الموضوع: مشكلة كبيرة جدا بعد ارتفاع درجة الحرارة فجأة

أدام فيها جوان ابقي خلي الميكانيكي يبص كويس علي الصبابات ليكون فيه حاجة معوجة وخليه يعملك روديه للصبابات وينظفلك وش اللسلندر كويس

بس أنا مش فاهم هل جوان وش السلندر دي مشكلة كبيرة ؟ وهل ممكن تسبب تأخير الدوارة طول النهار وانها تدور من أول مرة لكن بكركبة وتخبيط في المتور الصبح ؟

هل ممكن امشي بالعربية أسبوع مثلا لحين اصلاح العطل ده علشان اروح لحد مضمون ؟

التكلفة في حدود كام بالمصنعية وهل ممكن تستدعي شراء متور جديد ؟ وهل هتعيب المتور ؟ وهل ممكن نلاقي عيوب تانية ؟

معلش يا جماعة الأسئلة كتيرة علشان أنا أول مرة أقع في المشكلة دي ومش لاقي حد أستشيره وأي ميكانيكي عايز يفك ويشتغل أي حاجة وخلاص ، وأنا عايز أعرف الوقت اللي هيتاخد في التصليح علشان أنا مشغول شوية اليومين دول

لكن أنا ملاحظ إن السحب ممتاز ومفيش لا تقطيع ولا تنتيش في السحب لكن العربية بتسخن بغباء وبتدور بصعوبة وهي سخنة والمراوح شغالة على طول ، لكن الميه زي ما هيه ميه والزيت زيت مفيش غير لون فعلا شبه لون الطحينة في أعلى الغطاء وساعات في المقاس ، والميكانيكي قال لي لو جوان وش سلندر العربية مش هتسحب ومش هتمشيك أكتر من 20-30 كيلو لكن أنا مشيت أكتر من 500 كيلو من بداية المشكلة وكل اللي كان بيحصل مواسير الميه بتتخرم بس ومش عارف أثبت على الميه الخضراء غير لما تستقر الأمور

بس أنا مش فاهم هل جوان وش السلندر دي مشكلة كبيرة ؟ وهل ممكن تسبب تأخير الدوارة طول النهار وانها تدور من أول مرة لكن بكركبة وتخبيط في المتور الصبح ؟

مش مشكلة كبيرة ولا حاجة بتحصل كتير خصوصا لما سير الكاتينة ينقطع أو سخونة زايدة في العربية وممكن تاثر علي الدوارة

هل ممكن امشي بالعربية أسبوع مثلا لحين اصلاح العطل ده علشان اروح لحد مضمون ؟

خطأ كل ما تتأخر في الاصلاح تزداد الاضرار لابد من الاصلاح المبكر

التكلفة في حدود كام بالمصنعية وهل ممكن تستدعي شراء متور جديد ؟ وهل هتعيب المتور ؟ وهل ممكن نلاقي عيوب تانية ؟

مفيش موتور جديد ولاحاجة ممكن تغير جوان السلندر بس وومكن تغيرصباب او اتنين ما تبانش الا لما الميكانيكي يفك والمصنعية مش حا تبقي غالية لان الموضوع سهل مش صعب

معلش يا جماعة الأسئلة كتيرة علشان أنا أول مرة أقع في المشكلة دي ومش لاقي حد أستشيره وأي ميكانيكي عايز يفك ويشتغل أي حاجة وخلاص ، وأنا عايز أعرف الوقت اللي هيتاخد في التصليح علشان أنا مشغول شوية اليومين دول

بكتيرة ساعة

لكن أنا ملاحظ إن السحب ممتاز ومفيش لا تقطيع ولا تنتيش في السحب لكن العربية بتسخن بغباء وبتدور بصعوبة وهي سخنة والمراوح شغالة على طول ، لكن الميه زي ما هيه ميه والزيت زيت مفيش غير لون فعلا شبه لون الطحينة في أعلى الغطاء وساعات في المقاس ، والميكانيكي قال لي لو جوان وش سلندر العربية مش هتسحب ومش هتمشيك أكتر من 20-30 كيلو لكن أنا مشيت أكتر من 500 كيلو من بداية المشكلة وكل اللي كان بيحصل مواسير الميه بتتخرم بس ومش عارف أثبت على الميه الخضراء غير لما تستقر الأمور

العيب ال عندك ان شاء الله جوان وش السلندر بيسرب كبس من احد البساتم او من العادم ال دورة مياة التبريد التي لا تتحمل هذا الضغط فبالتالي بتتخرم...............بسيطة ان شاء الله

يا جماعة أنا رحت أغير جوان وش السلندر عند ميكانيكي جديد فقاللي أنا مش مقتنع إن العربية دي جايبة جوان وهاثبتلك

فظبط المياه ومسح غطاء الزيت والمقاس وجرب العربية وفولها ومشينا مسافة 150 كيلو ورجعت فولنا تاني ، ولما رجعنا بصينا على غطاء الزيت لقيناه زيت عادي مفيش الطحينة ، والمقاس زيت طبيعي والمياه لم تنقص ولا مللي (طبعا بعد ما بردت العربية علشان نحسبها منظبوط. وحسبنا الإستهلاك كان استهلاك مثالي ، كان يوازي 235 كيلو في العشرين لتر ويعتبر استهلاك مثالي وخصوصا مع حرق الغيارات والتسارع السريع

لكن عندي مشكلة كبيرة ومش عارف سببها ومش لاقي حد عارف يحلها !!!! ياريت تساعدوني فيها
وهي إن العربية وهي سخنة بتدور بصعوبة كبيرة من 3-4 مرة ، وصوت المارش بيكون سريع لكن مش بيطلع أي دخنة خالص من الشكمان علشان باخلي كل مرة واحد يقف ورا العربية عند الشكمان يشوف

وفي الصبح بدري بتدور فورا من أول سنة على طول

يا ترى ده من ايه؟ وهل السخونة اللي فاتت ممكن تكون أثرت على حاجة ؟