استلمت اللوجان (ملاحظات)

**hesham_tawfiq** · 02-07-2009 12:53 AM

هو موضوع الاكصدام الفبر دا فى كل العربيات الجديده بلا استثناء
بالنسبه لرعشة الفتيس فدى مبحسش بيها الا لما اكون مشغل التكييف ومروحة اردياتير تشتغل وبيتهيالى عادى لانك فالحاله دى اهتزاز المراوح بيوصل للفتيس فانا مش شايفها مشكله اصلا

**أبو أدم** · 02-07-2009 07:43 AM

المشاركة الأصلية كتبت بواسطة hesham_tawfiq

بالنسبه لرعشة الفتيس فدى مبحسش بيها الا لما اكون مشغل التكييف ومروحة اردياتير تشتغل وبيتهيالى عادى لانك فالحاله دى اهتزاز المراوح بيوصل للفتيس فانا مش شايفها مشكله اصلا

بس الهزة دة بتحصل معايا يا هشام .... اول لما تدور العربية اساسا تلاقى الفتيس اتهز

انا و كام اخ معانا هنا بنفس الوصف ... هايبقى ايه علاقتها بالتكييف ؟

طيب هو انت سالت فى التوكيل عن سببها ؟ اصل العربية مركونة تحت بتقطع قلبى لحد لما ورقها يخلص

و يجي ... ان شاء الله ها ابقى اشوف الحوارات دة

**hesham_tawfiq** · 02-07-2009 10:19 AM

علاقتها بالتكييف ان فيه مروحه بتدور على السربنتينه والاهتزازات دى بتوصل للفتيس مش اكتر زى بالظبط ما بتحس بماتور العربيه وانت واقف فى اشاره
هى الهزه دى شديده لدرجة انها تسبب ازعاج ولا انت عاوز تتطمن بس؟
انا من رأيى تصبر شويه لحد مالعربيه تتلين واماتور يطبع على بعضه ولو ما استريحتش قوللهم فالتوكيل وانت بتعمل صيانة ال 5

**lastsamurai98** · 02-07-2009 05:38 PM

السلام عليكم عاملين اية يارب يكون الجميع بخير.بالنسبة لموضوع الهزة الي في عصا الفتيس دية اعتقد انها عادي لانها موجودة في السيمبول كمان بس كانت مع التكيف لكن موضوع الدواسات دة فمعرفش بصراحة وياريت حد يفدنا فية.

**أبو أدم** · 03-07-2009 12:14 AM

المشاركة الأصلية كتبت بواسطة hesham_tawfiq

هى الهزه دى شديده لدرجة انها تسبب ازعاج ولا انت عاوز تتطمن بس؟

شكرا يا اخى على اهتمامك .. لا هى لا تسبب لى ازعاج مطلقا ..بس علشان العربية حلوة اوي و مفيهاش حاجة غير الهزة دة .. فهو زي ما انت بتقول كدة نوع من الاطمئنان او المعرفة (( يعنى انا لو ما عرفتش السبب منك زي ما انت شرحته مش هادور عليه خالص ))

بس لا شك ان الهزة دة لو ليها حل او مش موجودة تبقى احسن

المشاركة الأصلية كتبت بواسطة lastsamurai98

السلام عليكم عاملين اية يارب يكون الجميع بخير.بالنسبة لموضوع الهزة الي في عصا الفتيس دية اعتقد انها عادي لانها موجودة في السيمبول كمان بس كانت مع التكيف لكن موضوع الدواسات دة فمعرفش بصراحة وياريت حد يفدنا فية.

و عليكم السلام و رحمة الله و بركاته و مغفرته و رضوانه ... ازيك يا أحمد باشا..
والله ... موضوع انكم بتاكدوا ان السبب من التكييف دة بيريحنى تماما .. لانى كنت خايف ليكون من الماتور او حاجة زي كدة

موضوع الدوسات دة بردة انا ما عنديش فيه اى هزة و لا حاجة
يمكن الاخ قاصده الفتيس مش الدوسات

**hanafe22** · 03-07-2009 02:34 AM

شكرا وربنا يخليكم

بنسبه للرفارف هى صاج ولم سالت التوكيل هى ليه مش فبر ذى الميجان اللى ان الرفارف الفبر تكنولوجيا حديثه ومش معمول بيها فى اللوجان
بالنسبه للرعشه الفتيس انا لسه ماشى بيها 100 ك ولم اروح صيانه 1000 هقالوهم عليها
صيانه 1000 ياجماعه متلغطش انا سال فى التوكيل
تغير الزيت بعد 10000 ك
انا سوف اذهب للمرور يوم السبت ان شاء الله علشان ارخص
محدش يعرف ايه المطلوب

فى لاخير العربيه حلوة الحمد لله احسن من الصينى والانوس والفيرنا (اللى لو اضونى فلوس علشان اركبها برضو هرفض)

**lastsamurai98** · 04-07-2009 03:39 AM

المشاركة الأصلية كتبت بواسطة architect_a

شكرا يا اخى على اهتمامك .. لا هى لا تسبب لى ازعاج مطلقا ..بس علشان العربية حلوة اوي و مفيهاش حاجة غير الهزة دة .. فهو زي ما انت بتقول كدة نوع من الاطمئنان او المعرفة (( يعنى انا لو ما عرفتش السبب منك زي ما انت شرحته مش هادور عليه خالص ))

بس لا شك ان الهزة دة لو ليها حل او مش موجودة تبقى احسن

و عليكم السلام و رحمة الله و بركاته و مغفرته و رضوانه ... ازيك يا أحمد باشا..
والله ... موضوع انكم بتاكدوا ان السبب من التكييف دة بيريحنى تماما .. لانى كنت خايف ليكون من الماتور او حاجة زي كدة

موضوع الدوسات دة بردة انا ما عنديش فيه اى هزة و لا حاجة
يمكن الاخ قاصده الفتيس مش الدوسات

الحمد للة يا باشا والف مبروك علي استلام العربية وربنا يديك خيرها ويكفيك شرها وعقبال الترخيص باذن اللةوتنبسط بيها وتسعي بيها في الخير ان شاء اللة.

**hesham_tawfiq** · 04-07-2009 09:50 PM

ياباشا الورق المطلوب للترخيص
شهادة الافراج الجمركى اللى ادوهالك من المعرض
طبعا صورة البطاقه والملف بتشتريه من المرور
طفاية حريق جديده بالفاتوره بتاعتها ( موجوده فالمرور برضه)
تامين اجبارى من اللى ملوش لازمه من سنه لتلت سنين حسب انت عاوز ايه ( لو العربيه عليها حظر بيع او بالتقسيط مش هتاخد اكتر من رخصة سنه )
وشوية خمسات وعشرات لزوم الرش فالمرور وامرك وامرنا الى الله لحد مايكون عندنا مرور محترم :-)