv وال byd f3 ... الصراحه frv تقفيلها نضيف وموتور اقوى وركوبه اشيك من السيمبول

عموما الموضوع مش عايز تسرع واستخير ربنا وبالتوفيق ان شاء الله في الاختيار

أستاذى العزيز انا مش معاك فى كلامك علشان السيارات الأوروبية لا تقارن بالكورى و الصينى - معاك انه ممكن فى الكورى و الصينى تقفيل و كماليات شيك لاكن الأوروبى أوروبى حتى لو معمولة او متجمعه فى تركيا أو المغرب أو حتى كوالالمبور

**Dr_Smart** · 29-08-2009 06:39 PM

المشاركة الأصلية كتبت بواسطة elmohandes1

أستاذى العزيز انا مش معاك فى كلامك علشان السيارات الأوروبية لا تقارن بالكورى و الصينى - معاك انه ممكن فى الكورى و الصينى تقفيل و كماليات شيك لاكن الأوروبى أوروبى حتى لو معمولة او متجمعه فى تركيا أو المغرب أو حتى كوالالمبور

انا مع حضرتك في ان الاوروبي كعمر افتراضي وأداء وثبات أفضل من الكوري بالتأكيد ... لكن مش كل الاوروبي يستاهل .

عموما الموضوع ده يرجع لذوق واحتياجات كل واحد ... يعني اللي غاوي اوروبي براحته ... لكن انا عن نفسي مقتنع بأداء واعتمادية الكوري والياباني اللي في الفئه دي وعشان تركب رينو سيمبول هتضحي بكذا حاجه :
1- تقفيل وكماليات
2- اسعار قطع غيار غاليه نسبيا ( يعني على عربيه ب 80 الف )
3- سعر اعادة بيع قليل
4- صالون ضيق

و لولا اختلاف الاذواق لبارت السلع

**tofy_urban** · 29-08-2009 10:07 PM

المشاركة الأصلية كتبت بواسطة Dr_Smart

انا مع حضرتك في ان الاوروبي كعمر افتراضي وأداء وثبات أفضل من الكوري بالتأكيد ... لكن مش كل الاوروبي يستاهل .

عموما الموضوع ده يرجع لذوق واحتياجات كل واحد ... يعني اللي غاوي اوروبي براحته ... لكن انا عن نفسي مقتنع بأداء واعتمادية الكوري والياباني اللي في الفئه دي وعشان تركب رينو سيمبول هتضحي بكذا حاجه :
1- تقفيل وكماليات
2- اسعار قطع غيار غاليه نسبيا ( يعني على عربيه ب 80 الف )
3- سعر اعادة بيع قليل
4- صالون ضيق

و لولا اختلاف الاذواق لبارت السلع

معلش يادكتور انا اختلف مع حضرتك اولاً في موضوع الكيا ريو لاني كنت عند محمد ذكي و قعدت في الريو و السيمبول و الاتنين جمب بعض مفيش 3 متر و السيمبول تتفوق في كل حاجة و الكماليات اكتر بكتير من الريو الريو يادكتور المرايات مانيوال مش كهرباء و مفيش ايرباج و لاتحكم في الراديو في الدريكسيون و تقريبا 2 زجاج كهرباء كان فيها بس زيادة عن السيمبول ان فتحة التنك و الشنطة من الداخل لا الريو تخسر بفارق اهداف كمان

اعتقد ان اللي ينافس السيمبول بجدارة في هذة الفئة ال frv علي المدي القصير لانها صيني و قطع غيار غير معمرة و الجين تو تنافس علي المدي الطويل لكنها بتستهلك بنزين اكتر و علي فكرة موضوع ان صالون السيمبول ضيق معرفش ازاي بس حضرتك انا طويل شويتين يعني 186 سم وظبت الكرسي الامامي كويس و رجعت قعدت وراء و كنت مستريح جدا و مأنتخ كمان

اللي مخوفني من السيمبول فقط حاجتين سعر قطع الغيار و دي مش مخوفاني اوي لان معظم العربيات الجديدة كده تقريبا و اسعار قطع الغيار الأصلية قريبة اوي من الياريس مثلا لكن الياريس متوفر في السوق قطع غيار كتير غير الاصلي باسعار اقل كتير و ده مش متوفر في السيمبول يعني اعتقد انك لازم تجيب الاصلي من التوكيل تاني حاجة تقلق سعر إعادة البيع و انا مش بفكر في البيع اوي لكن محدش ضامن بكرة في ايه و ممكن احتاج ابيعها و الاقي نفسي لبست في الحيط

