بمناسبة الصيف المولع , أخبار العزل الحراري للزجاج إيه ؟

**2hmed_7osam** · 17-04-2009 01:03 AM

بأذن الله اول منزل السعودية هسألكم عليه
وان شاء الله هكون هناك بعد امتحانات الكلية على طول

**amir** · 17-04-2009 02:09 AM

المشاركة الأصلية كتبت بواسطة 2hmed_7osam

عيب جدا يا دكتور ان احنا كمصريين نقول كدا

الاخ العزيز احمد حسام
الكلام اللي هقوله ده مش عناد معاك او تقليل من شأنك

للاسف بلدنا بقت لا تطاق
لا وجود للامن ولا قانون ولا اي شيء
نصب و سرقه و غش و مصانع مواد غذائيه بتنتج حاجات ضاره و بتتداول عادي في الاسواق و بيروقراطيه و فساد ذمم و تخلف التعليم و الابحاث و غيره و غيره
و الحاجات دي و اكتر كمان موجوده فعلا و انتشرت بطريقه مرعبه
تفتكر ان انا مش نفسي يجي اليوم اللي افتخر اني مصري؟!
لكن مينفعش اني اتعصب لوطني تعصب اعمي و اقول فيه اناشيد و هو غير كده
و علشان نعالج اي مشكله بالاساس يجب الاعتراف بيها
ولا تحب اني اقول ان مصر حضاره السبعه الاف سنه و نفرح كلنا بالكلام ده و وضعنا الحالي متدني و نعيش الاوهام؟!!
انا شفت اخر مشاركه ليك انك هتسافر السعوديه بعد فتره
انا كنت عايش هناك فتره مش صغيره
و لو دي اول مره ليك هناك هترجع و تحس بنفسك بالخجل و الخزي من وضع بلدنا بالمقارنه مع البلاد التانيه
نفسي و الله البلد حالها ينصلح و نبقي اعظم شعوب العالم لكن مفيش اي حد بياخد بأسباب التقدم و الرقي بل بالعكس الناس بتاخد تفاهات و قشور الحضاره عن الشعوب التانيه و تفرح بيها قوي
ابسط الامثله الافلام اللي اتعملت في الفتره الاخيره
شوف كده ايه القيم اللي بتنشرها بين المجتمع؟
خمور مخدرات زنا و سرقه و بلطجه
تفتكر ده اسلوب شعب بيحاول يرتقي بنفسه؟
يا بو حميد انا احتكيت بالسواد الاعظم من شعبنا المصري في خلال فتره الامتياز و الجيش
السواد الاعظم من بلدنا مش انا و انت
دول ناس تانيه بينا و بينهم حواجز كتير من الخرافات و الجهل و الكذب و صفات تانيه كتير للأسف مش صفات تشرف
و علشان كده كمان سمعتنا كمصريين سابقانا في دول الاخوه العرب زي السعوديه مثلا
المصري كذاب حرامي فهلوي
المصري ملوش كرامه و الفلوس الدافع الوحيد ليه
تفتكر هل ده فعلا صفات المصريين كلهم؟
اكيد طبعا لأ
لكن في ناس كتير مننا عملو و بيعملو كده دون اي وازع ديني او اخلاقي و فاكرينها شطاره و فهلوه
فلما اجي اعترف و اقر بالواقع يبقي مش عيب عليا او اي حاجه بالعكس دي اول خطوه في طريق الاصلاح اننا نعترف بعيوبنا و مننكرهاش
ولا ايه؟

**amir** · 17-04-2009 04:57 AM

المشاركة الأصلية كتبت بواسطة amir

لقد خالفت القاعدة رقم 9 والقاعدة رقم 12 لذا حصلت على تحذير "كعقوبة مخففة"، كما تم تغيير بعض الألفاظ الحادة بمشاركتك، يرجى التدقيق في اختيار الالفاظ المناسبة.

(إ.م.2)

طيب شكرا علي تخفيف العقوبه و اسف علي مخالفه القواعد

**pharonicking** · 11-05-2009 03:41 PM

[QUOTE=2hmed_7osam;793453][COLOR="Purple"]يبقا الحل نقعد نشتم ف بلدنا
الشتيمة هيا اللي هتحل المشاكل ؟؟؟

وعمر مكان للأصلاح خطوات بالطريقة دي
نعترف بعيوبنا اه ومننكرهاش اه
وكل واحد يبدأ من نفسه وميقولش لأ مش هبقا كويس غير لما الناس تبقا هيا اللي كويسة

لاكن الي حضرتك قلته مكنش اعتراف بالعيوب
كان اهانة لبلدنا الحبيبه

وعلى فكرة انا مش اول مرة اروح السعودية
انا مولود هناك اصلا
وعمري محس بالخجل لما اقعد هناك واجي هنا
لاكن احيانا بصاب بخيبه امل من تصرفات كتير غلط
ودايما بتمنى واقول يارب نتقدم ونبقا احسن واحسن
ومش موضوع اناشيد واتكلم عن الحضارة الي من 7000 سنة

دا مجرد حب وانتماء لوطني مش اكتر[

مية مية

**M.almaghraby** · 20-05-2009 06:03 PM

يا جماعة ال v-kool التايواني فييييين و بكام؟

**abou_ruqi** · 20-05-2009 08:07 PM

المشاركة الأصلية كتبت بواسطة drguevara

يا جماعة ال v-kool التايواني فييييين و بكام؟

ما انا كاتب فين وكاتب بكام !!
حضرتك إقرا الموضوع

**theking_y** · 20-05-2009 08:30 PM

المشاركة الأصلية كتبت بواسطة 2hmed_7osam

ودايما بتمنى واقول يارب نتقدم ونبقا احسن واحسن
ومش موضوع اناشيد واتكلم عن الحضارة الي من 7000 سنة

دا مجرد حب وانتماء لوطني مش اكتر

تحيا جمهورية مصر العربية

**tananybasha** · 20-05-2009 10:17 PM

طيب حد سمع عن الأسبراى واحد صحبى رشه فى توكيل تويوتا بس مارشش الأزاز اللى ورا عشان العلبة فضيت و ركب ستارة لغاية ما يروح التوكيل تانى و هو عزل حرارى 70% صناعة يابانية و شفاف و عليه ضمان 3 سنين انه ما يتخدش - الحوار ده صح - مع العلم ان عربيته سوداء و تركبها فى عز الحر و الشمس كأنها واقفة فى الضل و مقفول عليها فى جراج