توكيــــل ريـــنو eim ... مفهوم جديـــد فى خدمـــة العملاء

**Sharky** · 24-05-2009 12:57 PM

انا بقالى فترة عايز اعمل الموضوع دا بس مكسل
لكن لما سمعت امبارح موضوع وفاة محمد نصير قلت لازم اكتب التجربة دى

[gdwl]خلينا الأول نتفق على ان النظام فى مصر كالاتى:
*من الطبيعى أن التوكيل يغير قطع غيار بها عيوب صناعة طالما السيارة داخل الضمان
* من النادر ان تجد توكيل فى مصر يغير قطعة ضمان بها عيوب صناعة بعد إنتها ضمان السيارة
* من المستحيل ان تجد فى مصر توكيل يغير قطع غيار سليمة لإحتمال حدوث بها مشكلة بعد إنتهاء فترة الضمان و قد تكلف العميل مبلغ كبير بعد ذلك [/gdwl]

من اسبوع تقريبا رحت أعمل صيانة الـ 50 الف فى التوكيل لكن مش دا المهم و لا دا اللى حاتكلم عن تفاصيله المهم هو انى كنت عرفت من فترة ان المفروض ان سيور الميجان يتم تغيرها عند 60 الف أو 3 سنوات أيهما أقرب و انا الميجان عندى داخلة على 50 الف و تمت 4 سنوات بحمد الله
فقلت اكلم م/ محى مدير صيانة العبور أتأكد منه على المعلومة دى
فقالى المفروض ان جدول الصيانة إللى جاى من فرنسا بيقول إن الصيانة الشاملة عند 120 الف و تغيير السيور بيتم عند 120 الف أو 5 سنوات ايهما أقرب لكن لإختلاف طبيعة الجو عندنا فضلت رينو مصر تغيير السيور عند 60 الف أو 3 سنوات

المهم أتفقت معها إن أعملها مع صيانة الـ 50 الف و لقيته بيقولى انت غيرت الديفيزور و لا
قلت له : لأ
قالى : طيب بتشتكى من أعراضه
قلت له : لأ الحمد لله
قالى : طيب لما تروح هناك خلى مهندس الإستقبال يكلمنى
قلت له : ماشى

المهم لما رحت هناك بلغت مهندس الإستقبال بإنى عايز أعمل الصيانة + تغيير السيور و قلتله له كلم المهندس / محى (لإن الكلام دا كان يوم السبت و هو أجازة السبت )

المهم لقيته جاى ليه و بيقولى إحنا حنغيرها على حساب التوكيل بالمرة الديفيزور و طلمبه المياه
قلت له : ليه كده
قالى : لإن حضرتك اولا موظب على الصيانة عندنا عاطلول و ثانيا الإجراء دا إحتياطيا لتجنب ان الديفيزور يحصل فيه حاجة فتضطر تغير السيور معاه تانى قبل ما يكون فات عليهم 60 الف أو 3 سنوات جديدة !!
قلت له : طب طلمبه المياه
قال لى : دى لازم تتغير مع السيور و إحنا حنعملها ليك مجانا برضه لإنك جاى تغيير السيور فقط و مش جاى تعمل الصيانة الشاملة !!

عرفت منه إن تكلفة الديفيزور و طلمبه المياه فى حدود 1700 جم !

بصراحة سكت و معرفتش أرد لإنى أول مرة ألاقى توكيل فى مصر ممكن يغير قطعة غيار لعميل و سيارته خارج الضمان لمجرد إنه يوجد إحتمال لتغيرها بعد ذلك
و فى هذه الحالة سيتكلف العميل تمن السيور (قبل إنتهاء عمره الإفتراضى ) + طلمبه المياه + تمن الديفيزور

يعنى التوكيل رأى انه يتحمل تمن ديفيزور على ان ممكن العميل يتحمل التكاليف الأخرى ( ديفيزور + طلمبه مياه + سيور ) حتى لو كان إحتمال غير مؤكد لتحمل العميل هذه التكاليف !!

