الموضوع: إلي خبراء الدايو ـ درجة الحرارة الموتور بتزيد لما بشغل التكييف

المشاركة الأصلية كتبت بواسطة samirayad

كلام جميل ..............وتفسر بأيه زيادة التسريب ومعدله عنده مع شغل التكييف بالذات ..............

( وده ممكن يقلل الميه وتزيد أكتر مع شغل التكييف لأن ضغط الحريق حيزيد مع التكييف )

التكييف لما بيشتغل بيضيف حمل جديد للموتور و بالتالى درجة حرارة الموتور بترتفع اكتر من الطبيعى زى ما انت وضحت و بالتالى حرارة المية بتقرب اكتر و اكتر من حرارة الغليان و نتيجة ان الغطا منفس و مفيش ضغط جوة الدورة فا المية بتغلى عند 100 درجة فى حين ان المفروض انها تغلى عند حرارة اعلى من كدة لو الغطا طبيعى و نتيجة الغليان بيحصل فوران و المية بتخرج من الغطا المنفس... نفس الحوار كان حيحصل لو كان بيطلع مطلع قاسى و طويل شوية زى المقطم مثلا او اى ظرف حيزود الحمل على المكنة

أرجو من الله ذلك ......ولكنى عندى شك .....فى تواجد تفويت نسب ميه خفيفه من خلال جوان رأس السلندر للغرف فى أثناء شوط السحب للبساتم ......ومع أشواط الأنضغاط والتمدد وكمان العادم بتاعة البساتم ....ممكن يكون هناك تفويت خفيف للغازات للميه وبكده الميه حتغللى ................( وارد هذا ولا لا ) .......وبالذات أن صاحب الموضوع لم ينوه أساسا للون العادم ......وانا أساسا سألته السؤال ده فى أو reply خاص بيا .....ولم يجيب

لو كان دة بيحصل كان يصاحب الاعراض ضغف فى الاداء و العربية تبرجل فى السلانسية او حتى تبطل خالص اضافة الى كم كبير من بخار المية فى العادم و صعوبة فى ادارة العربية

... ودى أنت عرفتها منين ياباشا ..............أصل صاحب الموضوع محددش الحته دى نهائيا

الراجل قال القربة بتفور و يخرج منها بخار

MMamdouh