الموضوع: نرجو مساعدة من المتخصصين كابرس 94

لم استطع النوم قبل تجربة السيارة فاخدنها مشوار صغير 7 او 8 كيلو وده طبعا بعد اعادة توصيل حساس الهواء وللاسف الوضع سئ والسيارة بتطفى وبترعش احيانا والسحب بيروح احيانا لكن هناك نقطة مهمة اود ذكرها وهو السير بدون حساس وبالحساس يوجد فرق لااستطيع تحديده ولكن يمكن القول بانه
1)تحسن فى اداء السيارة بنسبة 50 % وبدون الحساس لا يوجد سحب بالمرة
2)عند فك فيشة الحساس والسيارة شغالة بتطفى فى الغالب على طول وباشعر انه تنظيم عملية السلانسيه بيروح بدون حساس
3)اللخبطة الموجودة فى السيارة هى هى نفسها فى وجود الحساس وفى عدم وجوده ولا اشعر بوجود فرق جوهرى او شئ معين يمكن الاعتماد عليه فى تشخيص العيب
الخلاصة انا حاسس انه العيب فى الحساس وانه دائرته اصبحت لا تعمل بشكل صحيح مما يسبب كل هذه المشاكل وبكرة ان شاء الله هاحاول اسال عليه ربما اجد نوع امريكى وليس جى ام الاصلى واركبه واتوكل على الله بعد الاستخارة طبعا
فى احد المنتديات الاجنبية شوفت فيلم فيديو امريكى عن طريقة الكشف على صلاحية الحساس وممكن اعملها بس عايزة وقت وافوميتر وترانس 12 فولت واسلاك توصيل وتنفخ فيه وتشوف حصل تغيير فى المقاومة المسجلة ام لا بس شغلانة طويلة وعايزة واحد فاضى وانا صراحة وقتى ضيق جدا

ياباش مهندس انت زعلت منى ولا ايه المفروض المنتدى خاص بالجميع وليس لاشخاص بعينهم وسعادتك ماشاء الله عليك واضح من اجاباتك انك متخصص عن علم ودراسة وخبرة بلا ادنى شك ولكن القصد من الموضوع مشاركة الجميع سواء بالعلم والخبرة او التجربة الشخصية وهذا لا يفسد للود قضية

مش حقولك غير كلمه واحده .....( حد يزعل من أخوه ) للأسف هما أربع كلمات مش كلمه واحده هههههههههههه.......بالعكس دا أنا نفسى (بجد والله ) أكون سبب فى أيجاد حل لموضوعك

المهم خلينا فى موضوعنا هو الحساس اللى عندى 3 اطراف وفيه السلك الحرارى وعدده 3 داخل الحساس

أيوه .....خلينا فى المهم .....علشان نركز ....والباقى على الله ( ونعم بالله )

فيه ملحوظة بدات اخللى بالى منها انه بعد تنظيف الحساس اصبح موضوع انطفاء المحرك والتفتفة واللخبطة دائما بتحصل بعد فترة من التشغيل ممكن 10 دقائق مثلا

هو الهواء بيمر عندك فى الحساس ده (حساس الماف ) فى كل الأوقات .....حتى وقت السلانسيه .....بمعنى أدق ( عربيتك فيها بلف أيدل ولا مفيهاش ) وده بيكون على البوابه جنب الtps

عندى سؤال فى مثل هذا النوع من السيارات عملية السلانسيه ما هى الدائرة المسؤلة عن تنظيمها ؟وهل لها حساس خاص؟

والله أنا سألتك فى الأقتباس السابق مباشرة عن بلف الأيدل .....علشان أعرف موجود عندك ولا لا ......لأن والله أعلم ...أحتمال فى الموديل بتاعك بيعتمد على تقييم حساس الماف (فى تحديد هواء السلانسيه )

حقيقة فى احد الاعضاء فى احد المنتديات الخليجية عامل موضوع عن الصيانة وبيقول انه فيه حساس جنب حساس الثروتل او ما يعرف ب tps هو المسؤول عن ذلك وهو السبب فى انطفاء المحرك لو عطل

فعلا فى المحركات الحديثه زى مثلا عائلة الدايو كمثال .....بيوجد بلف الأيدل كنترولر جنب الtps لتنظيم هواء السلانسيه ......ولو ده مش عندك .....يبقى هواء السلانسيه عندك بيتاخد من الماف ............وهنا المشكله فعلا لو كان الأيدل مش موجود ( ودى أنت اللى حتقوللى عليها )

وانا لاحظت فعلا وجود هذا الحساس فى السيارة

هو مش حساس ....ده بلف بموتور كهربى أو بيشتغل بوسيله تانيه وليها تصميمات كتير .....وبيكون جنب الtps فعلا ........ولو ده بايظ .....يعملك مشاكل كتير ....يعنى لو فيه عطل أو خلل داخلى معين ....ممكن وأنت بترفع رجلك من على البنزين (العربيه تطفى فعلا ) لأنك قاطع هواء السلانسيه عن المكنه

الشئ التانى حساس اخر اسمه knock sensor ياترى فين هذا الحساس وماهى وظيفته؟

ده بيكون على بلوك أسطوانات المكنه .....ومع وجود هزه وذبذبه داخل المحرك (زى أخطاء الحريق ....أو أستعمال بنزين بأوكتان قليل ) بيولد أشاره فى صورة فولت كهربى متغير .....وبيبعتها لوحدة التحكم ....وهى بدورها بتأخر شرارة البوجيهات شويه للتخلص من الظروف المسنحدثه على الحريق ............بس ميبطلش مكنه ....حتى لو موجود ...وأشارته مش شغاله .........المكنه حتعمل صوت تسقيف فقط ( مش حتبقى ناعمه يعنى )

- على فكره مرضيتش ألغى كلام من تعليقى ليك ....بعد ماعرفت من كلامك انك عندك بلف أيدل فى الآخر ....وكنت بعلق على جزء جزء ....علشان تعرف أنى مهتم بالتفكير معاك .........ومش زعلان .....يارب نلاقى حل ....لأن أنا عارف أن أنت اللى زعلان ونفسك تلاقى حل .....بس بترميها عليا هههههههههه