بصراحة توكيل رينو فى مصر محترم زيادة عن اللزوم
و خلانى أحس أنه معاملته لعملائه معامله أوربية بجد

بجد محمد نصير عرف يضع مقاييس جديدة فى مصر لخدمة ما بعد البيع

رحمك الله و غفر لك و أسكنك فسيح جناته

[gdwl]توكيل رينو فى مصر eim ... التوكيل الذى رفع مقاييس خدمة العملاء فى مصر [/gdwl]

**عمرو عمارة** · 24-05-2009 01:39 PM

ما شاء الله لا قوة إلا بالله

حاجة جميلة والله يا شاركي إنك تلاقي لسة في أمل في البلد دي بسبب توكيل زي رينو كده ويارب كل التوكيلات تبقى كده

ماتشوفلي كده يا شاركي بيه ينفع يغيرولي العربية بواحدة جديدة كإجراء إحتياطي

رحمة الله على محمد نصير وغفر له وجعل هذا في ميزان حسناته

**Amr_Moh** · 24-05-2009 05:19 PM

بس المعاملة ده ماحصلتش مع كل الناس حتى المواظب منهم على الصيانة ودة الغريب!!!!!!!!!!!!!!!!!!!!!!!!!!!!!!!!!!!!

:k17::k17:

**HassanEissa** · 24-05-2009 05:27 PM

و الله ان شخصيا مستغرب من الاحترام ده في مصر انا لسه امبارح كنت واقف مع واحد بيبع اكسسوارات و قالي ان عنده عميل معاه عربيه ميجان البيز لين
و كان بيعملها صيانه في توكيل المقطم و هو قاعد سمعو صوت ارتطام قوي جدا
فلقو ان مهندس الصيانه الي كان بيجرب احد العربيات وقع من علي الجبل بالعربيه و مات و العربيه برده ماتت
و بعد لما التوكيل هدي و الاسعاف جت و الحياه هديت مدير التوكيل الفرنساوي نزل و اخد صحبنا لمكتبه و اداله عقد عربيه جديده بس هاي لين
و الراجل استلمها و هو خارج
ان بصراحه من نظافت اتوكيل دي مش قدر اصدق

**chato_eg** · 24-05-2009 05:33 PM

مع تفهمى لمستوى خدمات EIM لعملائه...لكن هتلاقى ناس بتقول إنك بتتعامل المعاملة دى علشان إنت تعرف ناس جوه التوكيل

لكن علشان أؤكد على كلامك :-
تجربتى كانت مشابهة....تم تغيير ذراعى مسندى البابين الأماميين...مع إنى لم أتطرق للحديث عنهم على الإطلاق...
كل ما فى الأمر إن ماما أظهرت ملاحظة إنهم بدأو يقشروا
و شائت الظروف إنى أروح فرع المقطم بعدها ب 3 أيام لمسألة أخرى
و هناك المهندس أسامة فى ال " Body Workshop "لاحظ إنهم مقشرين من غير ما أنا أشاور عليهم حتى مش أتكلم عليهم...و تم تغييرهم بدون مقابل مع الحزام بالماكينة بتاعته أيضا..و لم أدفع حتى مصنعيات...
يعنى دخلت غيرت حاجات ب 2350 جنيه و أخذت عربيتى و مشيت من غير ما أحط إيدى فى جيبى....و هما إللى غيروا منهم لنفسهم كمان...لإنى كنت رايح أساسا علشان المراية إللى اتكسرت و طبعا هما صلحوها و عملوا الخدش بال Polish
و أنا لا أعرف حد جوه التوكيل و لا كان حد كلمهم و لا أى حاجة...يعنى هو ده المستوى المعتاد للخدمة للعميل العادى إللى ممكن يروح بطوله فى أى وقت و يطلب مشورة
الله يرحمه " محمد نصير " و يرد له جزاء استقامته فى أولاده
و يهدى أخواننا التانيين إللى المفروض يتعظوا و يحسوا بنغزة من الغيرة فينتهجوا نفس الأسلوب فى المعاملة...مش الناس تودى عربياتها صيانة ترجع لهم عاملة حوادث...!!!!

**chato_eg** · 24-05-2009 05:43 PM

بص يا عمرو...علشان الأمانة برضه تقتتضى ذلك
أنا كنت دخلت لقسم السمكرة فى العبور بنفس المشكلة بتاعت الحزام
و كل إللى أخدته هو إنه بيجيى كامل بالماكينة و سعرهم 1500 جنيه

عموما...بأحس إن فى المقطم عندهم سلطة أعلى و قدرة أكبر على اتخاذ قرارات بشأن أمور زى تغيير فى الضمان

لكن أرجع و أقول لك..ما العقيد خالد غيروا له فرامل اليد فى العبور...و قدامى كانوا هيغيروا لواحد معاه سينيك الديفيزور فى صيانة ال 65 ألف فى الضمان...

