الموضوع: هو صف تاني و خلاص؟

الصفتانزم (doublious prakatus) مرض ظهر فى مصر مع بداية انتشار السيارات فى ايدى كل الطبقات منذ اوائل السبعينات، ومثل مثل كل الامراض التى ظهرت فى مصر وتقاعست الحكومة عن مقاوتها مثل البلهاريسا وانفلونزا الطيور وقريبا انفلونزا الخنازير، اصبح مرضا متوطنا لا مصل له ولا دواء
اكثر المناطق التى يتوطن فيها هذا المرض فى مصر هى منطقة المهندسين الموبوءة كما تنتشر عدواه فى كل المناطق التى ظهرت فيها مبانى شاهقة على شوارع ضيقة ظنا من اصاحبها ان قاطنيها سيتقلون بالجمال او السكوتر مثل مدينة نصر ومصر الجديدة، تظهر فيها اعراض المرض على شكل اورام سياراتية تبرز فى كل شرايين المنطقة وتسد مسارات السيارات فى كل الاتجاهات مما يسبب حالة مرعبة من التصلب الشرايينى المرورى كما يسبب حالة انسداد لطريق خروج ودخول السيارات المركونة
ساعد على انتشار واستفحال هذا المرض مرض آخر سئ هو مرض المنادى Menadous baltagous ، والذى انتشر فى كل تلك المناطق مما ادى الى انهيار مناعتها ضد الصفتنازم وانتشار اورام الصف التانى السرطانية فى كل شرايين تلك المناطق

حاليا لا يوجد علاج معروف لمرض الصفتانزم، تمارس السلطات بعض العلاجات الموضعية مثل الكى بالكلابش او الاستئصال بالونش، لكن هذة العلاجات الموضعية غير مجدية نهائيا لأن المنطقة المكوية او المستأصلة سرعان ما تظهر بها اورام جديدة، والمتوقع ان يتطور ذلك المرض حتى يصيب المناطق المريضة بالشلل النهائى ثم الموت وهو ما دفع كثير من الشركات للرحيل من هذة المناطق الى مناطق سلمية ومعافاه مثل التجمع الخامس الذى اصبح موضة الشركات حاليا

المشاركة الأصلية كتبت بواسطة ashouhdy

معلش انا عكسوكوا و مش معنى ان الراجل غلط يبقى ندشدشلة عربيتة و ياجماعة فرحانيين فية لية اوى كدة معظمنا بيضطر يركن صف تانى مش معنى انة نسى يمور او ينزل الهند اننا نكسرهالة
دى كدة بقت غاااااابة و يا استاذة علا مش معنى انك خايفة على عربيتك ودة حقك انك تتمنى الشر لغيرك عشان غلط
كلنا بنغلط
بس فين التسامح
عدوها لغيركم عشان لو اتذنقتوا ربنا يعديهالكم
راعوا ظروفة ممكن حاجة طارئة ممكن دكتور وواحد بيموت فوق ومفيش وقت يركن ولا يتنيل
ومعنى ان حضرتك فضلتى واقفة تتفرجى لحد ما جة انة متأخرش للدرجة انة يلاقى عربيتة اتفرمت

لا حول ولا قوة الا بالله

واسف للاستاذة علا لو ردى كان فية نوع من الحدة ... معلش سامحينى

على الأقل كان ساب فرامل اليد .

و بعدين الغلط ملوش مبرر.............

هو كل الناس اللي في المهندسين و الدقي اللي بيسيبوا العربية صف تاني و سادين الشارع تماما بقوا دكاترة ؟؟؟؟؟

معلش ما هو ده اللي مضيع مصر ........... الحجج و عدم وجود عقاب
و إن كانت الحكومة مش ناوية تعاقب الناس .
يبقى الناس تأخد حقها بأيدها من بعض .... و ده بيسموه غابة .

أدام هو ما أحترمش بقية خلق الله و ساب طريقهم مفتوح
يبقى هما يحترموه ليه ؟؟؟؟؟؟؟
و ادام هو ما أحترمش ممتلكاته الخاصة ووضعها في مكان آمن
يبقى الناس هاتخاف على ممتلكاته ليه ؟؟؟؟؟؟؟؟؟؟

على فكرة أنا فرحان فيه جدا .......
و الراجل بتاع الدودج ده ........... داخل دماغي قوي ....

اللي بيستعبط ........... يستاهل اللي يجراله .
100 % يا دودج
أنا عارف أنه رد فيه عدوانية شوية
بس الناس اللي بتستهبل و تستعبط و تعمل عبيطة
تستاهل اللي يجرالها

أنا شخصيا اللي بلاقيه ماشي في الطريق عكسي بأزنق عليه و أقف قدامه و أجبره أنه يلف و يرجع تاني , عملتها مرتين لحد دلوقتي مرة مع واحدة ست كانت سايقة لانوس في شارع النزهة و مرة مع ظابط (نقيب شرطة) كان سايق بوكس علي أول طريق السويس/ القاهرة من ناحية السويس

و مرة و انا داخل احمد سعيد من الاوتوستراد فضلت دايس علي الكلاكس علشان الميكروباصات اللي واقفة في الملف تمشي و ما رضتش أخد الملف علي الواسع لحد ما أمناء الشرطة جم و مشوا العربيات اللي واقفة

....قال رسول الله (ص):
"من رأي منكم منكرا فليغيره بيده , فأن لم يستطع فبلسانه, فأن لم يستطع فبقلبه و هذه أضعف الايمان"
صدق رسول الله (ص)

صاحب العربيىة الفيرنا ده يستاهل اللي حصله واكتر ، انا عن نفسي مبركنش في حتة تكون حتى عرضه لأي حكه ( الا طبعا لو قدر ربنا ) ولازم اكون عامل حساب الطريق عشان مدايقش حد ولا اضر عربيتي وعشان كمان انا بتخنق جدا لما يصادفني موقف زي ده ، بجد بتاع الدودج ده 100%

المشاركة الأصلية كتبت بواسطة ashouhdy

عايزيين البلد تبقى كدة خلاص انا منسحب من المناقشة لو حتكون كدة .. الواحد يخاف على امة او اختة لو نزلت الشارع و اضطرت دقيقة تدخل الولاد الاسانسير و ترجع تانى تلاقى الناس بيكسرولها عربيتها ترضاها لامك او اختك او مراتك او خاطيبتك او والدك او جدك ؟؟؟؟؟؟؟؟؟؟؟؟؟؟؟؟؟؟؟؟

المشاركة الأصلية كتبت بواسطة ashouhdy

عايز اعرف ردكم

من غير زعل ومن غير ماتنسحب من المناقشة ولا حاجة تخيل حضرتك ماشي في شارع ضيق وفجأة لقيت قدامك عربية قافلة الطريق ومتعشقة ومش شايف صاحبها قدامك، تعمل أيه؟؟
من وجهة نظري اللي عمله بتاع الدودج هوده التصرف الطبيعي في الموقف ده