انا خلاص هتجنن ومش عارف اعمل ايه

**waleedraafat** · 23-05-2009 06:12 PM

جايز اكون انهزامي شوية ، بس مش ممكن فولكس موديل 65 (عربيتي القديمة) كنت باعمل بيها البدع ، دا كنت باكسل افرمل في المطبات ولا عمري اشتكيت منها او من موتورها ودلوقت كل شوية اقارن النوبيرا بالفولكس الاقي نفس طلعت بالتكييف والباور وكنبة ورا واسعة ودافع 70 الف جنيه فيهم

المشاكل منذ بداية شراء السيارة كالاتي
1- طلعت عيني علشان اظبط زوايا وكبرت دماغي في الاخر حتي في التوكيل ظبطوها وبرده زي ما هي
2- اصوات ساساة وتزييق من التابلوه احيانا تروح واحيانا تيجي (باعلي الكاسيت وتبقي العربية ناعمة)
3- صوت الدبة في العجل الخلفي زادت بدون مبرر عن الاول ومش عارف لها حلغير اني اعلي الكاسيت برضه
4- سير التكيف وقع مني قبل كده وللامانة غيرو بلية الشداد في التوكيل في الضمان
5- الفرامل طلعو عيني اكتر من مرة (تنفيض) لحد ما رجلشتها برة بعشرين جنيه ورحت اشتكيت بعدها من سخونة الطنابير فاضرو يظبطو الرجلاش (ادعيت عدم معرفتي بسبب المشكلة)
6- واخيرا وليس اخرا مشكلة صوت بلوف التاكيهات وتعريق الزيت

والله اعلم لسه في ايه جاي

**samirayad** · 23-05-2009 06:15 PM

طيب ماتحط العربيه على الأسكانر وتشوف كده وضع الحساسات ........لأن كده أنت عندك دورة التزييت كويسه (بدليل أن الزيت بيخرج من غطاء التاكيهات ).......وممكن تكون المشكله عندك فى حساس حرارة مية التبريد بالذات ( لأن الحساس ده ليه رينج معين بيقرأ خلاله ) وياريت برضه تقولنا على وضع الحراره عندك

**waleedraafat** · 23-05-2009 06:20 PM

وضع الحرارة عادي (قبل النصف بدرجة بسيطة) وموضوع الاسكانر ده طلبته قب كده لاني كنت باشتكي من الاستهلاك العالي والي اتضح انه العادي بتاعها 170 كلم /صفيحة داخل البلد ونفضوا ليا داخل التوكيل بالنسبة لموضوع الاسكانر وقالوا الاستهلاك يتقاس فقط علي الطرق السريعة مش جوا البلد وعموما لم اهتم كثيرا لما وجدت ان المعدل ده طبيعي في النوبيرا

**samirayad** · 23-05-2009 06:25 PM

برضه حطها على الأسكانر ( لأن حساس الحراره اللى بتشتغل عليه وحدة التحكم غير الراسل بتاع العداد )

**otefa** · 23-05-2009 06:30 PM

المشاركة الأصلية كتبت بواسطة samirayad

وممكن تكون المشكله عندك فى حساس حرارة مية التبريد بالذات ( لأن الحساس ده ليه رينج معين بيقرأ خلاله )

ياباشا ايه علاقة coolant sensor بصوت التاكيهات!!

**waleedraafat** · 23-05-2009 06:32 PM

هجرب اروح مركز صيانة تاني غير تابع مباشرة لابو الفتوح في فيصل احد زملاء العمل رشحه ليا واشوف ايه الي هيحصل المرة دي
علي فكرة انا نزلت دورت العربية دلوقت وصوتها عادي بدون تكتكة مع العلم انها كنت شغالة منذ حوالي 3 ساعات والموتور لسه دافئ

**samirayad** · 23-05-2009 06:42 PM

المشاركة الأصلية كتبت بواسطة otefa

ياباشا ايه علاقة coolant sensor بصوت التاكيهات!!

