الموضوع: أسئلة عامة عن رينو ؟؟ رجاء من كل مالكي رينو الرد

المشاركة الأصلية كتبت بواسطة tofy_urban

لكن السؤال هو ازاي الفتيس يتكسر بالسهولة دي و السؤال التاني ازاي الافندي اللي هناك يشتغلني و يقولي اصل تلاقي حد حركة جامد من غير ما يدوس دبرياج ,,, العربية كانت مطفية دبرياج ايه اللي ادوس عليه

يعنى إيه مكسور ؟؟؟؟ ممكن توضح ؟؟؟

المشاركة الأصلية كتبت بواسطة engsisi

ممكن اعرف من حضراتكم تقييم شامل للرينو رينبو من حيث كل شىء
ارجوا افادتى لانى انوى شرائها وعايز اعرف جميع مميزاتها وعيوبها ؟؟؟
ارجو ايضا معرفة سعرها ( موديل 97 الى 2000 ) للحاله الجيده

بص يا باشا الريمبو سيارة ممتازة جدآ وقطع غيارها متوفرة جدآ وخاصة فى الاستراد بأسعار متوسطة واحينآ رخيصة وتتميز بصاج وقوة بودى لا تتكرر كثيرآ فى سيارات اليومين دول عيبها الوحيد موتورها ضعيف جدآ نظرآ لارتفاع وزن السيارة وقلة البور هور الخارج منة 85 على ما اذكر وبتزيد المشكلة لما السيارة تكون محملة بس كنت اعرف ان ممكن موتورها يتعملو تعديل لرفع البور هورس وزيادة ال cc عن طريق التوكيل او ميكانيكى مشهور للرينو فى فيصل اسمو عبدة بس نصيحة لوجة الله لو قدرت تجيب كليو حتى لو الشيب الاول 2001 افضل كتير جدآ عربية واداء متميز وفى منها 1400 و 1200 cc

بص يا اخى موضوع تطوير الموتور بيعملو ميكانيكى اسمو عبدة فى شارع فيصل فى محطت التعاون وهوا متخصص فى الرينو وعلى كفائة عالية بس غالى شوية وبعدين ممكن يقنعك بتغيير الموتور بموتور استيراد احدث واقوى فى الاداء بس الموضوع دا مكلف جدآ ومش عملى لاكن عملية التطوير الى بقولك عليها مش عارف تكلفتها كام بس ممكن تسآلو ودا تليفون عبدة 0122643499 بس متسلمش نفسك لية علشان هوا حواراتة كتيير بس ممكن تستشيرة واعتقد ان فكرة الكليو افضل كتيير لان ال1200cc منها اقوى وافضل من موتور الرينبو وذلك لتطور الموتور وسعرها فى حدود 32 الف ولا تزيد عن 35 فى كافة الاحوال بس فرق قوى فى التطور بين العربيتين فى كل شيئ وممكن تتصل بية وتسألو احيانا بيكون عندة عربيات لزباين عايزة تبيعها وانا فى الخدمة وتحت امر حضرتك