نرجو مساعدة من المتخصصين كابرس 94

**lonedoctor** · 21-07-2009 12:01 AM

اليوم قام الميكانيكى بعمل تنظيف بخاخات وقال لى انه هناك كتاوت كان بايظ خاص بالبخاخات وتم تغييره ومشيت بيها مسافة كبيرة لان الميكانيكى بعيد شوية يمكن 20 كيلو من البيت المهم برضه بطلت لكن مرة او مرتين بس واعتقد
انه ده يعتبر تحسن ملحوظ لا يمكن انكاره يعنى احسن من الاول 50% مثلا
بالمناسبة فى واحد فى المنتدى السعودى كان عنده عيب شبيه وقال انه غير حساس جنب البخاخات اسمه صاروخ (حاجة غريبة الاسم ده)بعدها السيارة ظبطت ايه رايك يا باش مهندس فى الموضوع ده؟
انا عندى اعتقاد كبير انه الموضوع متعلق بدائرة ضخ الوقود او منظم الهواء

**lonedoctor** · 21-07-2009 12:07 AM

بالمناسبة موضوع فصل البطارية ده انا عملته كتير جدا وحسبت ما قرات فى بعض المنتديات الاجنبية انه المفروض فصل الطرف الارضى وليس الموجب كما يجب تلميس الارضى بالموجب ايضا طبعا بعدفصله ولم اجد تغيير فى هذا الموضوع

**samirayad** · 21-07-2009 12:53 AM

بالمناسبة فى واحد فى المنتدى السعودى كان عنده عيب شبيه وقال انه غير حساس جنب البخاخات اسمه صاروخ (حاجة غريبة الاسم ده)بعدها السيارة ظبطت ايه رايك يا باش مهندس فى الموضوع ده؟

حساس جنب البخاخات ...........طيب هو عندك الحساس ده واصله أسلاك كهرباء ....ولا خط هواء تخلخل من الجنب التانى بتاع العمه اللى أتغيرت

انا عندى اعتقاد كبير انه الموضوع متعلق بدائرة ضخ الوقود او منظم الهواء

نفس أعتقادى فعلا

بالمناسبة موضوع فصل البطارية ده انا عملته كتير جدا وحسبت ما قرات فى بعض المنتديات الاجنبية انه المفروض فصل الطرف الارضى وليس الموجب

كده مفيش مشاكل .....المهم فصل دايرة الأمداد الكهربى من البطاريه لجميع المكونات (سواء كهربيه أو ألكترونيه )

كما يجب تلميس الارضى بالموجب ايضا طبعا بعدفصله ولم اجد تغيير فى هذا الموضوع

دى مش واضحه أوى معايا ......طيب وأنا ألمس ليه الأرضى أو السالب بعد فصله بالموجب وهو راكب على البطاريه ......ملهاش معنى كهربى عندى الصراحه ...

**lonedoctor** · 21-07-2009 05:51 AM

انا عملت تجربة جديدة النهاردة وهى فصل فيش منظم الهواء خالص وفكيت كابل البطارية وبكرة ان شاء الله امشى بيها واشوف ويارب يامسهل لو ظبطت يبقى هو السبب لو ما ظبطت يبقى ندور على سبب تانى
بالمناسبة يا باشمهندس ساعات السيارة مع بدا الدوارة يكون فى صعوبة شديدة ورعشة جامدة فى الماكينة واحس انه فى انسداد فى مكان ما يحتاج تسليك وتضرب شوية مدافع بس موش عالية اوى زى نبضات من الهواء المحبوس اللى بيطلع على دفعات وبعدين بعد 5 او 6 مرات بالشكل ده تبدا تدور كويس
موش عارف ايه رايك فى الموضوع ده وباحس انه ده نفس العيب اللى بيحصل وانا ماشى بيخليها تبطل وبعدين تشتغل تانى

عموما الموضوع ده اتعلمت منه انه لازم الواحد يكون باله طويل وعنده صبر لغاية ما يوصل لحل المشكلة و بصراحة ليس عندى استعداد ادفع فلوس فى حاجة تانية الا لما اكون متاكد منها كويس

**samirayad** · 21-07-2009 07:45 AM

كنت كاتب رد محترم ....وأرسلته ليك ....ومش عارف الكمبيوتر ماله معايا .....

- عموما أفصل فيشة حساس الهواء وجرب جميع الأوضاع .......وأعتبره زى ممر فاضى لعبور الهواء ......ومشى بالعربيه وفيشته مفصوله ....لو مبطلتش يبقى هو ده اللى بندور عليه .......ومعلش العربيه حتبقى عجوزه شويه وممكن متبطلش منك ......وبكده نبقى حصرنا العيب بالضبط ......

عموما الموضوع ده اتعلمت منه انه لازم الواحد يكون باله طويل وعنده صبر لغاية ما يوصل لحل المشكلة و بصراحة ليس عندى استعداد ادفع فلوس فى حاجة تانية الا لما اكون متاكد منها كويس

وده طبعى فعلا..................

