الموضوع: عملت حادثة بالسيريون_(لما الطريق يقف اوعى تقف!!)_والحمد لله .

الاخ العزيز momenhamdy شكرا جزيلا على نصايحك الهامة والحقيقة استفدت منها جدا وباذن الله حاخد بيها كلها .

الاخ العزيز Eng_aly
شكرا جزيلا واكيد طبعا الحمد لله وقدر ولطف وقضاء اخف من قضاء وربنا يسامح سواق النقل
اللى حيدخلنى فى موال كنت فى غنى عنه ولا اقول سوى الحمد لله .

الاخوة الاعزاء
shrafoo
Youssef_Mostafa
ahm3d ham>ed
semihuman
fahd_628
king_de_egypt
mido_919
mecho_392
NaviGator_13
ربنا يسلمكم وشكرا جزيلا لكم

الاخوة الاعزاء
توفيق طه
alijandroo
الله يسلمكم وشكرا جزيلا لكما.

الاخ العزيز MoToRiZeR
حمدالله على سلامتك والحمد لله
بالنسبة لسواق النقل طبعا قعد يعتذر والفرامل سابت منه والكلام المعروف ده وانا كان همى اهدى عبدالعزيز واطمنه لان الموقف وتره جدا ومفيش حاجة كانت حتهديه سوى شعوره بانى هادى ومطمئن وده اللى خلانى اتعامل مع الموقف بهدوء شديد بعيد عن الجعجعة وطبعا السواق حاول يتصالح بس كان عايز يدفع كلام فارغ ( طبعا مش متخيل التكلفة الحقيقية) وانا كان اكرملى امشى فى سكة المحضر عن انى اخد ملاليم .
بالنسبة لسواق الشاهين اللى عمله انه شد بايده باقى الاكصدام اللى كان مدلدل على الارض ورماه لانه باظ خالص طبعا كان شايف حصلى ايه والراجل اختصارا للوقت استاذن منى ومشى واعتذرتله طبعا قالى على ايه انت اللى ربنا يعوض عليك ومشى .

حمدلله علي السلامة الحديد بيتعوض لاكن الرجالة ما بتتعوضش

المشاركة الأصلية كتبت بواسطة معاذ الشرباصى

حمدا لله على سلامتة حضرتك و الاسرة الكريمة

و ربنا يعوض على حضرتك فى الاضرار دى

اما بخصوص التكاليف

الشنطة الخلفية بتتباع من غير الزجاج, اخر سعر اعرفه عنها كان حوالى 1450 جنيه بدون الضريبة (الكلام ده فى اول عام 2009) و الزجاج الخلفى حوالى 1275 جنيه من غير ضريبة او تركيب

للاسف كمان سعر تركيب الزجاج بيبقى تقريبا قد ثمن الزجاج (معدى ال 1000 جنيه) علشان السيلكون, و بيغيروا الاطار بتاع الزجاج كله و المصنعية كمان.

بخصوص الشنطة حضرتك مكن تشوف سمكرى محترف يشوفها و يقولك ايه النظام بتاعها, لو مضطر تغيرها فى عندى حل تانى ... انك تشوف المحل اللى فى الحرفيين الى كان ميدو سريون قال عليه, هو ممكن يجيب لك الشنطة من التوكيل و بسعر اقل و من غير الضريبة ال 10% او كمان محل يوسف بدرسيان اللى فى التوفيقية ممكن يعمل نفس الموضوع لأنهم موزعين معتمدين للتوكيل.

يا ريت حضرتك تطمنا و لو احتجت اى مساعدة سواء فى التوكيل او خارجه تحت امر حضرتك.

الله يسلمك يا معاذ وشكرا جزيلا لك والحقيقة انا خبرتى محدودة جدا فى التعامل مع هذه الظروف يعنى السمكرة والدهان والحرفيين ومعنديش مانع اخوض التجربة دى بس فى الاخر تبقى جايبة همها ويبقى الفرق عن تكلفة التوكيل يستاهل .

وواضح واللى فمهته منكم ان الشنطة والكبوت من المناطق الصعبة فى الشغل ويبدو انه غالبا تكلفة السمكرة حتقرب من تكلفة الفابريكه .
بس حبيت اعرف الحاجات دى لو اشتريتها فابريكة هل حركبها بره ولا حوديها للتوكيل

او بمعنى اخر فى مثل حالتى ايه اللى لازم اعمله فى التوكيل وايه اللى اقدر اعمله بره ( بنفس الجودة طبعا )دون ان يكون له اى تاثير على الضمان .

وبعدين الحاجات اللى حضطر اغيرها مش ممكن استفيد بيها باى شكل ؟
بحيث تقلل شوية من سعر الفابريكة؟

وشكرا لتعبك واهتمامك وربنا يكرمك

قدر الله وما شاء فعل

ربنا يجيرك في مصيبتك

وان شاء الله تكون بأحسن حال جميعا
انا شايف ان كله ممكن يترد على البارد ان شاء الله
يعني انا رايي شوف انك تشتغل على البارد الأول ومتدخلشي في داهانات والكلام ده
وان شاء الله تشتغل فيها على البارد

قدر الله وماشاء فعل حمد لله على سلامة حضرتك والأسرة وأنشاء الله العربية تتصلح وتبقى زى الفل
وربنا يحفظك ويحفظ أسرتك وأبنك عبد العزيز

المشاركة الأصلية كتبت بواسطة rzeiny

الف سلامة على حضرتك وإن شاء الله العربية ترجع زي الاول
انا كمان حصل معايا وانا واقف نفس الطريقة وجت في الرفرف الخلفي ومش مامن ورحت التوكيل قالي حوالي 4500 جم وحاليا سايبها شوية وعربيتي 2009

المشاركة الأصلية كتبت بواسطة rzeiny

بالمناسبة انا رحت لواحد في الحرفيين بيشتغل في الزيرو بس وطمني خالص بس انا مشغول وما اقدرش استغنى عن العربية الان لكن انا تحت امر حضرتك لو حبيت تروح له لان التوكيل عقدني بصراحة ولازم يغير الرفرف كله ويرش برة وجوة وشغلانة كدة مع تغيير اكصدام خلفي لكن سمكرة مش اد كدة

اولا الف سلامة عليك وعلى الاسرة وقدر ولطف
طبعا اشكرك جدا على عرضك الكريم رغم انشغالك لكن انا لى سؤال ... هل الورشة اللى فى الحرفيين دى مضمونة لانى اكيد حضطر اسيب العربية عندهم فترة واكيدانت كمان لما تنوى والواحد بيخاف من اللى بيسمعه انهم ممكن يلعبوا فى العربية ويشيلوا منها ويغيروا وحاجات كده ...
واشكرك جدا وما دام الحال من بعضه يبقى ممكن تبعتلى رسالة خاصة فيها تليفونك ونتابع مع بعض لانه يبدو اننا حنضطر نسال فى اكتر من مكان للوصول الى افضل وأأمن طريقة ومكان للتصليح .
والحمد لله اننا وذوينا بخير