الموضوع: عايز ملاك الجين تو يساعدوني في الاختيار

السلام عليكم يا باشمهندس و أحلى سلام و تحية .

أنت كلامك في المداخلة الأولى كان واضح

أرسل أصلا بواسطة Ahmed20_08nubira
ياباشا انت معاك عربية محترمة...لو حضرتك عايز تغير من النيسان..غير ليبانى او المانى..لكن سورى يعنى..متنزلش لتحت
الواحد بيتقدم مش بيرجع..مع احترامى لجين 2 والبنتو

يعني اللي فهمته من الكلام ده
أن فيات .......... و بروتون
أقل من نيسان
طيب سيب بروتون على جنب علشان محدش هايعرف قيمة عربياتها إلا الناس اللي ركبتها .
خلينا في فيات .
و أن اليابان أو المانيا هما قمة صناعة العربيات و الباقي واغش ..........
ده اللي فمهته من الكلام لأنك موضحتش أنك بتتكلم عن سعة المواتير .

بس لو تلاحظ أن الدكتور أمير بيفاضل بين سيارة قوية .......... و توفير البنزين و الراجل قايل كدا في كلامه في الأول خالص .

و طبقا للمداخلة الأولى الخاصة بحضرتك
يبقى مينفعش يشتري إلا ياباني تاني أو ألماني بس !!!!

و لكن مفيش أي مشكلة ........ الحوار مع حضرتك لذيذ و بيبين حاجات للدكتور أمير ممكن تكون مجهولة بالنسبة له .
و أنا وضحت فوق خالص أن البونتو مش عربية كبيرة و العربية فيها موتور صغير 1245 سم مكعب .
بس على فكرة معلومة اضافية علشان تبقى عارف قدر البونتو بس .
البونتو فيه منها مواتير كتير
اللي بييجي مصر اللي هو 1245 سم مكعب .

و فيه مواتير 1800 و مواتير توربو ...... و بتتباع في أوروبا وجها لوجة للجولف .
و في فترة التسعينيات ....... كانت مستحوذة على أعلى نسبة مبيعات و فازت بجوائز كثيرة ... منها أفضل هاتش باك عام 1994 تقريبا .... و بعدين جايزة تاني عن أفضل مبيعات لهاتش باك في السوق الأوروبي بس مش عارف سنة كام .
إنما البونتو دي هي البيضة الذهب لفيات و لولاها ...لأعلنت الشركة إفلاسها بسبب قلة مبيعات بقية الموديلات ......... و البونتو أنقذت الموقف لفيات .

زي نيسان بالظبط من كام سنة لما كانت متعثرة ماليا و كانت هاتعلن إفلاسها ....... و جاء كارلوس غصن و عمل اتحاد مع رينو ......... ووقف الشركة على رجلها تاني ....

عموما الدكتور أمير كان بيسأل عن توفير البنزين و أعتقد أن النيسان صني ملهاش في الموضوع ده خالص .
مش بعيب فيها ......... لأن بحبها جدا .
و لكن كل الأعضاء ......... 100 % من الناس اللي معاها نيسان صني قال أنها مش بتوفر بنزين .

أما الجين 2 ......... بأختصار ....... لا أجدها أقل من النيسان صني .......... بل على العكس
العربية دي ........... تتقفل زي الكتاب ما بيقول
و بجد ............ أوعى وشك .
لأن ثبات محترم .......... سحب ممتاز ........ قوة تحمل ......... مش دي مواصفات العربيات الألماني ؟؟

هي بس عيبها الوحيد ........ التقفيل فقط لا غير .
و أنا شايف أن التقفيل أغلبه حاجات بسيطة و مش مشكلة خالص ........ أمام كل المزايا اللي في العربية و ثمنها .......... و شكلها و قوة تحملها و كماليتها و ثباتها .


أنا آسف أني أتكلمت كتير .
بس أنا قلت نتكلم تاني عن تفاصيل تانية يمكن تكون مفيدة للدكتور أمير في حسم الأمر .

و تحياتي للجميع و لك يا باشمهندس أحمد
و ربنا يديم المحبة و المعروف ما بين الأعضاء .

المشاركة الأصلية كتبت بواسطة Ahmed20_08nubira

تمام يا استاذ توت ...بس انا بتكلم فى نقطة انو معاة عربية قوية...وعايز يجيب بونتو..اقل قوة واقل سحب وقوة تحمل..شخصيا انا بحب لو غيرت اجيب فكتر مثلا او اوكتافيا..مش هجيب بونتو او ياريس..(شخصيا)

وهو اعتقد انو هيجيب ال 1300 سى سى لانها الوحيدة اللى ف مصر ...بالنسبة ل 1800 والحجات دى احنا ملناشش فيها..انا بتكلم على اللى فى البلد

بالنسبة للجين طبعا قوية و 1600 وتمام وموتورها كويس طبعا وثباتها رائع ولكن العربيات الملايزى انا عن نفسى مش بحبها لانى معرفهاش..وانا مبحبش الحاجة اللى معرفهاش..
بالنسبة لنقطة انها تمتلك مواصفات العربيات الالمانى ..بالنسبة للتقفيل معتقدش..بالنسبة لنظام ال abs اككيد مثلا مش زى ال فكترا 2009 او الاسترا..والعفشة نفس الكلام...+ العمر الافتراضى للمحرك او العربية ككل

الجين 2 عربية كويسة فى الامكانيات بالنسبة لسعرها بدليل انها منتشرة انتشار كويس وعز العرب عامل شغل جامد..