الحساس ده لو مدى أشاره غلط لوحدة التحكم وقالها الحراره زايده بتروح مأخره الشراره .....ولو قالها بارده بتروح مقدمه الشراره ( والوضع أساسا كويس من ناحية الحراره ....بدليل راسل العداد شغال تمام ).......هنا بقه حيحصل الخلل فى الصوت بتاع الحريق .........وممكن الواحد ينخدع ويفكر أنه من التاكيهات ( وده بيبقى أسمه الدق الناتج عن شراره غير مظبوطه ).......علشان كده ممكن يكون البهوات مش مركبين الفيشه كويس مثلا بتاعة الحساس ....أو الحساس بايظ ( وأنا أعتقد أن الحساس مش شغال أساسا ).......[gdwl]أصل بينى وبينك منتهى الأهمال فى التقفيل .......وكل شىء وارد طبعا......[/gdwl]..............[gdwl]وموضوع عيب فى المكنه ده صعب جدا ( لأنها بتبقى جايه من بلادها ومعمول عليها أختبار جوده ).[/gdwl]........المشكله فى اللى بيرصوا ويبنوا عندنا وقت التجميع ( علشان كده يجب التشييك على النقطه دى برضه )

**waleedraafat** · 23-05-2009 06:54 PM

والله يا باشمهندس انا اتمني ان الموضوع يكون مشكلة حساس فقط بس الفكرة ان النقر ده بيحصل والعربية في السلانسية وبعد ما امشي بيها شوية حلوين الصوت بيختفي تماما وعموما انا هجرب موضوع الاسكانر ده اهو يشيك علي العربية كلها مع ملاحظة انه مش بيحصل مع كل مرة ادور فيها العربية وهيا باردة ده بيحصل مرة ومرتين لأ

**otefa** · 23-05-2009 06:55 PM

المشاركة الأصلية كتبت بواسطة samirayad

الحساس ده لو مدى أشاره غلط لوحدة التحكم وقالها الحراره زايده بتروح مأخره الشراره .....ولو قالها بارده بتروح مقدمه الشراره ( والوضع أساسا كويس من ناحية الحراره ....بدليل راسل العداد شغال تمام ).......هنا بقه حيحصل الخلل فى الصوت بتاع الحريق .........وممكن الواحد ينخدع ويفكر أنه من التاكيهات ( وده بيبقى أسمه الدق الناتج عن شراره غير مظبوطه ).......علشان كده ممكن يكون البهوات مش مركبين الفيشه كويس مثلا بتاعة الحساس ....أو الحساس بايظ ( وأنا أعتقد أن الحساس مش شغال أساسا ).......[gdwl]أصل بينى وبينك منتهى الأهمال فى التقفيل .......وكل شىء وارد طبعا......[/gdwl]..............[gdwl]وموضوع عيب فى المكنه ده صعب جدا ( لأنها بتبقى جايه من بلادها ومعمول عليها أختبار جوده ).[/gdwl]........المشكله فى اللى بيرصوا ويبنوا عندنا وقت التجميع ( علشان كده يجب التشييك على النقطه دى برضه )

اه كدا يباشا معقول لان عارف ان مفيش اي علاقة مابين كونترول يونيت (كهرباء) والتاكيهات(ميكانيك)
بس معقول مهندسين التوكيل مخدوش بالهم من الفرق في الصوت
وكمان لو افترضنا ان هي مش تاكيهات ومشكلة كهرباء وانجكشن يبقي النتيجة الطبيعية ان العربية هتبرجل والتيمينج هيلخبط وكفائة العربية هتتغير واكيد هيحس بالفرق ده

**otefa** · 23-05-2009 07:01 PM

هقولك ياباشا علي طريفة بلدي تقربك من الحل
هاتجيب مفك طويل وتحط بوزه علي غطي التاكيهات كل مرة علي بستن والناحية الئانية البلاستيك عند الاذن وتشوف التكتكة جية من سلندر واحد ولا اكثر بس طبعا خلي بالك علي نفسك من الجزاء المتحركة