كل سنه وانتم طيبين على اكل الاعضاء والزوار وخلاص رمضان بيجرى بينا ويارب نلحق النفاحات

كتير مننا بيحب يغير من ارتفاع العربيه بتاعته علشان ف المقام الاول يديها لوك رياضى وكمان الثبات ع السرعات العاليه وقبل ما تعمل كده قدامك اكتر من طريقه لذلك
1- العفشجى يفك المساعد ويخرج من الياى ويضغطه ويقلل المسافه بين الحلاقات
2- العفشجى يفك المساعد ويخرج الياى ويقص حلقه او اتنين من الياى علشان يعوض الطول
3- العفشجى بيغير الياى كله ويبدله بياى اسبور اى كان النوع كونى او اى حاجه شبيه

الاولى هتلاقى نفسك ف الصالون قاد بالظبط ف قطر الصعيد وعمال تشال وتتهبد ف العربيه وبعد شهر هتسمع تزيق وئلى ببعده هتروع لنفس العفشجى هيقلك المسعدين عوزين يتغيرو يعنى هتتدخل ف حركه 1050 جنيه غير المصنعيه

التانيه هتلاقى نفسك طالع نازل وبتسمع هبده كل شويه ف الجنوط الاماميه خصوصا مع مفارق اكتوبر والمحور وف الاخر هتلاقى العفشه ف اقل من شهرين عوزه تربيط وجلب ووجع دماغ ويوم من طلعه النهار عند نفس العفشجى

تالت حاجه وانك لو خلاص مصمم على انك تغير ارتفاع العربيه خليك ف المائمون وكلف نفسك شويه وجبلك طقم ياى اسبور هتلاقيهم احسن الوحشين الطقم استيراد هيعملهم حوالى 450 جنيه غير التركيب بس بكده على الاقل مش هتغير مسعدين ف المستقبل القريب

غير ده وده لازم تكون الجنوط مش صينى ولا هندى ولا الكلام الجديد ئلى احنا شيفينه لانها مش هتستحمل خبطه واحه من على المحور مثلا او كبرى السيده عيشه

حاجات يمكن بسيطه وتخلى شكل العربيه تحفه بس بتفتح عليا مشاكل احنا ف غنا عنها وعن وجع الدماغ مع الصنيعيه وخليك ف المضمون