الموضوع: عملت حادثة بالسيريون_(لما الطريق يقف اوعى تقف!!)_والحمد لله .

لا حول ولا قوه الا بالله ربنا معاك يا دكتور واهم حاجه ان حضرتك والعائله بخير الحمد لله
انا برده اول ما جبته السيريون ومكانتش كملت ال1000 كيلو ولا عملت صيانتها لسه والله برده واحد حمار قطع عليه الطريق عند قها علي الزراعي وهديت طبعا جامد الميكروباص اللي ورايا اح لابس فيه لبسه محترمه بس الخبطه خدت الجمب الشمال من الخلف فقط يعني نصف الشنطه والاكصدام وحرف الرفرف الخلفي الشمال وطبعا الزجاج اتفشفش
ونزل قعد يقولي انت اللي غلطان وانت اللي فرملت وكلام فاضي والاكتر كمان ان الركاب اللي معه كانوا وقفين في صفه سبحان الله وقعدو يقولولي منك لله كنت هتموتنا وكلام كده ملوش لازمه وسيبته ومشيت برده وقت خير
المهم العربيه طبعا كانت لسه زيرو وبصراحه مكونتش متخيل ان انا اعمل فيها حاجه وسمكره ودهان وهي بسه معملتش صيانه ال1000 ركنتها اسبوع كده في جراج وبعدين روحت لسمكري رد الشنطه علي البارد بس طبعا بنسبه 80% يعني فيها شويه ضعضعه بس احسن من الاول طبعاااااا والاكصدام برده فكه ولحمه كده ورده علي قد ما يقدر بس هو لازم يتغير لانه اتكسر وكلبساته باظت ةطبعا حرف الشنطه من جوه الخبطه كانت وصلته فقعد يخبط فيها شويه من جوه وطبعا الشنطه مش مطبوطه بالملي فباب الشنطه مش بيقفل للاخر وعلي طول لمبه الصالون منوره ملمبه الشنطه منوره مش عارف ليه وجبت الزجاج بس من عند شركه نايل اتو في المنصوره هي موزع معتمد كان ب 1450 وركبته بره لانهم في المنصوره معندهمش فني تركيب زجاج مش عارف ازاي ؟!!!!!! اتكلف 50 جنيه يعني الاجمالي
450 سمكره + 1500 زجاج=1950 طبعا ده غير الفانوس الشمال عندي مسكور كماان بس مغيرتوش والكلام ده من الصيف اللي فات في شهر 8 تقريبا والعبيه من بعدي مش باينه انها مخبوطه
اعتقد ان ممكن حضرتك تشوف الاول واحد سمكري نضيف يكون متخصص في البارد فيه ناس كده بيكونو شغلتهم علي البارد بس بيكونو غاليين شويه عشان بياخود وقت كبيرر
وربنا يعينك ويعينا والله علي سواقين الميكروباص والنقل والموتسيكلات والتوكتوك اللي طلع في المقدر جديد