انا خلاص هتجنن ومش عارف اعمل ايه

**otefa** · 07-06-2009 11:07 AM

المشاركة الأصلية كتبت بواسطة waleedraafat

رحت والحمد لله السبت الي فات مركز صيانة معتمد تابع لتوكيل الدايو واشتكيت فقط من صوت الموتور وكان الرد انه لازم يسمع الصوت بنفسه علشان يقيم الحالة وعدا ذلك الموتور طبيعي من وجه نظرة ولكن المهندس المسؤل اوصي بتغير علبة البيئة وجراب فرامل اليد (كنت اشتكيت منه قبل كده في ابو الفتوح واتنفض لي)

المهم اني اخبرت المهندس المسئول اني لا ارغب في تغير شئ في العربية مادام يعمل بصورة جيدة ولكنه اخبرني ان عدم تغير علبة البيئة قد يسبب تلفيات في المحرك وقد يفسد البوبينة؟؟؟؟

انا مش داخل دماغي موضوع البوبينة دي ، هي ايه اصلا علاقتها بالشكمان، علي اي حال انا منتظر ردهم بالموافقة علي التغير من ابو الفتوح

اول حاجة هو عارف ازاي ان علبة البيئة عايزة تتغير! قاس نسبة التلوث في العادم!
انت بتقول ما بتشتكيش من حاجة في سحبة العربية صح!
لما علبة التلوث بتخرب اول حاجة بتحس ان العربية مكتومة ومش عايزة تسحب وسرعتها النهائية بتقل
وممكن تخلي العربية تسخن عن معدلها الطبيعي

**waleedraafat** · 07-06-2009 04:14 PM

انا اصلا مش مبسوط من تجميع العربية ، بس الكل بيقول النوبيرا جراية وانا مش قادر احدد ان كان لاداء طبيعي ام اقل من الطبيعي لاني نازل من فولكس بيتلز 1600 (تجميع وهمي حتي 140كم )

وانا مش عارف بناء علي ايه اقترح مهندس الصيانة تغيير علبة البيئة، بس بالمناسبة حد يقدر يقول ليه العربية لما باجي اكبس اخر الدواسة من السكون وعلي الاول العربية زي ما تكون بتتكتم الاول وبعدين تفك

**MMamdouh** · 07-06-2009 04:57 PM

no

MMamdouh

**MMamdouh** · 10-06-2009 11:47 AM

المشاركة الأصلية كتبت بواسطة waleedraafat

بس بالمناسبة حد يقدر يقول ليه العربية لما باجي اكبس اخر الدواسة من السكون وعلي الاول العربية زي ما تكون بتتكتم الاول وبعدين تفك

المشاركة الأصلية كتبت بواسطة MMamdouh

no

المشاركة الأصلية كتبت بواسطة waleedraafat

لا مش No ، البيتلز كان تجميعها رائع وخصوصا ان الاسطوانة والديسك كانو مقاس 18 مش 20 ، وده كان بيخلي نسب الفتيس قصيرة جدا ومتتابعة بصورة رائعة لذلك كنت باناطح بيها مع التخين لحد 140 كلم وبس وبعد كده التخين بيكمل لوحده وبافضل انا ورا

النوبيرا ادائها معقول مش وهمي زي ما توقعت والاداء المعقول ده علشان تحس بيه بيكون بعد 3500 دورة تقريبا يعني معدل دوران عالي صعب ان الواحد يمشي بيه في المشي العادي بتاعه

ايه علاقة ردك دة باللى انا كاتبة؟؟

و على فكرة انا كان عندى بيتلز قبل اللانوس و عارف كويس هى تقدر تعمل ايه... و قبل كدة اتراهنت مع واحد معاه لانوس انة يطلع مع بيتلز و البيتلز حتاكل منة الطلعة و قد كان... فا انا فاهم كل اللى انت بتقولة كويس اوى

اللى انا مش فهمة هو "مش no"... طيب مين تعرفة عريتة النوبيرا بتتكتم و بعدين تفك؟؟

و لو كلامك صح كان باقى الاعضاء اكدوا عليه

صحيح كونك نازل من بيتلز لنوبيرا مديك احساس ان العربية مبتسحبش لان النسب فى النوبيرا اطول بكتيييير من البيتلز (اول البيتلز بيوصل 30 او حاجة كدة مقابل 60 للنوبيرا) بي مش معنى كدة ان الطبيعى بتاع النوبيرا انها تتكتم... انا عارف انا بقول ايه

MMamdouh

**otefa** · 10-06-2009 04:38 PM

بتكتم ازاي ممكن توضح اكثر!
بس عموما ما فيش عربية مهما كان نوعها ها تنزل من المصنع تكتم وبعد ين تفتح

**waleedraafat** · 10-06-2009 04:41 PM

يعني من السكون والطلعة مع الاول مع الكبس حتي منتصف الدواسة ورفع قدمك من علي الدبرياج في محاولة للانطلاق السريع تحس ان العربية بتكلبش (زي الاوتوماتيك) ثم تبدأ في الحركة ثم تنطلق

**MMamdouh** · 10-06-2009 04:43 PM

مهو دة مش طبيعى... اكيد فيه حاجة مش مضبوطة مسببة الكتمة دى

فوقان الموتور القوى فوق 3500 RPM طبيعى لان النوبيرا موتورها فيه VGIS اللى هو اختصار Variable Geometry Intake System و دة عبارة عن مجموعة بوابات داخل المنافولد بتفتح عند RPM معين اللى هو 3500 عشان تقصر المسافة اللى بيقطعها الهوا و هو داخل للموتور فا يدى اداء احسن على لفات عالية

المسافة الطويلة على لفات قليلة بتدى عزم اعلى و استهلاك بنزين اقل

MMamdouh