أسئلة عامة عن رينو ؟؟ رجاء من كل مالكي رينو الرد

**AbO_FaRaH** · 15-07-2009 02:11 PM

المشاركة الأصلية كتبت بواسطة tofy_urban

شكراً ياجماعة ربنا يخليكم انا بس محتاج اتاكد من الناس اللي معاها العربيات لان حرام ان الواحد يدفع 80 الف في عربية و بعد كده يحس انه اضحك عليه
و للأخ test50 ليه بلاش كونتكت كارز ارجو الاجابة

بص يا سيدى:
اولا: الفائده عندهم عاليه بالمقارنه بسعر السوق
ثانيا: نظام التامين عندهم ظلم ....لانه فى حاله الحوداث اكثر من مره لا قدر الله فى نسيه تحمل عليك
يعنى فى حاله الحادث الثانى فى نفس السنه انت بتدفع نسبه يبقى انت كده مامن عندهم ليه
ثالثا: العربيه بيكون عليها حظر بيع

راى الشخصى انك تخد قرض شخصى من اى بنك وهى بتكون فائده منتاقصه ولو انت عاوز تبع العربيه فى اى
وقت ممكن تبعها لانها لا يوجد عليها حظر .......وطبعا عشان تكون فى السليم امن فى شركه تامين متحرمه
زى المهندس للتامين لان فيه واحد صاحبى مامن عندهم مبوسط منهم جدا

**tofy_urban** · 15-07-2009 02:16 PM

المشاركة الأصلية كتبت بواسطة test50

بص يا سيدى:
اولا: الفائده عندهم عاليه بالمقارنه بسعر السوق
ثانيا: نظام التامين عندهم ظلم ....لانه فى حاله الحوداث اكثر من مره لا قدر الله فى نسيه تحمل عليك
يعنى فى حاله الحادث الثانى فى نفس السنه انت بتدفع نسبه يبقى انت كده مامن عندهم ليه
ثالثا: العربيه بيكون عليها حظر بيع

راى الشخصى انك تخد قرض شخصى من اى بنك وهى بتكون فائده منتاقصه ولو انت عاوز تبع العربيه فى اى
وقت ممكن تبعها لانها لا يوجد عليها حظر .......وطبعا عشان تكون فى السليم امن فى شركه تامين متحرمه
زى المهندس للتامين لان فيه واحد صاحبى مامن عندهم مبوسط منهم جدا

بص ياسيدي انت كلامك صح في النقطة الثانية و انا مش ناوي اصلا اامن عندهم و النقطة الثالثة صح و ده موجود في كل الاماكن اللي ممكن يكون فيها تقسيط حتي البنوك و موضوع القرض الشخصي انا مش عايزة لتجنب موضوع الربا انا كده بقسط معاهم سلعة هما بيشتروها و بيعدوا بيعها ليا لكن القرض الشخصي فيه شبهات ربا كتير

**tofy_urban** · 15-07-2009 02:18 PM

المشاركة الأصلية كتبت بواسطة col. Eng. Khaled

ياريت إذا تقدر تقسط مع بنك ناصر الإجتماعي
6% فائدة عن السنة
مش بيجبرك تأمن على العربية على إعتبار القسط بيحصله من المرتب المحول عليه , و أولا و أخيرا العربية عربية العميل
و البنك ضامن القسط ضامن القسط

استاذ خالد انا مش ينفع اعمل تحويل لمرتبي خااااااالث لان سيستم الشركة عندنا مش هايخليني اعرف اعمل تحويل مرتب و ده خلاني اضطر اني اشوف برة

15-07-2009 02:25 PM

سألت عندهم عن البدائل لتحويل المرتب ؟ هو عندهم بدائل بس بصراحة مش عارفها .
بالنسبة للتأمين (لو عايز تأمن أنا مش مأمن) شوف الرابط ده :
http://safetyp.com/default/home/?lang=3

