الموضوع: أسئلة عامة عن رينو ؟؟ رجاء من كل مالكي رينو الرد

المشاركة الأصلية كتبت بواسطة tofy_urban

جامدة جداً جداً و ملعوبة ,, انا مش بسمع لكلام الناس اللي بيسمعوا من ناس اللي يعرفوا ناس كان ليهم جار بقي جايب العربية انا بسألك معالي الباشا سؤال واضح حط نفسك مكاني و هتجيب عربية في رينج ماكسيمم 80 ألف و اللي هاتقول عليه انا هاعمل و انا مغمض

يا باشا ما أنا بالفعل كنت فى مكانك من 4 سنين..............أظن الأختيار واضح.....مش كده ولا أيه ؟؟؟

قبل ما أجيب كنت بقارن بين
لانسر بومة و ميجان و أوكتافيا القديمة و أمبريزا.......الكورى مش بستريح معاه فطلع من المقارنة خالص.

اللانسر البومة سوقتها حوالى 50 كم على طريق الساحل و كانت عاجبانى جداً من جوة بس بعد ال 140 خفيفة شوية
الأوكتافيا ثباتها كان هايل بس بطة شوية و فقيرة من جوة مقارنة بالباقى.
الأمبريزا بصراحة من أكتر العربيات اللى أستريحتلها و حسيت أنها زى الميجان تقريباً.....و بصراحة كده فى رأييي أنها أحسن اليابانى......الباقى كله بحسه خفيف....مع كامل أحترامى للجميع....بس أنا ليا عذر برضه أنى أول عربيتين بتوعى كانو ألمانى و بالتالى أى حاجة مش ألمانى تتقارن بيهم هتخسر يعنى هتخسر ( فى الثبات )
بس كان يعيب الأمبريزا ساعتها أنها كانت ضيقة شوية بالنسبالى و كمان كان موتورها 95 حصان بس ( طبعاً معروف أنها دفع رباعى )

المشاركة الأصلية كتبت بواسطة col. Eng. Khaled

من الطرائف اللي سمعتها و أنا برتب حالي لشراء الميجان 2008 زيرو :
أن واحد راكب بسكلته و خبط إكسدام ميجان واقفة في إشارة مرور الإكسدام وقع .
واحد راح التوكيل بيشتكي من عطل تكييف ميجان , قالوا له ده عيب كمبيوتر عربية نتيجة سوء إستخدام التكييف و الكمبيوتر لازم يتغير .
واحد بياخد ملف الدركسيون علّق و مرضيش يرجع .
و الله العقل زينة .

تصدق يا باشا أحنا ممكن نطلب عمل منتدى فرعى تحت رينو عن النكت اللى أتقالت عليها

أحلى حاجة سمعتها بقى بجد

"الميجان بتاكل بطارية"

حسيت أنه بيتكلم على عدة أريكسون 688