الموضوع: الى كل من يفكر فى شراء بيريليانس

يا جماعة السيارات الصينية هيكون لها مستقبل اكثر من السيارات الاوروبية واليابانية

القاعدة الاقتصادية الشهيرة تنص علي ان السلعة الرديئة تسود ، واحد يقولي ليه ماهو السلعة الرديئة الكل عارف انها رديئة ومش هيشتريها ، اقو له لا والدلائل علي كده كتيرة جدا في مصر وفي العالم

السيارات الامريكية هي السيارات الاعلي جودة في كل شئ (الخامات ، القوة ، المتانة، العمر الطويل) ودي حاجة الكل مسلم بيها ولكن السيارات اليابانية الاقل في كل شئ استطاعت هزيمة السيارة الامريكية وجعلها حكرا علي قلة قليلة من الامريكان القادرين علي تكاليف اقتنائها وتشغيلها

طيب وعندنا في مصر ، فاكرين زمان البيجو والمرسيدس والاوروبي بوجه عام لقد انحسر سوقهم في مصر علي فئات قليلة قادرة علي اقتناء تلك السيارات عالية الجودة وعالية التكنولوجيا ومع الوقت ستختفي من مصر تماما بغض النظر عما تقدمه تلك السيارات من تكنولوجيا عالية وراحة وامان وجودة صناعة .... الخ

العربيات الصينية هتكتسح البلاد النامية قليلة الثقافة وقليلة الموارد ، الناس في مصر عايزة تركب حاجة كده شكلها حلو سعرها رخيص وقطع غياراها رخيصة حتي ولوكانت مضروبة (افتكرو الفيات بكافة انواعه)

انا من يومين بس كان راكب معي زميل في العمل وهو ذو ثقافة متواضعة مثل معظم المصريين فيما يتعلق بالسلع المصنعة عموما وشاف الاسبيرانزا 4x4 وذهل بيها جدا وقال بالنص الواحد (عربية رائعة دي شكل الشيروكي بالضبط وب 85 الف بس والشروكي ب 300 الف جنيه دي عربية لقطة بالسعر ده) ولما شرحت له الفروق ما فهمش حاجة وقال دي عربية جيب ورخيصة وشكلها حلو ولو معاه فلوسها هيروح يشتريها !!!

الخلاصة انا ماباحبش النصابين ولا الي بيشجعوهم واذا كان التاجر المصري والمستورد المصري نصاب بطبعة فالصينيون باسلويهم في الانتاج لا يختلفون كثيرا عن التجار ورجال الاعمال المصريين والضحية هنا هو المستهلك المصري المسكين الذي يشتري شكل السلعة وليس جوهرها

الاخ عمرو صاحب الموضوع...........الف شكر و ياريت الناس تقدر مجهودك و حرصك على مصلحة الجميع.

الاخ اللى بيتكلم عن جودة و عظمة السيارات الامريكية ...احب أسأله عن
1-نوع و موديل السيارة الامريكية اللى استعملها و عمل بيها كام كيلو و فى كام سنة و مدى جودتها و اعطالها و تحملها و صيانتها و.....كل حاجة عنها عشان نقتنع
2-هل هو جرب اليابنى عشان يقول الكلام ده عنه و للا هو اى كلام و السلام
و احب اقولله ان الجودة بتفرض نفسها و لو الامريكى كان هو الاحسن ماكانتش كريسلر و جى ام يفلسوا.............و بقالهم حوال 7 سنين بيخسروا خساير رهيبة و اليابانى مكتسح امريكا....
و للعلم انا عايش فى السعودية و اليابانى اغلى من الامريكانى(مثال البرادو 6 سلندر تبدأ من 130 الف ريال و الاكسبلورر تبدأ من 96 الف) و مع ذلك اليابانى و تحديدا تويوتا منتشر اكتر بكتيييييييييييير و سعر اعادة البيع احسن من الامريكانى مليون مرة و ................شكرا