**AbO_FaRaH** · 15-07-2009 02:26 PM

المشاركة الأصلية كتبت بواسطة tofy_urban

بص ياسيدي انت كلامك صح في النقطة الثانية و انا مش ناوي اصلا اامن عندهم و النقطة الثالثة صح و ده موجود في كل الاماكن اللي ممكن يكون فيها تقسيط حتي البنوك و موضوع القرض الشخصي انا مش عايزة لتجنب موضوع الربا انا كده بقسط معاهم سلعة هما بيشتروها و بيعدوا بيعها ليا لكن القرض الشخصي فيه شبهات ربا كتير

خلاص قسط وامن فى مكان تانى بس حاول تشوف مكان فيه فائده اقل ....اما راى الاخ مندوب المبيعات عن رينو
فهو بيستعبط من الاخر غبور شريك غى كونتك كار فطبعا بيحاول معاك انك تشترى حاجه غير رينو وعلى فكره
نفس الموضوع ده حصل مع واحد صاحبى كان يشترى عربيه كيا بردو المندوب عامل كده معه .

خليك فى اللوجان سعرها كويس حاليا ضمان 100 الف او ثلاث سنوات بجانب كده عربيه ممتازه وحصله على 3 نجوم
فى اختبار الامان

**tofy_urban** · 15-07-2009 02:39 PM

ايوة بس هو قالي هات افيو مقلش اي حاجة تبع غبور و لما رفضت اصلا فكرة الكوري قالي هات ياريس الراجل واضح انه كان بيتكلم بحيادية

**hesham_tawfiq** · 15-07-2009 02:50 PM

وجهة نظرى الشخصيه المتواضعه جدا والارزاق على الله
بص على اى عربيه كورى عمرها اكتر من سنتين وبشرط متكونش معمول فيها حاجه ( تصليح او تظبيط ) وشوف حالتها عامله ازاى وانت تحس بالفرق

**Ahmed Selim** · 15-07-2009 03:10 PM

المشاركة الأصلية كتبت بواسطة Cell_k

طب ايه المشكلة يا أخى الكريم فى الرفارف الفيبر ؟
لما لا قدر الله تتخبط فى ورش متخصصة فى صيانة و لحام الفيبر زى ما العربيات الكورى الصاج تتخبط فى ورش سمكرة تصلحها ... ده بالنسبة للخباطات البسيطة لكن لاقدر الله حادثة كبيرة الفبير أمن عن الصاج و راجع الموضوعات اللى سيادة العقيد خالد وضعها و تعرف و تفهم لكن بلاش تمشى ورا كلام فى كلام ... أقرأ بنفسك و أسأل مجرب ...

و بعدها تقرر مين أهم بالنسبالك فى حالة الحوادث.......العربية و لا اللى جوة العربية

بارك الله فيك يا استاذ أحمد .

تنبيه بمخالفة القاعدة رقم 6 بند أ
ممنوع الكتابة باللون الأحمر حيث أنه مخصص للأدارة
الرجاء مراجعة قوانين المنتدى
_________________
مشرف القسم

**Ahmed Selim** · 15-07-2009 03:25 PM

المشاركة الأصلية كتبت بواسطة tofy_urban

و الله انا عارف كده و مش عايز اجيب كوري خاااااااااالص لكن في ناس كتير حوليا بيقللوا من رينو و بيستشهدوا بحاجات كتير و اكتر سؤالين مش عارف اجاوب عليهم ليه العربيات دي مش منتشرة و اللي مخلي الميجان فيها مشاكل كده (علي حد تعبيرهم طبعا) يبقي باقي موديلاتهم فيها ايه

يا سيدى الفاضل..........هل قريت اللينكات اللى حطها العقيد خالد ؟؟؟؟؟

أتمنى أنك تقراها و بعد كده متسمعش لكلام ناس بيسمعوا من ناس يعرفوا ناس كان ليهم جارهم معاه العربية