**lonedoctor** · 21-07-2009 12:41 PM

جزاك الله خير يا باش مهندس واتمنى اعادة كتابة الرد

**samirayad** · 21-07-2009 02:49 PM

انا عملت تجربة جديدة النهاردة وهى فصل فيش منظم الهواء خالص وفكيت كابل البطارية وبكرة ان شاء الله امشى بيها واشوف ويارب يامسهل لو ظبطت يبقى هو السبب لو ما ظبطت يبقى ندور على سبب تانى

لما حضرتك فصلت فيشة حساس الهواء بقه ....كأنه ممر هواء فقط ....وكده أنا متعشم خير .....أن التجربه ده .....حتبينلنا وضع العيب بالنسبه لحساس الهواء.....لو مبطلتش .....يبقى هو ده السبب ....وعامل مشاكل فى عملية التحكم الى حد ما .....فلو أعتبرناه ممر هواء فقط .....المكنه حدور برضه أعتمادا على أشارات حساسات تانيه زى الtps مثلا ......بس طبعا حتخسع شويه مع الحمل والسحب ( وده مش مهم دلوقتى ) المهم متبطلش على مانحدد وضع حساس الهواء أو الماف

بالمناسبة يا باشمهندس ساعات السيارة مع بدا الدوارة يكون فى صعوبة شديدة ورعشة جامدة فى الماكينة واحس انه فى انسداد فى مكان ما يحتاج تسليك وتضرب شوية مدافع بس موش عالية اوى زى نبضات من الهواء المحبوس اللى بيطلع على دفعات وبعدين بعد 5 او 6 مرات بالشكل ده تبدا تدور كويس
موش عارف ايه رايك فى الموضوع ده وباحس انه ده نفس العيب اللى بيحصل وانا ماشى بيخليها تبطل وبعدين تشتغل تانى

الوضع ده ....قد يكون سببه حساس الماف (حساس الهواء ) أو حساس الtps ......وحنعرف الوضع التقريبى بعد التجربه بتاعة فصل فيشة حساس الهواء (الماف )

عموما الموضوع ده اتعلمت منه انه لازم الواحد يكون باله طويل وعنده صبر لغاية ما يوصل لحل المشكلة

طبعا ياباشا ......فى أى حاجه فى الدنيا وفى أى مجال ( طب - هندسه وووووووووووووو ) لابد من طولة البال والتحلى بالصبر .....ألا يقولون ( الصبر مفتاح الفرج ).....أصل كل حاجه وليها حل ......وزى ماقولنا قبل كده ( الحاجه الى ملهاش حل ......هى الموت ) ربنا يدينا ويديك طولة العمر ..........

بصراحة ليس عندى استعداد ادفع فلوس فى حاجة تانية الا لما اكون متاكد منها كويس

مفيش شك ....أن ده الكلام الصح .....طالما فيه فرصه للأقتناع بالسبب الحقيقى ....وأرجو من الله أرشادنا الى أقصر الطرق الموصله للعيب ................ده تقريبا نفس فحوى الرد الذى لم يرسل لحضرتك الى حد ما .......أصل التانى طار فى الهواء .......وصعب أوى أسترجاع كل مفرداته .......أشكرك على التواصل

**lonedoctor** · 21-07-2009 05:21 PM

تجربة فصل حساس الهواء كانت مريرة لانه السيارة كانت بتقطع وبرتعش بطريقة بشعة بالاضافة انها طفت منى كتير جدا المهم انا فكيت حساس الهواء وجهزت العدة واشتريت الاسبراى بتاع التنظىف ونظفته جيدا وكذلك الافياش بتاعته وبتاعة الكويل (البوبينة) وركبته اشتغلت تمام والدوارة والسلانسيه زى الفل واعتقد ان هذا يعنى انه الحساس شغال المهم باقى اجرب فى المشى بالسيارة وهنا يكون سؤال مهم لو فصلت تانى معناها انه السبب شئ تانى غير الماف ولا هناك فشل جزئى فى الوظيفة بتاعته partial failure وليس كامل وبالتالى يحتاج تغيير
المهم انا اشكرك يا باشمهندس على اهتمامك ومتابعتك للموضوع وعلشان كده باعرفك بالتفاصيل لحظة بلحظة

**lonedoctor** · 21-07-2009 05:23 PM

بالمناسبة حساس tps انا من الاول مع الحاجات الكتير التى غيرتها غيرته والعيب ظل كما هو

**samirayad** · 21-07-2009 05:52 PM

المهم انا فكيت حساس الهواء وجهزت العدة واشتريت الاسبراى بتاع التنظىف ونظفته جيدا وكذلك الافياش بتاعته وبتاعة الكويل (البوبينة) وركبته اشتغلت تمام والدوارة والسلانسيه زى الفل واعتقد ان هذا يعنى انه الحساس شغال المهم باقى اجرب فى المشى بالسيارة

....أيوه كده .......شغل الدكاتره ....والعده .....والتطهير العرقى ....وكده واضح أن شاء الله أن العمليه نجحت ........باقى بقه دور النقاهه ( تجربة المشى يعنى ).0....وأنا فعلا مبسوط من التقدم الملحوظ ده

واعتقد ان هذا يعنى انه الحساس شغال المهم باقى اجرب فى المشى بالسيارة

أن شاء الله حيكون بالطريقه دى الحساس تمام ....والعيب أتصالات فقط

وهنا يكون سؤال مهم لو فصلت تانى معناها انه السبب شئ تانى غير الماف

نعم

ولا هناك فشل جزئى فى الوظيفة بتاعته partial failure وليس كامل وبالتالى يحتاج تغيير

ربنا يستر ....ويبعدنا عن الصندوق أياه ......آمين يارب

المهم انا اشكرك يا باشمهندس على اهتمامك ومتابعتك للموضوع وعلشان كده باعرفك بالتفاصيل لحظة بلحظة

ياباشا .....كلنا هنا فى مصر أخواتك ولا نبغى الا صالحك .................ولكن لى طلب عندك ........قبل أن تدير الكونتاكت وتبدأ رحلة التجربه بالمشى بالسياره والحساس وفيشته وكل حاجه تمام فى مكانها ..............أوصيك بالتسميه أولا ............ثم قراءة هذا الدعاء ( اللهم .....لا سهل .....الا ....ما جعلته سهلا .....وأنت تجعل الحزن .....أن شئت سهلا ) مع تمنياتى بالتوفيق .....وسماع أخبار جيده أن شاء الله بعد التجربه