الموضوع: العلاقة الطردية بين تشغيل التكيف و ضعف الفرامل؟

المشاركة الأصلية كتبت بواسطة sab3aawy

يا شباب، التكييف له علاقة بالفرامل

كلام غريب جدا مش كدة.

التكييف بيحط حمل على المحرك فتكون النتيجة ان المحرك لو داير سلانسيه سرعة السلانسيه بتاعته تقل ، تقوم وحدة وحدة الكونترول بتاعة المحرك ECU تفتح بلف الأيدل idle vale زيادة وتدى بنزين زيادة من الرشاشات علشان تعوض حمل التكييف وتعود سرعة السلانسية الى وضعها الطبيعى ، فيما معناه ان الفاكيوم (للضغط السالب) الموجود فى منطقة دخول الهواء والبنزين قل عن وضعه الطبيعى، ليه قل؟ لأننا وسعنا فتحة بلف دخول الهواء فى حين ان المكابس اللى بتشفط شغالة بنفس السرعة(السلانسيه) وبالتالى فان الاختناق فى منطقة دخول الهواء قل ، وطبعا يعلم الكثير منا ان الطاقة التى تعمل عليها الفرامل هى طاقة الناشئة عن فرق الضغط بين منطقة المانيفول المخلخلة وبين الضغط الجوى، وبالتالى فانه عندما تقل الخلخلة نتيجة للسماح بكمية اكبر من الهواء للدخول الى فراغ المانيفولد لتعويض حمل التكيف فان ذلك يقلل من كمية الطاقة المتاحة لسيرفو الفرامل
طبيعى اننا لما بندوس فرامل بنشيل رجنا من على البنزين وبالتالى فان تحكم الموتور فى هذة الحالة بكون فى مود الأيدل ، فيما معناه ان تشغيل التكييف هيؤثر على اداء الفرامل كما اوضحنا اعلاه، لذلك من النصائح المفيدة فى هذا الصدد عدم استعمال الدبرياج او فك الغيار مع الفرملة سوى فى اللحظة الأخيرة حتى نستفيد بمسألة فرملة المحركengine brake مع الاستفادة فى الفرملة بالفاكيوم الذى تحدثه سرعة دوران البساتم نتجية لجر المحرك بواسطة العجلات فى تشغيل الفرامل (طبعا فان هذا غير متاح للسيارات الأوتوماتيكية )

أوافق المهندس سبعاوى الرأى تماماً بس طبعا مش لدرجة إن الفرامل ما تمسكش خالص لازم تكون الفرامل موجودة وإن كانت ضعيفة ، بس على كلامك إنها مش بتمسك نهائى لذا أعتقد أنه يوجد مشكلة فى نظام الفرامل لديك