الموضوع: بمناسبة الصيف المولع , أخبار العزل الحراري للزجاج إيه ؟

المشاركة الأصلية كتبت بواسطة abou_ruqi

يمكن في مننا يعرف الفي كوول v-kool

وده عبارة عن فيلم شفاف (استيكر) بيتلزق على زجاج العربية بيمنع وصول معظم حرارة الشمس إلى الصالون وبيمنع كل الأشعة فوق البنفسجية
وده بيخلي الجو جوه العربية بارد حتى لو ركنتها في الشمس طول النهار وكمان بيحافظلك على خامات الصالون , بصراحة فوايده عظيمة

إنما سعره بقه اللي يخلي قرار تركيبه مستحيل , زمان (من سنة) كان بيتكلف من 1500 إلى 2500 جنيه و كان الإقبال عليه ضعيف جداً
إنما كنت لسه في الشركة (بريدجستون) من كام يوم بسأل علشان أركب في عربيتي قبل الصيف لقيت الدرجات الشفافة (أنا ما سألتش عن الفيمية علشان مكنتش ناوي أركبه) هما درجتي
60 % وده حيتكلف 4500 جنيه !
و 70 % وده حيتكلف 6000 جنيه !!!!!!

بسأله : خير إن شاء الله ؟ ليه يعني ؟
قالي اصل الخامة بقت غالية والجمارك عليها برضه بقيت غالية قوي !
قالتله لا ربنا يوفقكم أنا كده كويس قوي ومالها الشمس يعني هو حد لاقيها
دا انا اركبت تكييف اسبلت 4 حصان ساقع وسخن واحط الكمبروسور فوق السقف ارخصلي !!!
وكمان المنتج اميريكياني واحنا في مقاطعة دلوقتي

المهم قعدت اعس لحد ما سمعت إن في واحد بيبع منتج بديل تايواني بـ 50 جنيه المتر (يعني تغرق العربية بـ 250 جنيه !)

رحت عليه وسألت لقيت المتر بـ 75 وتركيبه بـ 75 وأنا عربيتي تاخد 4 متر يعني العملية كلها بـ 600 قبل الفصال !!

شوفت الخامة لقيتها شبه قوي بتاعة في كوول بس لسه مجربتهاش على مصدر حراري (علشان أشوف بتنفذ منها الحرارة وألا لا)
الجميل بقه إنها 75% يعني أقوى من الفي كوول بس في مشكلة !

الاستيكر مش شفاف 100% فيه درجة فيميه يعني حيغمق الزجاج شوية (صغيرين مش اسود يعني ) فمش عارف أركبه و حيعدي و ألا اللجان و الكماين حيعملوني لعبتهم ؟
وهل حيعدي في الفحص السنة الجاية ؟؟


شوروا عليا يا أخواني , البتاع ده بصراحة طالع من عيني في اتنين صحابي مركبينه في عز الصيف تحس إنك مش محتاج تولع التكييف , ده غير إن أول ما تولع التكيف تبقى العربية تلاجة

أعمله وألا لا ؟؟؟

انا كنت السنة اللى فاتت عايز أركب فى-كول و عملت شوية بحث على النت وخصوصا فى منتديات الخليج
وكانت النتيجة ان بعض بدائل الفى-كول مضرة و بتسبب صداع عشان فيه أشعة معينة بتجمعها
والفى كول هو أحسن منتج لموضوع العزل الحرارى

انا اسف جدا لصاحب الموضوع ماخدش بالي

فين الأسبرى ده وبكام وياريت لو حد عنده معلومات عنه