هو صف تاني و خلاص؟

**ashouhdy** · 30-05-2009 11:36 PM

المشاركة الأصلية كتبت بواسطة olaosman

يا أخ ashouhdy المشكلة مش في الركن صف تاني.. ماهو كلنا بنركن صف تاني، انما المفروض الواحد برضه يكون عنده تمييز هل الحتة اللي بيركن فيها دي ممكن تعدي عربية جنبه بحيث الناس التانية ما تتئذيش و لا لأ. اللي حاصل بأه ان المسافة المتاحة ماتعديش أي عربية و الشارع اتقفل. واضح انه كان بيستقرب و خلاص، خصوصا ان فيه بعد مترين بس حتة كان ممكن يحضن عربيته فيها و يوسع للناس تعدي، انما بصراحة أول مرة أشوف حد يعمل العملة دي. لو مش بيعرف يقدر المسافات و مالوش فيها من الآخر ما يسوقش مع احترامي طبعا، و لو واخد باله ان المسافة دي ما تعديش حد يبقى كان يسيب عربيته متمورة.. انما مع احترامي مرة تانية هو اللي اتسبب في الأذى لنفسه عشان مافكرش لحظة في غيره.

ماشى انا والله معاكوا تانى انة غلطااان مقولتش انة صح
بس نكسرلة عربييتة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟
ممكن لما ييجى نديلة كلمتيين تمام و نخلية ذى السمسمة فى نص الشارع لكن ندغدغلة عربيتة؟؟؟؟
مش عارف جايز انا الوحيد اللى ممكن يستحمل او جايز الناس مبقاش عندها صبر
الله اعلم

**ashouhdy** · 30-05-2009 11:48 PM

المشاركة الأصلية كتبت بواسطة olaosman

الصبر جميل، بس للصبر حدود

الشارع كله كان واقف رايح جاي. حتى انا قلت للسايس اللي في الشارع ينقل عربيتي عشان توسع قام لقاها مش هاينفع حتى تخرج من الزنقة اللي هو عاملها. اما الانتظار حتى يأتي الفرج فحل مش عملي عشان محدش يعرف هو طلع عند مين و لا هايقعد فوق أد ايه. و فعلا هو مانزلش إلا بعد ما الدودج مشيت بحوالي تلت ساعة!!

لأ كدة دة معندوش دم
ربنا يعفى عنة !!!!
مش عارف انا لو موجود حكون طبعا مضايق بس بردوا حكون مضايق ان عربيتة بتكسر!
انتى عملتى اللى عليكى بصراحة....
كان جة اربع رجالة حلويين كدة و شالوها بعيد :))))

**MoToRiZeR** · 31-05-2009 02:58 AM

فعلاَ الإحساس نعمة .. ناس معندهاش دم !

انا قبل كدة كنت في مطعم جندوفلي اللي في المهندسين .. و راكن عمودي عالرصيف و طلعت لقيت عربية النترا سودة قافلة عليا و معشقة و متفيمة كلها و حاطط ستيكر مكان النمر اللي ورا و نسر عالنمر اللي قدام و حاطط كاب شرطة عالتابلوه .. اللي هو إرهاب يعني ناقص يعلق أمين شرطة في المرايه .. بصراحة فكرت أبلغ البوليس و أعمل محضر للحيوان ده بس قلت هو هيقعد يجيب معارفه و انا أجيب معارفي و مش هنخلص، و ده في حالة لو البوليس رد أصلاَ ! عربية مين دي يا جدعان ؟ محدش عارف .. أخبط عليها يمكن فيها إنذار ينبه صاحبها .. مفيش .

المهم الراجل اللي كان راكن جنبي كان قاعد عالقهوة اللي جنب المطعم و شافني محتاس كدة قام طلع بعربيته و قعدنا نعدل العربية عشان أطلع انا بقي من الجنب .. انا بقي إتمزجت أوي و انا بطلع العربية .. انا واخد خبطة أصلاً في جنب العربية و كدة كدة هتتصلح فا مكنتش قلقان عليه .. الراجل يقولي ورا شوية .. أيوة بس .. أقوم أعمل نفسي مسمعتش بس دي لحد ما أخبط الإلنترا .. و لحد ما عدلت العربية و طلعت كان ربنا قدرني و قدرت أدمرله الرف رف و أوقعله الإكصدام من الجنب .. و نزلت لقيت الإكصدام بتاع السيريون داخل لجوة رديته بإيدي .. و سيبتله شتيمة في ورقة عالمساحة و مشيت .

