مادام حضرتك مقتنع ان الي بيركب الماني يبقى باشا يبقى مافيش داعي للمقارنة اصلا لان ده بيبقى احساس داخلي حتى لو ركبت تويوتا كامري او هوندا اكورد او نيسان التيما هتقول برضو نفس الكلام يبقى ماينفعش نقارن.
بالمناسبة الموتور الخليجي اقل من الجنوب افريقي في عدد الأحصنة مش اعلى زي ما حضرتك فاكر ,,, الخامات الأتنين ممتازين لكن انا بقول الخليجي احسن في كذا عشان بدي حرية اختيار للمشتري الي بيسأل لو عايز حاجة معينة مخصوص انو هيلاقيها في الخليجي لكن في الحالتين الكورولا افضل من الناحية الإقتصادية 1000 مرة واكيد حضرتك عارف ليه.
انت مستعد تخسر في العربية بعد استمتاعك غيرك مش مستعد فا انا بقول الي معاه ومش فارقه معاه يجيب الي هو عايزو من غير سؤال والي مهتم بالمصاريف يجيب كورولا.
النقطة المهمة ان احنا تقريبا في مصر من آخر الشعوب الي لسه بتؤمن بحاجة اسمها بلد الصنع رغم ان في الحقيقة 90 من الشركات دي كلها متعددة الجنسيات والي بيحدد هو الشركة وادارتها وتصنيعها واهتمامها بالمشتري بعد البيع مش انها الماني ولا فرنسي ولا ايطالي لان العربيات مش حاجة بتتزرع عشان يبقى ليها بلد معين يعني دلوقتي فيه اللكزس والإنفينيتي والأكورا والكوري كمان في منو عربيات فخمة.
سعر الفيكترا اعلى من الكورولا رغم ان مبيعاتها اقل ده مش عشان هي احسن من الكورولا ده بيعود لتكلفة الإنتاج أولا وثانياً وكيل الشركة في مصر وهقولك ازاي:
لو هوندا مثلا فاتحة مصنعين واحد في اليابان وواحد في الهند تفتكر الإتنين هيطلعو بنفس السعر ؟! لا طبعا لان الايدي العاملة هنا اجرتها وتكاليفها غير هنا والي هتطلع من اليابان اغلى طبعا,, وبالنسبة للوكيل فا عربية زي الأوكتافيا الي بنقارنها بالكورولا اعلى فئة فيها ارخص من الكورولا الي مافيهاش فاتحة سقف في الإمارات فا مش مقياس ان العربية تكون أغلى شوف سعرها في بلد المنشأ هو الي يحدد.
بالنسبة بقى للصاج ورق الكرتون المقوي انا مش عارف ارد اقولك ايه لانو كلام ينرفز وانا عايز افضل هادي بس لازم اقولك ان الكرتون ده هيجيب فلوس لما يتباع قد الي حضرتك فاكرو دهب مرتين بعد 10 سنين وشكراً
المفضلات