زرار الاوفر درايف

**M.Osama** · 16-06-2009 08:31 AM

معلومه ممتازه جدا !!! دنا حنزل ابص عالعربيه دلوقتي واتاكد ان اللمبه منوره

بس سؤال..

لما ببطل العربيه بترجع للـ default بتاعها اللي هوا ان اللمبه تكون منوره صح ؟؟؟

**abou_ruqi** · 16-06-2009 11:53 AM

يا جماعة ملاحظة بس عكس اللي بتقولوه ان O/D Off بيمنع فقط الترس الرابع
جرب مرة تكون ماشي على الترس التاني آو التالت واقفل الاوفر درايف
حتلاقي العربية اتكتمت وكآنها اتسحبت للخلف وصوت الموتور اتغير !!

**shafey** · 16-06-2009 01:44 PM

المشاركة الأصلية كتبت بواسطة amrsabet

العربية ممكن تجيب لحد 160 باستخدام الاوفر درايف وrpm بيكون عند 6500 لفة وده عن تجربة

باشا انا جايب 180 باستخدام الاوفر درايف وrpm بيكون عند 7000

**M.Osama** · 16-06-2009 04:18 PM

المشاركة الأصلية كتبت بواسطة shafey

باشا انا جايب 180 باستخدام الاوفر درايف وrpm بيكون عند 7000

يعني لمبه الاوفردرايف كانت منوره .. ؟

**shafey** · 16-06-2009 09:27 PM

المشاركة الأصلية كتبت بواسطة m.osama

يعني لمبه الاوفردرايف كانت منوره .. ؟

ايوة كانت منورة و العربية ابتدت تفصل

**asnady** · 16-06-2009 11:41 PM

7000 RPM ؟
هو الناس ليه بتبوظ عربيتها ؟؟؟
مع نفسكوا
عموما فى الوضع العادى يجب ان تكون اللمبه O/D Off فى التابلوه مطفاءة اى ان يكون لمبه ال D فقط هى المنورة

**M.Osama** · 17-06-2009 01:58 AM

المشاركة الأصلية كتبت بواسطة asnady

7000 RPM ؟
هو الناس ليه بتبوظ عربيتها ؟؟؟
مع نفسكوا
عموما فى الوضع العادى يجب ان تكون اللمبه O/D Off فى التابلوه مطفاءة اى ان يكون لمبه ال D فقط هى المنورة

انتو حيرتونا كدا

**م.محمد علاء** · 17-06-2009 04:01 AM

المشاركة الأصلية كتبت بواسطة sab3aawy

مجرد توضيح للمصطلحات: كلمة اوفر درايف معناها اعلى نقلة فى السيارة، يعنى فى اى عربية مانيوال كلمة اوفردرايف تعنى النقلة الخامسة، وفى الصنى الأوتوماتيك كلمة اوفر درايف معناها النقلة الرابعة،

فيما معناها ان كلمة اوفر درايف مش معناها السواقة بسرعة ولا الشد ولا العزم العالى ولا اى حاجة من دول، اوفردرايف=النقلة الرابعه ،

وبالتالى الزرار الللى موجود على عصاية الجيربوكس وله لمبة فى التابلوه واسمه اوفردرايف، شغلته ببساطة انه يسمع للعربية تروح للاوفردرايف(يعنى يسمح للعربية تروح للرابع )او يمنعها من ذلك، واؤكد للمرة المليون ان اللمبة بتكون منورة لما يكون الزرار مطفى ، يعنى لما يكون غير مسموح للسيارة انها تروح للرابع يعنى بتشتغل اول وتانى وتالت بس
واللى حصل معاك انك لما طفيت الاوفر درايف(يعنى الزرار بقى فى الوضع الذى لا يسمح للسيارة انها تروح للرابع اللى هو الأوفردرايف) واللمبة بقت منورة الجير بوكس غصب العربية انها تنزل للتالت وده سبب الشدة اللى انت حسيت بيها وبقى عزم العربية عالى علشان انت مشغلها فى اخر النقلة التالتة وبقت مبتروحش للرابع لأن ببساطة الأوفردرايف مطفى يعنى الرابع مطفى يعنى مش مسموح لها تروح للرابع

وبالتالى الكلام اللى احنا قلناه من الاول صح، اللمبة بتنور لما يكون زرار الأوفردرايف مطفى، يعنى لما العربية آخرها التالت ومتقدرش تروح للرابع ، ولذلك فان صانع السيارة كتب على اللمبة o/d off يعنى اللمبة بتنور علشان تقول لنا ان الأوفر درايف على الوضع off يعنى العربية مش مسموح لها تروح للافوردرايف يعنى مش مسموح لها تروح للرابع

اتمنى ان كدة الصورة تكون وضحت ونحل هذة المشكلة اللفظية اللى كل شوية تطلع لنا زى عفريت العلبة على ساحة نيسان

ايه يا جماعه؟؟هو انا اللى عبقرى زياده عن اللازم ولا ايه؟؟؟
البشمهندس سبعاوى قال كل حاجه ممكن تتقال فى الموضوع؟!!!!!!!!!!!!!!!!

**samo999** · 17-06-2009 05:13 PM

يا جماعة انا شارى نيسان صنى من يومين فريت الكتالوج صفحة صفحة الكلام المظبوط ونقلا من الكتالوج الى معايا ان الوضع الطبيعى للعربية ان لمبة (O/D off) بتكون مطفية فى الوضع العادى
اما اذا كنت عاوز تزود عزم العربية بحيث متوصلش للغيار الرابع يبقى تدوس الزرار هتلاقى لمبة (O/D off) نورت فى التابلوة بس دة مش اقتصادى لاستهلاك الوقود
ملحوظة هامة جدا :-
اللمبة ياجماعة بتظهر بالاسم دة (O/D off) ولا علاقة للكلمة المكتوبة اللى هى off بوضع تشغيل او فصل الزرار
ملاحظة بشكل عام :-
اى لمبة بتنور فى التابلوة دة معناة ان فى وضع غير طبيعى

انا هحاول ارفع صور الكتالوج اللى فيها الشرح الكامل للموضوع