الموضوع: ::: البولونيز المظلومة :::

انا اعشق البونوليز

المشاركة الأصلية كتبت بواسطة emptty

السلام عليكم ودى اول مشاركة ليا فى المنتدى هنا وبصراحة الموضوع دة جة بالصدفة البحتة
انا طوول عمرى وانا حاسس ان البولونيز دى الناس مش مقدرة قيمتها وكنت كل ما اقول كدة لاصحابى كانو بيتريئو عليا لغاية النهاردة كنت بالصدفة بدور فى المعارض عل عربية مستعملة فى رينج 11-12 ولاقيت نفسى محصور ودش يفهمنى غلط غى محصور دى بين 3 اختيارات ياما ال 28 ودى بستبعدها تماما ياما ال 127 ياما الريتمو القديمة او لادا المهم ملاقتش حاجة عجبتنى فكان معايا واحد صحبى قالى انت اخرتك حتجيب بولونيز كان بيتريق طبعا بس كبر الفكرة فى دماغى فقولت اعمل سيرش الاول على صورها فلاقيت صور تحفة بجد لما العربية دى تتظبط حتبقى مشكلة
فقولت اعمل سيرش عليها لاقيت الموضوع بتاعكو دة قعدت وقريتو كلو وفعلا بعد اللى قريتو دة انا ابقى غبى لو جبت عربية غيرها
المهم عشان مطولش عليكو انا ليا بس سؤالين
اولا هل حلاقى بولونيز فى الرينج اللى معايا دة 11-12 الف ولو موجود تبقى موديل كام ؟
ثانيا :هل ينفع اسقطلها موتور لانشيا 1600 او موتور ال 131 الاتنين كامة ولو ينفع حضطر اغير حاجات فى العربية كتير ولا لا ؟ ومعلش حتعبكو معايا هى قطع غيارها موجودة ولا حدوخ عليها ؟؟
واخيرا دى الصور الى خلتنى بجد افكر فى البولونيز وياريت تعتبرونى من النهاردة واحد منكم بولونيزاوى

هوة طبعا السعر دة صعب حبة يجيبلك عربية بولونيز نضيفة رئيي تصبر لحد متجمع كمان الفين تلاتة ومتستعجلش عشان تجيب حاجة معقولة عشان متزهقكش منها ومن كل العربيات ودي صور عربيتي متظبطة يمكن تحببك في البولونيز اكتر وتبقي عضو معانا ان شاء الله قريبا
http://www.nilemotors.net/Nile/96352-a.html

يا جماعه بصراحة أنا بحب العربية دى جدا بس أنا ليا كذا سؤال هو ليه العربية دى مش منتشرة فى مصر وليه بيغيروا دايما الموتور بتاعها وهل فعلا الموتور بتاعها ضعيف على العربية

الصور جميلة بس لو فى حد عنده صور تانية اكثر يبعتها

المشاركة الأصلية كتبت بواسطة mobitic

أنا عملت كشف على العفشة عندى وغير جلب المقصات وبيض المقص ناحية واحدة فقط مع إضافة زيت لعلبة الدركسيون بعد ما اكتشفت انها مفيهاش نقطة زيت والغريب انها كانت ماشية (زى السكينة فى الحلاوة) على رأى اللمبى مع تشحيم أجزاء العفشة وبعدها عملت ظبط زوايا والتكلفة النهائية كانت حوالى 200 جنيه فقط !!!
بما فيها أجرة الميكانيكى اللى عمل الشغل ده ( أخد منى 50 جنيه فقط ) وعشرين ظبط زوايا.
النصيحة بقى بلاش تشحم البيض غيره لأن مهما كان الجديد أفضل. على فكرة عربيتى موديل 89 زى اللى معاك بصراحة ده رائيى وتجربتى المتواضعة ومش عارف رأى الخبراء إيه.
طلب بسيط من أخوك ياريت تاخد بالك من لفظ الجلالة بصورته الصحيحة.
وتقبل تحياتى

جزاك الله خيرا

بس انا عايز اسئل سؤال زيت علبة الدريكسيون هى فيها زيت باور وفين مكانه وياريت يكون فى صورة ليه يمكن موجود ومش واخد بالى منه عشان العربية بتاعت الحج وانا واخدها منه

ولكم جزيل الشكر