**tutankhamoun** · 31-05-2009 08:47 AM

المشاركة الأصلية كتبت بواسطة ashouhdy

ماشى انا والله معاكوا تانى انة غلطااان مقولتش انة صح
بس نكسرلة عربييتة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟
ممكن لما ييجى نديلة كلمتيين تمام و نخلية ذى السمسمة فى نص الشارع لكن ندغدغلة عربيتة؟؟؟؟
مش عارف جايز انا الوحيد اللى ممكن يستحمل او جايز الناس مبقاش عندها صبر
الله اعلم

ما المشكلة يا أخي العزيز
أنت هاتكلم مين و لا مين ؟؟؟؟؟؟؟؟
أصله مش واحد بس ........ و أكيد أنت سيد العارفين .

المشاركة الأصلية كتبت بواسطة ashouhdy

لأ كدة دة معندوش دم
ربنا يعفى عنة !!!!
مش عارف انا لو موجود حكون طبعا مضايق بس بردوا حكون مضايق ان عربيتة بتكسر!
انتى عملتى اللى عليكى بصراحة....
كان جة اربع رجالة حلويين كدة و شالوها بعيد :))))

نفس الرد اللي قبله
لو كل شارع هاروحه ألاقي واحد معندوش دم ...... و ما أكثرهم
و أروح أجيب أربعة رجالة علشان يحركوا العربية
طيب نفرض و خلال تحريك العربية المخالفة بالأربعة رجال
جرحنا عربية تانية راكنة صح ؟؟؟
يبقى أيه الحل
يبقى مين اللي يأخد العقاب المخالف ........ و لا الناس اللي ركنة صح .
ده أساسا لو لقيت حد يحاول يرفع معاك .
و نرجع نقول
التصرف الصح في المواقف اللي زي دي هو العقاب .
و بتاع الدودج ........ راجل 10 - 10 و 100 %
مش هانقعد بقى كل لما نروح حي في القاهرة نستنى المخالف علشان نيدله كلمتين في العضم
صدقني هو لو كان عنده دم أصلا مكنش عمل كدا و بالتالي الكلمتين الللي في العضم مش هايجيبوا نتيجة

أنا عن نفسي لو رايح مكان مفيش فيه ركنة ........ بأخد تاكسي و عمري في حياتي ما أركن صف تاني أبدا أبدا أبد ا .

المشاركة الأصلية كتبت بواسطة MoToRiZeR

فعلاَ الإحساس نعمة .. ناس معندهاش دم !

انا قبل كدة كنت في مطعم جندوفلي اللي في المهندسين .. و راكن عمودي عالرصيف و طلعت لقيت عربية النترا سودة قافلة عليا و معشقة و متفيمة كلها و حاطط ستيكر مكان النمر اللي ورا و نسر عالنمر اللي قدام و حاطط كاب شرطة عالتابلوه .. اللي هو إرهاب يعني ناقص يعلق أمين شرطة في المرايه .. بصراحة فكرت أبلغ البوليس و أعمل محضر للحيوان ده بس قلت هو هيقعد يجيب معارفه و انا أجيب معارفي و مش هنخلص، و ده في حالة لو البوليس رد أصلاَ ! عربية مين دي يا جدعان ؟ محدش عارف .. أخبط عليها يمكن فيها إنذار ينبه صاحبها .. مفيش .

المهم الراجل اللي كان راكن جنبي كان قاعد عالقهوة اللي جنب المطعم و شافني محتاس كدة قام طلع بعربيته و قعدنا نعدل العربية عشان أطلع انا بقي من الجنب .. انا بقي إتمزجت أوي و انا بطلع العربية .. انا واخد خبطة أصلاً في جنب العربية و كدة كدة هتتصلح فا مكنتش قلقان عليه .. الراجل يقولي ورا شوية .. أيوة بس .. أقوم أعمل نفسي مسمعتش بس دي لحد ما أخبط الإلنترا .. و لحد ما عدلت العربية و طلعت كان ربنا قدرني و قدرت أدمرله الرف رف و أوقعله الإكصدام من الجنب .. و نزلت لقيت الإكصدام بتاع السيريون داخل لجوة رديته بإيدي .. و سيبتله شتيمة في ورقة عالمساحة و مشيت .

و الله أنت راجل 100 % يا موتوريزر

يا جماعة الناس اللي بتستهبل كتيرة قوي في البلد دي
علشان عارفين أن الشعب طيب و محدش هايعمل حاجة في عربياتهم
إنما لما الناس تبدأ تعرف أن عربياتهم هاتتأذي
هايبدأو يحترموا نفسهم

و خلوا بالكم ....... أحنا شعب يخاف ما يختشيش
و قلة الدم أنتشرت الأيام دي كتير و المستعبطين كتروا على الأخر و كل واحد عاملي فيها فهلوي و نصاح
تحية كبيرة ليك يا موتوريزر