**aliabutaleb** · 24-05-2009 05:44 PM

المشاركة الأصلية كتبت بواسطة sharky

بجد محمد نصير عرف يضع مقاييس جديدة فى مصر لخدمة ما بعد البيع

رحمك الله و غفر لك و أسكنك فسيح جناته

هو وجميع موتانا
بالفعل شخصية محترمة
نجح إنه يعمل الكثير والكثير من الكيانات المحترمة
ندعو الله ان يجعلها كلها في ميزان حسناته
انا باتعامل عن قرب مع ابنه خالد
ومقدرش أوصف أد ايه هو كمان شخصية محترمة
ونتمنى كل التوكيلات تحذو حذو توكيل رينو في احترامهم لعملائهم

**chato_eg** · 24-05-2009 07:52 PM

المشاركة الأصلية كتبت بواسطة أبو حمزة

هو وجميع موتانا

انا باتعامل عن قرب مع ابنه خالد
ومقدرش أوصف أد ايه هو كمان شخصية محترمة
ونتمنى كل التوكيلات تحذو حذو توكيل رينو في احترامهم لعملائهم

صحيح يعنى الراجل طالع لأبوه...؟؟
روح يا شيخ ربنا يطمنك

**Sharky** · 24-05-2009 08:06 PM

المشاركة الأصلية كتبت بواسطة Amr_Moh

بس المعاملة ده ماحصلتش مع كل الناس حتى المواظب منهم على الصيانة ودة الغريب!!!!!!!!!!!!!!!!!!!!!!!!!!!!!!!!!!!!

:k17::k17:

ما هو هانى يا عمرو حصلوا برضه نفس المعالمة من غير ما يعرف حد فى التوكيل

د ا حتى أحمد عبد المقصود حصله الكلام دا و هو بيعمل صيانة الـ 90 الف

ثم على فكرة انا عرفت انهم بيعملوا كده لمعظم العربيات اللى ماعدتش 60 الف و شرط اساسى انه بيكون مواظب على كل الصيانات حتى الـ 5 الاف فى التوكيل

**أبو أدم** · 24-05-2009 10:13 PM

المشاركة الأصلية كتبت بواسطة sharky

ما هو هانى يا عمرو حصلوا برضه نفس المعالمة من غير ما يعرف حد فى التوكيل

د ا حتى أحمد عبد المقصود حصله الكلام دا و هو بيعمل صيانة الـ 90 الف

ثم على فكرة انا عرفت انهم بيعملوا كده لمعظم العربيات اللى ماعدتش 60 الف و شرط اساسى انه بيكون مواظب على كل الصيانات حتى الـ 5 الاف فى التوكيل

السلام عليكم ..أخى أحمد

مواضيعك كدة على طول جذابة و فى الجواااال زي ما بيقولوا

بس انت اللى اوحيت لنا من كلامك انك علشان عارفهم زي م / محى اللى قالك اتصل بى لما تروح هناك - انهم بيتعونوا معاك كويس

على كل هو توكيل محترم اي كان _ (( مفيش توكيل يجامل بالطريقة دة اي كان _ لان هو ممكن

يكوت محترم برضة من غير كل اللى بيظبطه دة )) .. والمثال بتاع هانى ينهى القضية...

انا عندى واحد صحبى مع ميجان بساله على التوكيل قاللى (( انه هو ما بيتعاملش معاه كتير .. بس دة

انظف توكيل فى مصر علشان لما بيتزنق فى حاجة ... بيعملوه معامله نادرة مش موجودة فى توكيل

تانى ..))

الموضوع: توكيــــل ريـــنو eim ... مفهوم جديـــد فى خدمـــة العملاء

LinkBack

أدوات الموضوع

عرض

-

-

-

-

-

-

-

المواضيع المتشابهه

لمــن يريــد الإستفســـار عن ريـــنو 19

مــا هو رأيــكم فى مركــز خدمـــة إخوان مقـــار؟

إحترســـوا من الشـــراء من توكيــــل شيفروليــه (منصـــــور)

إستفســار عن ريـــنو أوبتـــيما

إستفســـار عن ريـــنو كليــو هاتشبــاك

الكلمات الدلالية لهذا الموضوع

المفضلات

المفضلات

ضوابط المشاركة