الموضوع: ::: البولونيز المظلومة :::

المشاركة الأصلية كتبت بواسطة asaeed

هل تعقل !!!!!
إزاي يكون موديل 1991 بـ 12000 جنيه وإيه إللي جابر البايع أن يبيع بهذا السعر، وبخسارة قدرها على الأقل 6000 جنيه ده إن ما كنش 8000 جنيه، أكيد ورقها مضروب أو رقم الشاسيه عليه مشكلة جامدة ولما تيجي تنقل ملكية هيبقى صعب، لأني سمعت موضوع بايخ حصل مع شخص لما جه يشتري عربية أغروه جداً بالسعر، ولما جه يرخص العربية في المرور باسمه والفني أخذ البصمة للشاسيه أكتشف أن العربية عبارة عن نصفين :b4_556:
فطبعاً الرجل جن جنونه في المرور ووقع من طوله فالضابط لما شاف الراجل هيحصله حاجة وحس أنه نتيجعة استغفال من بائع عرض عليهم عرضين حلوييييييييين:
إما أن يأخذوا العربية ويمشوا من غير شوشرة ويبقى كده خدمهم، أو أن يحتجز السيارة ويعمل بيها محضر اثبات حالة وسعتها العربية هتتحرز
فجري على الراجل إللي اشتراها منه وطبعاً إداله إللي في الكفاية من شتائم وعدم الضمير، فرد البائع عليه (أنا ماليش دعوه انا كنت ضحية زيي زيكم بالضبط... إلخ) المهم حاولو يرجعوها وطبعاً المشتري قال أنفد بجلدي وبأي مبلغ لو حتى هخسر أي جزء بس أطول من البائع أي حاجة، المهم من هنا لهنا أخذ الفلوس بتاعته بالتقسيط بعد ما خسر ما يقرب من 7000 جنيه

ربنا يسترها معنا لأن والله الغش بقى في كل حاجة دلوقتي، لدرجة أني لما أشتري منتج دلوقتي بأفتش فيه كويس جداً وأهم حاجة أوراقه تكون سليمة 100×100

المشاركة الأصلية كتبت بواسطة sobhysm

أكيد فيها حاجة السعر دة على الموديل دة مش طبيعى
ممكن 12000 دول يجيبو عربية موديل 87 ويكون فيها شوية شغل كمان

ما هو دا لب السؤال لان انا اعتقدت ان كون العربية في محافظة بينها وبين القاهرة ساعتين او تلاتة بيخلي سوق العربية محدود بالمحافظة اللي هيا فيها و بالتالي الطلب عليها مش زي لما تكون في القاهرة مثلا او حتى اسكندرية و مش معقول كل اسبوع حينزل بيها السوق في مدينة نصر يعني انا مثلا كسلت ان اروح اشوفها و طبقا لنظرية العرض و الطلب كل ما الطلب يقل السعر يقل والعكس بالعكس

المشاركة الأصلية كتبت بواسطة bolonez

السلام عليكم
أنا محمود لسة شارى بولونيز 89 حمراء منذ شهرين بصراحة على أراء الناس واضح إنها جميلة
بس أسمع إن عفشتها مبتستحملش هو دة صحيح ولا لاء فى تكة عندلف الدريكسيون جامد مش عارف من إية
لو عندك ميكانيكى أو عفشجى كويس قولى وأكون شاكر جدأ جدأ
أنا فى إنتظار الرد شكرأ

اولاً الف مبروك على العربيه و اعطاك الله خيرها و جنبك شرها...
بالنسبه لموضوع التكه هي في الصالون ولا من بره؟ عشان في صوت تكه بيطلع من الريشه بتاعه دراع الاشاره و انت بتلف الدركسيون على اساس لو انت فاتح الاشاره في جهه اخري تقفل...
و يا ريت توضيح اكتر عشان الاعضاء يقدروا يفيدوك اكتر...
يا رب اكون افدت