**ashrafsadany** · 29-08-2009 10:32 PM

يا جدعان انا قربت على صيانة 10 الاف فى السيمبول وحقآ سيارة اكثر من ممتاذة وبعد الصيانة هكتب تقييم عن تجربتى ال10 الاف الى فاتو + الصيانة وتفاصلهااا بس الى اقدر اقولو ان العربية جديرة بآثبات نفسهااا دون الاحتياج الى عوامل مساعدة ودا الايام هتثبتو ودا ناتج من خبرتى فى العربيات وامتلاكى اكثر من عربية خلال 12 سنة ماضية ومنهااا فورد فيستا 2006 رينو كليو 2001 فورد فوكس 2006 خليجى وهيونداى ماتركس 2007 +بيكانتو 2008 واخيرآ وليس اخرآ ان شاء الله سيمبول 2009 والعربيات دى امتلكهااا فعلآ وليا معاهااا تقييم طوييل دا بخلاف ماركات اخرى مع اصدقائى وقمت بتجربتهااا بنفسى ومن خلاصة تعاملى مع العربيات وخبرة تقرب من 15 سنة مع السيارات التى تم ذكرهااا والحمد لله وبفضل نعمة ربى على كانت كلهااا زيرو اقدر اقول ان العربية دى هتثبت نفسهااا وهتوجد لنفسهااا مكان متميز كمان وسط الهجوم الشرس الى فى السوق من مختلف الماركات والله الموفق وفى النهاية احنا يهمنا المصلحة كمستهلكيين والوصل لافضل معادلة ( واكيد تكون لصالحنا مش لصالح السيارة )

**alihussien2** · 31-08-2009 08:30 AM

يعني اتوكل على الله واشتري الرينو سيمبول؟

**ashrafsadany** · 31-08-2009 09:09 PM

المشاركة الأصلية كتبت بواسطة alihussien2

يعني اتوكل على الله واشتري الرينو سيمبول؟

يا باشا استخيير ربنا الاول ثم توكل على الله وسدقنى هتلاقى نفسك حاسس برتياح وثقة مع العربية دى

**hermoo** · 17-09-2009 04:25 AM

يا ريت من فضلك تقولي ايه هو كود الكسيت الخاص ب السيمبول؟ لاني لسه مشتريها اليوم و الرقم غير مكتوب في المانيوال؟. جزاك الله خبرا

**ashrafsadany** · 17-09-2009 05:48 PM

المشاركة الأصلية كتبت بواسطة hermoo

يا ريت من فضلك تقولي ايه هو كود الكسيت الخاص ب السيمبول؟ لاني لسه مشتريها اليوم و الرقم غير مكتوب في المانيوال؟. جزاك الله خبرا

ممكن تكلم خدمة العملا لان كل عربية ليهااا كوود هيقلولك عليية وممكن يكون مكتوب فى اخر صفحة فى المنيوال بتاع ال cd مش بتاع العربية والف مبروك يا باشاا ربنا يعطيك خيرهاااا ويكفيك شرهاااا وفى شوية ملاحظاااات هقولك عليهاااا ان شاء الله وفى حل كمان ممكن تكلم المعرض الى جبت منة وهما بيكلموا المبيعااات ويجبهولك

هستنا ردك وتقييمك الخاص عن العربية

**ahmedezar** · 18-09-2009 03:07 PM

السلام عليكم إخواني

إمبارح انا روحت قابلت الأستاذ اشرف وهو إنسان علي أدب وذوق عالي جدا وسمحلي أتفرج علي عربيته السيمبول

الحقيقه أنا زاد اعجابي بالعربية و أقتنعت بيها أكتر الشكل و الخامات و التقفيل الحقيقة أنا فصصتها تقريبا
مع وجود طبعا بعض الملاحظات اللي أعتقد انها متقللش من العربية زي باب التانك البلاستك و فتح الشنطة من الخارج والفيبر االي أسفل الأكصدام اللي حسيت انو ضعيف ( اكيد حاحس بكدا مع كل العربيات عشان معايا لادا أكصدامتها حديد ) بس في المجمل عربية ممتازه و قعدتها مريحة و صالونها واسع مقارنة بفئتها مش ضيق زي ما الناس بتقول ..... ده رأي الشخصي

انا كلمت الوكيل امبارح و قالي للأسف مش محددين ميعاد الدفعه اللي جاية امتي و انا منتظر تنزل و ربنا يسهل

بشكرك مرة اخري أستاذ أشرف علي سعه صدرك ليا.

علي فكره يا جماعه أستاذ أشرف ما شاء الله عنده خبره عالية بالسيارات لأنه ماشاء االله ركب عربيات كتير
لو في أستفسار هيفدكم كتيير

وشكرا للمنتدي

**ashrafsadany** · 19-09-2009 12:17 AM

يا استاذ احمد جزاك الله كل خيير على حسن الثناء وربنا يجعلنا من الصادقيين الصالحيين فى النصيحة ومستنى موضوع حضرتك فى تحويل العربية للغاز بشوق لانى لا اعلم شييء عنة سلبيات وايجابيات