عملت حادثة بالسيريون_(لما الطريق يقف اوعى تقف!!)_والحمد لله .

**masryxt** · 12-04-2009 11:08 PM

الف حمد لله علي السلامه يا استاتذي الفاضل
و علي سلامه الاسره الكريمه

**aif** · 12-04-2009 11:31 PM

لا حول ولا قوة الا بالله
ربنا يعوضك خير ان شاء الله
الحمد لله انكم بخير وده هو الاهم ....وأكيد ربنا أخرك عن شر بالحادثة دي .... ربنا دايما بيجيب الخير للمؤمن ...
اسعار التوكيل غالية جدا .... اعتقد ان فيه ناس في الحرفيين شغلهم ممتاز ... والموضوع ح يبقى بتكلفة قد تصل الى نصف المبلغ بتاع التوكيل ...
سؤال للزملاء .... هو لازم زجاج التوكيل الاصلي ..... مافيش د جريش او امان او سيكوريه .....
انا فاكر مرة كان زجاج عربية مازدا قديم اوي و عملوه مخصوص ... وكان في الحدود المعقولة ...300 افتكر ... وده عشان اتعمل مخصوص
وبعدين ده زجاج خلفي .... يعني مش مشكلة انه يكون اصلي ...
السعر والسيليكون والمصتعية وضريبة المبيعات = 1870 وده كتير اوي

**أبو عبدالله** · 12-04-2009 11:59 PM

المشاركة الأصلية كتبت بواسطة MoToRiZeR

بالمناسبة بقي يا ريت حد خبير يقولنا إيه الضرر من إن الزجاج ميكنش أصلي يعني إيه اللي ممكن يحصل مثلاَ في أسوأ الحالات .

طبعا انا مش خبير اساسا
ولكن هو بالنسبة لنا في مصر وان الحاجات دي مش مهمه فاكيد مش هتفرق معانا قوي مقارنة بفارق السعر

يعني عندك أول حاجه مثلا
بتبقى تأثير الرمال او اي شئ في الهواء المقابل للسيارة على السرعات على خدش الزجاج ومدى تأثره بالحاجات دي
يعني الزجاج هيشبر بدري ولا هيعيش اكتر
طبعا برضه في فرق في مدى تأثره بالزلط او الطوب اللي ممكن يخبط فيه خصوصا على سرعات
يعني ممكن خبطه تعمل نقره مثلا في الأصلي وفي العادي تعمل شرخ
يعني فرق الخامات هيفرق في الحاجت اللي زي دي

ثالثا مسألة تصادم المشاة
يعني انت عارف ان السيريون حاصلة على نجمتين في حماية المشاة واربعة نجوم في حماية الركاب الكبار

فموضوع حماية المشارة ده اساسا من النادر انك تلاقي عربيه حاصله على شئ فيه
يعني غالب العربيات بيبقى ركاب كبار وركاب صغار
وقلما ان تجد من يراعي حماية المشاة
فطبعا حماية المشاة بيدخل فيها الأكصدام الأمامي وامتصاصه للخبطه والكبوت والزجاج

يعني يمكن الحاجات دي مش مهمة قوي عندنا ولكن هما صنعوا العربيه على هذا الأساس
وانت اللي بتشتري العربيه وتختار

**aif** · 13-04-2009 12:01 AM

المشاركة الأصلية كتبت بواسطة MoToRiZeR

بالمناسبة بقي يا ريت حد خبير يقولنا إيه الضرر من إن الزجاج ميكنش أصلي يعني إيه اللي ممكن يحصل مثلاَ في أسوأ الحالات .

ده اللي اقصده بالظبط يا محمود
بالاخص انه زجاج خلفي .... يعني مش معرض لضغط رياح ولا خبط زلط او ما شابه ... وكمان مش في وش السائق والركاب .... يعني مدي الخطورة مش كبير زي الامامي
انا مثلا عربية والدي موديل 1977 الزجاج الامامي اتغير كتيييير ... لكن الخلفي لسة بتاع الفابريكة
يبقى ليه ندفع فيه 1800 جنية لو متوفر زجاج جريش او سيكيوريه

**د.محمد الشيخ** · 13-04-2009 12:45 AM

المشاركة الأصلية كتبت بواسطة alijandroo

رأيي طبعاً نشوف الحرفيين
من فضل الله ان الخبطة ولا ميكانيكا ولا كهرباء
يبقى كدة نشوف أحسن سمكري كويس في الحرفيين

معاك حق

**د.محمد الشيخ** · 13-04-2009 12:47 AM

المشاركة الأصلية كتبت بواسطة momenhamdy

طبعاً يا باشا حضرتك عندك قطع الغيار لوحدها تقريباً 7041 جم
و حضرتك حتضيف ال 10 % 704 جم من غير مصنعيات

والمصنعيه 2920 جم و بالضريبه حتكون 292 جم

طبعاً و دي وجه نظري الشخصيه الاسعار كتييييييييييييير جداً و خصوصاً ان حضرتك مش مأمن علي العربيه وطبعاً الاسعار شئ مبالغ فيه

