الموضوع: انا خلاص هتجنن ومش عارف اعمل ايه

بص يا اخي علشان تحكم الصوت دة عالي ولا لأ شوف نوبيرا اخري سليمة لحظة التدوير الصبح و المحرك بارد وقارن وكذلك سمع الصوت لميكانيكي محترم برة التوكيل لو قالك ان في حاجة موش مظبوطة دة موضوع تاني لو طمنك نسبيا سيب العربية وغير نوع الزيت ل visco او زي ما انا بحط total quartez 10000 دي زيوت نسبيا مفيش غش فيها وغير علي 5000 متستناش لأن الحرارة والأتربة و الحركة البطيئة في الزحام لايمكن تعتبرها أمنة علشان تستني 10000 زي المعايير المقررة وصدقني العربية كويسة جدا ومفيهاش حاجة بإذن الله لأن موش محرك النوبيرا او اللانوس إلي ممكن يحصل دة فيهم بسرعة كدة حتي لو استخدامك قاسي و بالنسبة للزيت أوعي يكون المستوي أعلي من الحد الأقصي دة بيقتل المحرك أكتر من لو المستوي أقل من الحج الأدني بشوية أنا غيرت عند ميكانيكي جاري ويدوب إلتفت لقيد الواد بلية كب ال 4 لتر كلهم ولقيت الزيت عالي وللأسف سافرت شرم كدة ولقيت جوان غطي التاكيهات عرق زيت بس عملت مايشبة القسطرة الجراحية دخلت خرطوم رفيع من فتحة المقياس وسحبت حوالي ربع لتر لحد ما مستوي الزيت بقي عند الحد الأعلي و من ساعتها التعريق شبة توقف والعربية بقت أحسن عموما متزعلش نفسك بإذن الله بسيطة

انا رايح بكرة بعون الله لمركز صيانة معتمد من الوكيل وهيا محاولة مني لمعرفة حالة السيارة عموما وهل توجد بها عيوب تصنيع ام ان السيارة سليمة ، لان التوكيل بقي عامل زي الميكانيكي الي نصب عليك في قطعة غيار مستعملة وعايزك تغور بقي من عنده لان المصلحة خلاص خلصت
وعموما انا اصلا مش مستريح لزيوت موبيل وممكن تكون السبب في اللخبطة دي وهحاول اغير نوع الزيت

لا خير يا جماعة انا عندى التكتكة دى بتحصل الصبح اول ما ادور وبتروح بعد 4 5 دقايق تشغيل زى ما الاستاذ سمير قال عبال ما الموتور يشد حيلة والزيت يااخد دورتة

لا هو المسموح بيه يا أبو حميد .....أن يكون الدق فى بداية الدواره من 2 الى 3 دقايق وكده الوضع عادى .....على ما الزيت يشتغل فعلا وحرارته تزيد وبالتالى اللزوجه بتاعته ...............على فكره ده من كتالوج الأعطال......وقال أن الحدود دى مسموح بيها ( أى من 2 الى 3 دقايق ).............والمفروض الصوت بعد كده يتحسن

المشاركة الأصلية كتبت بواسطة ahmed20_08nubira

بس اللى فى الفيديو عالية جدا لدرجة انك تحس ان المحرك ديزل

الفيديو حاجه .....والطبيعه حاجه تانيه .....دا نظام تسجيلات ياريس........هى مكنه قدامنا ....دا تسجيل ياباشا ......ويمكن مكبر الصوت اللى مزودها شويه ............والحكم بيبقى على أرض الواقع.............