مشكلة الكيك داون

**sab3aawy** · 01-06-2009 06:11 PM

المشاركة الأصلية كتبت بواسطة samirayad

........يعنى ركل أو رفس دواسة البنزين على آخرها

سيبك بأة من اى حاجة، انى عجبتنى اوى حكاية الركل والرفس دى..هى ترجمة صحيحة 100% لكن ده لا يمنع انها استخرجت اعلى ضحكاتى من اعماق مصارينى

حقيقى اشكرك على انك اديتنى الفرصة دى للضحك(مع كامل اعترافى ان الترجمة دقيقة 100%)

**samirayad** · 01-06-2009 07:15 PM

المشاركة الأصلية كتبت بواسطة sab3aawy

سيبك بأة من اى حاجة، انى عجبتنى اوى حكاية الركل والرفس دى..هى ترجمة صحيحة 100% لكن ده لا يمنع انها استخرجت اعلى ضحكاتى من اعماق مصارينى

حقيقى اشكرك على انك اديتنى الفرصة دى للضحك(مع كامل اعترافى ان الترجمة دقيقة 100%)

هى فعلا معناها كده فى القاموس ( يركل أو يرفس ).........وهو الواحد مش بيرفس الدواسه (هههههههههههههههههههههههه� �ه ) علشان يخليها على الأرضيه .........أصل أخوك بيحب يغوص فى بحر النغم ( على رأى عمار الشريعى ) ههههههههههههههههههههههه

**أبو صلاح** · 01-06-2009 07:37 PM

والله طول عمرك رائع يا samirayad
اركل او ارفس

**pro_samir** · 01-06-2009 08:07 PM

والله العربية هيا اللى بترفص بعد الكيك داون

**samirayad** · 01-06-2009 08:24 PM

المشاركة الأصلية كتبت بواسطة أبو صلاح

والله طول عمرك رائع يا samirayad
اركل او ارفس

الله يخليك يا أبو صلاح.............

المشاركة الأصلية كتبت بواسطة pro_samir

والله العربية هيا اللى بترفص بعد الكيك داون

صدقت !!!!!!!!! ههههههههههههه

**samirayad** · 02-06-2009 07:52 AM

حقيقى اشكرك على انك اديتنى الفرصة دى للضحك

ياباشا ...دا الواحد سعبد جدا ...أن التعليق بتاعى ده كان السبب فى أدخال البهجه عليك ......لأننى فعلا بأعزك بجد ......لما أستشفيته من حسن الخلق ودماثتها عندك ولا أكن لك الا كل أخوه لما لمسته فيك من خصال رائعه ( أسلوب راقى _ خلق عال _ أنسان ذكى _ وغيره )

لكن ده لا يمنع انها استخرجت اعلى ضحكاتى من اعماق مصارينى

هههههههههههههه........مش بيقولوا ......ما ......الا ........بعد ..........وعمرها ماكانت موجوده عندى (بعد) دى والله ( لأن أخوك طول عمره نقى السريره ......مثلك تماما ) لأن أنا لاحظت كده برضه عندك ( أنك نقى السريره بجد بدون مجامله )

**Opelvectra** · 04-06-2009 11:40 AM

بيتهيقلي السحب دا ممكن يكون عيب فلتر هواء بوجيهات كدة ياعني شوف الحاجات البسيطة دية الاول علشان متفتحش فتحة علي نفسك في فلتر بنزين و كدة شوف الاول البوجيهات مظبوطة ولا نعمت و بص بردوا علي الفلتر نضفوا بكمبروسور هوا و شوف السحب تاني دا بالنسبة للسحب موضوع الكيك داون دا عندي في العربية انا اوبل 2000 سي سي موديل 94 و علشان متعبش نفسي و مقعدش افتكس حجزت ف يالتوكيل و ان شا ءالله يوم السبت هروح اشوف لية دا بق كدة بالظبط و ربنا معانا

**ConDoR** · 05-06-2009 03:01 PM

انا برده معايا لانسر 98 اتوماتيك اول مره عملت كيك داون لزقت في الكرسي وكان بجد احساس روعه دلوقتي لما بعمل كيك داون بحس ان العربيه بتجري بسرعه بش مش زي الاول كنت بحس ان الموتور يحطلع من العربيه يا ترى دا عادي

**samirayad** · 05-06-2009 03:27 PM

لا طبعا مش عادى ......ويجب أن تتوقف عن عادة الكيك داون ......لما لها من مردود سيىء على قواعد المكنه والفتيس ......وكذلك على التورك كونفرتر ......وقد يتلف الفتيس مع التمادى فى هذه العاده.....وكذلك قد تتأثر عفشة السياره .....لأن بالتعود على ظاهرة الكيك داون بتعرض المحرك والسياره عامة لصدمه عنيفه وقت الطلوع بالسياره ( زى ماتكون بتصحى واحد من النوم برشه بالماء على وجهه ....أو بتضربه بشومه علشان يقوم من النوم )