الموضوع: بمناسبة الصيف المولع , أخبار العزل الحراري للزجاج إيه ؟

ياريت يكون فى شفاف منه علشان المرور
ويكون سعره مهاود
وياترى الصين فين من الاستيكر ده

يانهار ابيض 6000 جنيه ليه
انا السنه اللى فاتت سألت عليه فى معرض أوتوماك كان ب 1200 جنيه عزل 40% تقريبا وأعلى حاجه كانت ب 2800 جنيه ال 70% وكان فى شفاف ومارضيتش اركبه
والله ياجماعه انتوا حطيتوا اديكم على الجرح
موضوع الفاميه ده انا شايف انه مهم جدا وخصوصا مه الجو الحار اللى احنا بنشوفه فى الصيف الواحد بيركن العربيه ساعه وبعدين يركب العربيه بعدها يلاقيها ناااااااااااااار ويشغل التكييف ساعه لحد ما يادوب تبتدى تحس بشويه هواء ساقع طبعا انسى ان العربيه تبقى بارده تماما من الداخل ده حلم
ده الحال فى القاهره او باقى المدن تخيلوا بقى ايه اللى بيحصل فى المدن الصحراويه انا كنت من يومين فى شمال سيناء ربنا ميوعدش حد أصل انا شغلى هيكون هناك وحسبى الله ونعم الوكيل المهم نزلت وحده صحيه وبالتحديد فى بئر العبد هناك عند أحد زملائى وقلت اقعد معاه يومين أشوف الجو عامل ايه قبل ماأستلم الشغل هناك طبعا مافيش حاجه اسمها ضل خالص شمس ماشاء الله انا تانى يوم باركب العربيه لقيتها نااااااااااااار طبعا فتحا ابواب العربيه كلها وشغلت التكييف على الأخر وسبت العربيه شغاله شويه قلب ما أركبها علشان اركبها القيها بارده شويه ... زى ماقلتلكم ده حلم ... والله انا روحت بيتنا بعد ساعه ونصف سفر وماشى على 140 تقريبا والعربيه يابانى والتكييف الجمد لله شغال كويس جدا وانا باشيك عليه أول كل صيف وفلتر التكييف انا لسه منضفه ... والعربيه يعنى ابتدت تبقى بارده شويه بس مش قوى ... بجد مافيش حل هناك غير الفاميه بس مش عارف هاعدى من الحملات اللى على الطريق هناك ازاى .....
اللى يغيظ بقى ان القانون بيقول الزجاج الحاجب للرؤيه طيب مش كل الفاميه حاجب للرؤيه وانا زمان قلت لضابط كده كانت العربيه مفيمه light black ودى درجه فاتحه جدا والعربيه واضحه من جوه خالص وكل حاجه فيها باينه .. قاللى كله فاميه والفاميه ممنوع
انا كنت فى السعوديه ولقيت هناك فاميه تايلاندى نسبه العزل بتاعه 40% والمتر كان ب 15 ريال تقريبا المهم اشتريت 4 متر ولسه لحد دلوقتى فى كرتونته خايف أركبه وتانى يوم اشيله
واللى انا مش فاهمه ماخلاص معظم العربيات بقت بتنزل مصر بزجاج ملون وبيدولها تصريح زى اللانسر ex والإلنترا والتريوس وال4*4 كله والفورد وعربيات كتيير
ايه المشكله لما باقى العربيات تاخد تصريح بكده بس يشترط درجات فاتحه ولو حتى برسوم
فى انجلترا يسمح بتركيب زجاج ملون نسبه التعتيم بتاعته لا تزيد عن 65% للزجاج الخلفى وباقى العربيه لا تزيد عن 60 %
كان زمان فى ناس كانت بتقول ان الواحد لو عرف يجيب شهاده طبيه من أحد المستشفيات الحكوميه أو الجامعيه بإنه مصاب بمرض جلدى يستلزم معه الوقايه من الشمس ويقدمها للمرو بياخد شهاده من المرور بتركيب زجاج ملون بس الموضوع ده كان من زمان حوالى 3 سنوات دلوقتى بيقولوا لازم قومسيون تابع لوزراه الداخليه وابقى قابلنى لو عديت منه
بس يمكن الأمور تتغير وخصوصا ان ال GPS كان ممنوع فى مصر وحاليا ابتدوا يدخلوا عربيات فيها GPS يمكن يحصل ده مع الفاميه
وسبحان مغير الأحوال وحسبى الله ونعم الوكيل

فرجو قريب
!!!!!!!!!!

إن شاء الله