الموضوع: عملت حادثة بالسيريون_(لما الطريق يقف اوعى تقف!!)_والحمد لله .

المشاركة الأصلية كتبت بواسطة معاذ الشرباصى

دلوقتى حضرتك اول حاجة لازم تحاول فيها انك ترد الشنطة دى على البارد ... و بكده مش هتخش فى متاهات شراء حاجة جديدة او استيراد

لو السمكرى قالك متنفعش ... يبقى عندك حل من اتنين:

تعملها فى التوكيل ... او تشترى باب شنطة استيراد

انا النهارده كت فى الحرفيين,سألت على باب الشنطة عند ا/احمد كمال اللى ميدو قال عليه, لكن للاسف الباب اتباع

ممكن حضرتك تسأل عند المحل ده, كان عنده باب شنطة سريون فضى: 0101918380

هو الميزة انه بالزجاج الاصلى, لكن العيب انه لونه فضى

و لو حضرتك احتاجت تعملها فى التوكيل .. ساعتها برضه ربنا يسهل و نشوف ممكن نكلم معاهم.

الف الف شكر د.معاذ وربنا يباركلك ونردهالك فى ظروف احسن باذن الله .

المشاركة الأصلية كتبت بواسطة mashaly

حرام والله الغلو المبالغ فيه في قطع الغيار دا منهم لله
زجاج خلفي ب1450
لو ليك حد في الخليج ممكن يبعتهولك هناك اكيد ببلاش وممكن بالشنطه كمان
لو مستبعد الموضوع يبقى كلام الاخ الكريم احسن حل
الخبطه اللي في الشنطه هي من تحت بس شايف انها ممكن تتعمل عند سمكري كويس او التوكيل ومش شرط على البارد طول ما العربية بتاعتك مش بتفكر في بيعها
او تشوف الفرق لو هتسمكرها وبين سعرها استيراد لو الفرق بسيط يبقى استراد بس نفس اللون
والكبوت برده نفس القصة تشوف السعر لو هيتسمكر وسعره استيراد
لان اسعار التوكيل اكيد هتكون خياليه
والحمدلله انها في الحديد
اهم حاجه سلامتك وسلامة الاسرة
العربية ماشاء الله عضمها ناشف
ربنا يسهلك الامور بأقل الخسائر

الله يسلمك والف شكر على النصيحة وربنا يبعد عنك وعننا اى مكروه يارب

الاخوة الاعزاء
انا متوجه الان للتوكيل لعمل معاينة وتقييم للتكلفة وعلى اساسه حبدأ احدد اى اتجاه ممكن امشى فيه مقارنة بتكلفة التوكيل .
وسوف اخبركم بنتيجة الزيارة باذن الله .
لا اراكم الله اى مكروه من قريب او بعيد

لا حول ولا قوة إلا بالله

معلش يا أخي.....ربنا إن شاء الله يأجرك في مصيبتك ويخلف لك خيراً منها

قدر الله ما شاء فعل......الحمد لله على سلامة إبنك أهم حاجة

قدر الله وماشاء فعل
ربنا يعوض عليك
وربنا يحفظك وابنك والاسرة يا رب من كل شر

اليكم نتيجة زيارة التوكيل اليوم :

وصلت فى المعاد قابلت المهندس الشيك والمهذب جدا تامر اللى كنت كلمته وانا فى عز الحادثة اخد منه فكرة عن التكلفة وقالى المعاينة مع المهندس مصطفى مدير الاستقبال .
بعد نصف ساعة تقريبا وصل المهندس مصطفى ( وهو رجل ذوق جدا مثل باقى المهندسين ...والله يا جماعة احلى حاجة فى التوكيل ذوق المهندسين ) المهم عمل معايا معاينة وعملى مقايسة للتكلفةاليكم التفاصيل :

قطع الغيار :

1586 شنطة
400 طقم علامات شنطة
651 اكصدام خلفى
860 كبود
789*2 كشاف امامى
260 علامة كبود
( ) كلبسات حسب الحاجة
1250 زجاج شنطة
270 سيليكون زجاج
186 زراع مساحة خلفية

المصنعيات :

150 اعمال فك وتركيب
150 اعمال كهرباء
540 تركيب شنطة وكبود وسمكرة رفرف خلفى
1800 اعمال دهان
100 اعمال سروجى
180 فك وتركيب زجاج الشنطة

طبعا ده غير ال 10 % ضريبة المبيعات

ملاحظة:
تغيير القطع التالية اختيارى :

-طقم العلامات امامى وخلفى
-اكصدام خلفى
-كشافات امامية

ولا تعليق على المقايسة



قلتلكم قبل كده ان لمبة الانذار باظت منذ اخر زيارة المهم المهندس مصطفى رغم زحمة الشغل جدا النهاردة عندهم الا انه دخل العربية تحت اشراف المهندس تامر و كان فيوز واتظبط والحمد لله .
وطلبت من المهندس تامر انهم ينظفوا العربية من الزجاج المكسر فى الشنطة وعلى الكنبة وبرده رغم انشغالهم عملوا الللازم الحقيقة ويشكروا اوى .

المهندس مصطفى قالى ان المركز غير مجهز للقيام باعمال سمكرة كبيرة زى الحرفيين مثلا ولكن فقط بيعملوا الحاجات البسيطة جدا لزوم تقفيل الشغل واستنتجت من كلامه ومن المقايسة انهم كمركز صيانة اى تلف فى اى قطعة غيار معناها عندهم تغيير القطعة وليس علاجها ولكن القرار راجع الى العميل .

ايه رايكم يا جماعة الخير ؟

المشاركة الأصلية كتبت بواسطة dr_druggist

[COLOR=Navy][U]
ايه رايكم يا جماعة الخير ؟

رأيي طبعاً نشوف الحرفيين
من فضل الله ان الخبطة ولا ميكانيكا ولا كهرباء
يبقى كدة نشوف أحسن سمكري كويس في الحرفيين

طبعاً يا باشا حضرتك عندك قطع الغيار لوحدها تقريباً 7041 جم
و حضرتك حتضيف ال 10 % 704 جم من غير مصنعيات

والمصنعيه 2920 جم و بالضريبه حتكون 292 جم

طبعاً و دي وجه نظري الشخصيه الاسعار كتييييييييييييير جداً و خصوصاً ان حضرتك مش مأمن علي العربيه وطبعاً الاسعار شئ مبالغ فيه

فياريت حضرتك تنزل الحرفين وانا متأكد انك حتلاقي طلبك و اقل من كدا بس المهم الشغل يكون عند حد محترف زي ما قولت لحضرتك قبل كدا
بس ياريت برده تعرف التكلفه اد ايه قبل الشغل

وربنا معاك و ان شاء الله خير

وتقبل تحياتي