فياريت حضرتك تنزل الحرفين وانا متأكد انك حتلاقي طلبك و اقل من كدا بس المهم الشغل يكون عند حد محترف زي ما قولت لحضرتك قبل كدا
بس ياريت برده تعرف التكلفه اد ايه قبل الشغل

وربنا معاك و ان شاء الله خير

وتقبل تحياتي

الف شكر ولو حد يدلنا على سمكرى خبرة وثقة يبقى كتر خيره

**momenhamdy** · 13-04-2009 12:50 AM

المشاركة الأصلية كتبت بواسطة dr_druggist

الف شكر ولو حد يدلنا على سمكرى خبرة وثقة يبقى كتر خيره

و الله يا باشا للاسف انا في اسكندرية و معنديش اي فكره عن الحرفين في القاهره و ياريت كنت اقدر اعمل اي خدمه لحضرتك

بس ان شاء الله الاخوه يساعدوك و ان شاء الله العربية ترجع زي الاول

**د.محمد الشيخ** · 13-04-2009 12:55 AM

المشاركة الأصلية كتبت بواسطة أبو عبدالله

أخي الكريم الأمر بيرجعلك في الأول والأخر
في واحد متفرقشي معاه فلوس في سبيل العربيه ترجع زي ما كانت وده شعور فقط الى حد كبير
وفي واحد متفرقشي معاه لأن العربيه كده كده ده شئ طبيعي في مصر ولا قدر الله ممكن تحصل تاني يعني
فمالهاش لازمة المصاريف دي كلها على العربيه

انا رايي الشخصي بس اكيد حسب الوضع اللي فيه العربيه
طبعا انا مش هعلق على مصنعيات التوكيل
لأن بصراحه ده شئ معروف في اي توكيل
واي واحد بيتخيل ان التوكيل ممكن يخلي اسعاره متقاربه للصنايعيه بره التوكيل
يبقى بيفكر في شئ صعب جدا جدا ومش عاوز اقول مستحيل ولكن ده الواقع
لأن التوكيل بيعتبر نفسه حاجه زي اللي صنع العربيه بنفسه
والتوكيلات بتعمل لنفسها مكانه معينة علشان يفضل في شعور غالب الناس اللي مالهومشي في الكلام ده
ان التوكيل ده شئ مميز
وللأسف ده بيبقى بسبب اعتقادنا دائما في بلدنا ان الغالي ثمنه فيه
ولكن صحيح في كثير من الأحوال الغالي بيبقى ثمنه فيه
ولكن كله اصبح بيدخل في كله وصعب على اللي مش عارف انه يفرق
وهيا دي مشكلتنا

يعني على سبيل المثال
الدهان ممكن تسمع اسعار بره التوكيل وهم وببلاش
ولكن مثلا انا واحد من الناس اللي اتحدى اي حد يطلع لون العربيه بره التوكيل صح
انا جربت كتير
وغالي كمان بره التوكيل
وللأسف محدش بيطلع اللون صح ولما جربت التوكيل طلع مظبوط بالظبط

يعني القصد ان فيه حاجات وحاجات
وما عليك انت الا انك تنقي الكويس من هنا والكويس من هنا

المهم
انا رايي تشوف سمكري كويس بره التوكيل
والحاجه اللي انت عاوز تغيرها هتشتريها من التوكيل او من خارج التوكيل زي ما تلاقي يعني

لأن الموضوع هيفرق في النهاية في ثمن المصنعيات اكيد طبعا
ثانيا ان ممكن تكون الشنطة او الكبوت ممكن يتسمكروا كويس ويشتغلوا
الا هو انت ليه بتغير الأتنين

ولو ممكن تصور العربيه يبقى افضل

يعني أظن ان العملية ممكن تبقى 3 الاف جنيه فقط بزيادة او نقص

بس ياريت لو تصور العربيه علشان نقدر نفيدك اكتر

معاك حق فى كل كلمة ابوعبدالله والاجتهاد فى الحصول على نفس الخدمة او السلعة ذات نفس الجودة بسعر اقل اراه من الواجب خاصة فى مثل هذه الايام الصعبة على الاقل عشان ربنا يبارك لان اسعار التوكيل دى عايزة واحد اما يكون وارث ومتعبش فى الفلوس او انه يكون بيكسب من الهوا او اخيرا انه يكون حرامى ! لا سمح الله .

على فكرة انا منزل صور فى اول مشاركة
والف شكر على الاهتمام

-

الموضوع: عملت حادثة بالسيريون_(لما الطريق يقف اوعى تقف!!)_والحمد لله .

LinkBack

أدوات الموضوع

عرض

-

-

-

-

-

-

-

المواضيع المتشابهه

تقول ايه لما تشوف حادثة على الطريق

عملت حادثة على الطريق الزراعى باللوجان ارجو الافادة

اوعى وشك . الحمد لله عملت التكييف

اوعى النار - اخيرا عملت التكييف

حادثة بايخة على الطريق!

الكلمات الدلالية لهذا الموضوع

المفضلات

المفضلات

ضوابط المشاركة