وشكرا للرد يا استاذ تتوت

وشكرا على ردك...

يا باشا العفو ...

ما هي العربيات الماليزي مجهولة لناس كتير علشان لسة جديدة في السوق المصري و الناس هنا عندها عقدة الياباني و يليه الألماني .
الكوري أول ما نزل مصر أتقال عليه كلام مش ظريف ......... إنما كوريا أثبتت نفسها و عربياتهم مغرقة المحروسة و حضرتك عندك واحدة منهم .
تعالى تخيل الموقف معايا سنة 1995
و قالولك هات نوبيرا كوري ... مثلا .
كنت هاتقول نفس الكلام اللي قلته على الماليزي .
أنا معرفوش ........ و خليني في اللي أعرفه أحسن .
نفس المنطق ........ و نفس الموقف .

على فكرة ........ بروتون عموما ........ بتعمل عربيات مع لوتس ........ و بتطور حاجات للوتس ....... يعني بقى زيتهم في دقيقهم .......... و أتعلموا كتير من لوتس و أخدوا خبرة جامدة .........و طبعا الخبرة دي هاتتنقل في جودة العربيات بتاعتهم و العمر الافتراضي و التشغيلي للعربيات دي .
خصوصا أنهم بيدوا ضمان طويل الآجل في أوروبا زي 6 سنين مثلا و 10 سنين على المحرك و صندوق السرعات .

و ده دليل على ثقتهم في المنتج بتاعهم برضه .
عموما ....... بروتون جديدة في مصر و ده طبيعي أن الجديد المجهول الناس بتكون متعرفش عنه حاجة .

على فكرة ....... الشرطة في أنجلترا بتستخدم عربيات بروتون في الدوريات و الخدمة العامة .......
و ده دليل تاني على قوة التحمل ...... و العمر الطويل
لأن هناك الأختيار مش بيتم بعشوائية زي هنا

سيارات الشرطة البريطانية لا تخرج عن سيارات قوية التحمل زي
فولفو و و العربيات الكبيرة من فورد و ماركة أوبل المسماه في أنجلترا فوكسهول
و بروتون أنضمت ليهم من كام سنة في صورة السيارة واجا اللي أسمها هناك أمبيان .
و دي صورة ليها


مع خالص تحياتي

المشاركة الأصلية كتبت بواسطة Ahmed20_08nubira

انت عارف بقا يا استاذ توت الواحد بيجيب الفلوس بالعافية ...وبيخاف من الهواء الطاير...

ربنا يسطرها علينا وعلى عربيتنا يارب

كلام مظبوط و لا أحد يستطيع يلومك أو يلوم أي عضو أخر عليه .

و ربنا يسترها علينا و يستر طريقك يا بامشهندس ......
تحياتي لك

المشاركة الأصلية كتبت بواسطة jisso82

+100000000000000000000000000000
بجد يا توت أنا بقيت مدمن اقرى ردودك ماشاء الله ربنا يباركلنا فيك و يخليك لينا و عايزك تعرف إنى كل ماحد يشتكى شوية من البروتون و يشككنى أرجع آخد جرعة من كلامك أو حتى الرسايل الخاصة اللى استفسرت فيها على حاجات منك و برتاح عليها علطووووول و تجدد رغبتى فى امتلاك العربية بجد بجد بجد شكرا ليك

يا باشا ربنا يكرمك ....... ده من ذوقك طبعا و الحمد لله أن ردودي بتعجب حضرتك
و إن شاء الله تكون عضو مميز معانا في نادي بروتون .... و إن شاء الله تشتريها على خير و تعجبك و تكون عند حُسن ظنك .

المشاركة الأصلية كتبت بواسطة ahmedfathy77

استاذ و رءيس قسم و الله يا استاذ توت ربنا ما يحرمناش من مشاركاتك اللي كلها تجارب و خبرات
مفيده للگل

الله يكرمك يا أستاذ أحمد و شكرا على الكلام الجميل ده ...
و الواحد بيحاول على أد ما يقدر ينقل تجربته للناس علشان تستفيد إن شاء الله
مع تحياتي الخالصة

المشاركة الأصلية كتبت بواسطة amir

شكرا لجميع الاعضاء علي الاراء و المناقشه كمان
و ربنا يقدم اللي فيه الخير

العفو يا دكتور أمير و إن شاء الله تتخذ القرار الصواب .........